მნიშვნელოვანი ინფორმაცია
25
ივნისიდღის ზოგადი ასტროლოგიური პროგნოზი
ხუთშაბათი, მთვარის მეორე დღე დაიწყება 04:52-ზე, მთვარე კირჩხიბშია – რეკომენდებულია ბიზნესის დაწყება. მუშაობა ინდივიდუალურადაც და გუნდურადაც. მოძებნეთ სპონსორები თქვენი პროექტებისთვის. შეგიძლიათ დაიწყოთ ახალი საგნების სწავლა, ჩაირიცხოთ კურსებზე. კარგია მოგზაურობა, მივლინებები. პირი და კბილები აქტიურია. კარგია ვარჯიშის დაწყება. რაც უფრო მარტივი და მსუბუქი იქნება დღეს საკვები, მით უკეთესია. არ არის მიზანშეწონილი ალკოჰოლისა და ხორცის მოხმარება. ერთ-ერთი საუკეთესო დღეა ქორწინებისთვის. დღეს შექმნილი ოჯახი ძლიერი და მეგობრული იქნება. კარგია პაემნის მოწყობა და საყვარელი ადამიანისთვის საჩუქრის მირთმევა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ყველაფერი, რაც კბილების მოვლის შესახებ უნდა იცოდეთ
14:51 / 25-09-2019
თუ გინდათ, რომ ჯანმრთელი პირის ღრუსა და კბილები გქონდეთ, ფთორის შემცველი კბილის პასტით გაიხეხეთ კბილები დღეში ორჯერ დაახლოებით 2 წუთის განმავლობაში. კბილის ნადები არის ბაქტერია, რომელიც კბილების არასწორად გაწმენდის შემთხვევაში ჩნდება. შემდეგ ეტაპზე კი ის ღრძილების დაავადებებსა და კბილის კარიესს იწვევს. კბილების გახეხვა ნადების გაჩენისგან გიცავთ. სწორედ ამიტომ მნიშვნელოვანია, რომ ყველა კბილის ზედაპირი გულდასმით გაიწმინდოთ ჯაგრისით.
როდის უნდა გავიხეხო კბილები?
კბილები აუცილებლად უნდა გაიხეხოთ ძილის წინ და გახეხვის შემდეგ საკვები აღარ უნდა მიიღოთ. გარდა ამისა, დღის განმავლობაში კბილები მეორედაც უნდა გაიხეხოთ კბილის ჯაგრისითა და პასტით. მაქსიმალური შედეგის მისაღწევად აუცილებელია, რომ კბილის პასტა თქვენი პირადი საჭიროებებიდან გამომდინარე შეარჩიოთ. მაგალითად, თუ მწეველი ხართ, გამოიყენეთ კბილის პასტა მწეველებისთვის, თუ ყავას ან ჩაის აქტიურად მოიხმართ, გამოიყენეთ ყავისა და ჩაის ნადების საწინააღმდეგო კბილის პასტა. ავსტრიულ ბრენდ White Glo-ს სხვადასხვა კატეგორიის კბილის პასტების მეტად მრავალფეროვანი არჩევანი აქვს და მისი შეთავაზებებიდან თქვენს საჭიროებებზე მორგებული შეგიძლიათ შეარჩიოთ.
ელექტრო კბილის ჯაგრისი გამოვიყენო თუ ჩვეულებრივი?
საზოგადოებაში გავრცელებულია მცდარი წარმოდგენა, რომ ელექტრო ჯაგრისი უკეთესად ასუფთავებს კბილებს. რეალურად, არავითარი მნიშვნელობა არ აქვს ელექტრო იქნება თქვენი კბილის ჯაგრისი თუ ჩვეულებრივი. მთავარია, თქვენ სწორად გამოიყენოთ ჯაგრისი და მისი საშუალებით კბილის ზედაპირი კარგად გაწმინდოთ.
როგორი კბილის პასტა გამოვიყენო?
მნიშვნელოვანია, რომ კბილის პასტას ფთორის ადექვატური შემცველობა ჰქონდეს. სწორედ ამიტომ წაიკითხეთ კბილის პასტის ანოტაცია. მისი შემცველობა მინიმუმ 1350 პპმ უნდა იყოს. 6 წლამდე ბავშვებისთვის კი მაქსიმუმ 1000 პპმ შემცველობის კბილის პასტის გამოყენებაა რეკომენდებული. თქვენი სტომატოლოგი ინდივიდუალურად გირჩევთ, თუ მეტი ფტორის შემცველი კბილის პასტის გამოყენებაა თქვენთვის უმჯობესი.
როგორ გავიხეხო კბილები?
კბილების გახეხვის დროს ორი აუცილებელი წესი უნდა დაიცვათ. პირველ რიგში, დარწმუნებული უნდა იყოთ, რომ კბილებს 2 წუთის განმავლობაში იხეხავთ. ამ დროის განმავლობაში კი კბილის სრული ზედაპირი უნდა გაიწმინდოთ. ეს გულისხმობს კბილის წინა ზედაპირს, უკანა ზედაპირს და საღეჭი კბილების ზედაპირს.რაც შეეხება პატარებს, მათ, როგორც წესი, დამოუკიდებლად კბილების სრულყოფილი გახეხვა 7 წლის ასაკიდან შეუძლიათ. სასურველია, რომ მანამდე ბავშვებს თქვენ დაეხმაროთ.არ გამოივლოთ წყალი გახეხვისთანავეკბილების გახეხვას რომ დაასრულებთ, გადაანერწყვეთ პირში დარჩენილი კბილის პასტა და რამდენიმე წამი გაჩერდით. გახეხვის დასრულებისთანავე თუ გამოივლებთ წყალს, მაშინ კბილის პასტაში არსებულ ფტორს კბილზე მოქმედების საშუალებას არ მისცემთ. შესაბამისად, კბილის პასტის დადებითი ეფექტი შემცირდება.
გამოვიყენო პირის ღრუს სავლები?
ფტორის შემცველი პირის ღრუს სავლების გამოყენება კარიესის გაჩენისგან გიცავთ. თუმცა მისი გამოყენება არ არის რეკომენდებული უშუალოდ კბილების გახეხვის შემდეგ. რადგან ის კბილებზე დარჩენილ ფტორს ჩამორეცხავს.მისი გამოყენება უმჯობესია ლანჩის შემდეგ. პირის ღრუს სავლების გამოყენების შემდეგ 30 წუთის განმავლობაში არ მიიღოთ საკვები ან სასმელი.როგორ გამოვიყენოთ კბილის ჩხირიკბილის ჩხირის საშუალებით თქვენ კბილებს შორის დარჩენილ საკვებს მოიშორებთ. მისი რეგულარული გამოყენება ღრძილების დაავადებებისგანაც გიცავთ და ჯანსაღი სუნთქვის შენარჩუნებაში დაგეხმარებათ.კბილის ჩხირის გამოყენება იდეალურია გახეხვის წინ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რატომ გაგიჟდა მსოფლიო labubu-ს თოჯინებზე?
კვირის კითხვადი სტატიები
მნიშვნელოვანი ინფორმაცია
მკითხველის რჩევით
