სპორტსმენების საყვარელი ბრენდი უკვე საქართველოშია - "პიკი" მაღალ ხარისხს და დაბალ ფასს გთავაზობთ

ცოტა ხნის წინ თბილისში საერთაშორისო სპორტული ბრენდის - Peak-ის პრეზენტაცია გაიმართა. "პიკი" წარმოდგენილია ევროპის სხვადასხვა ქვეყნის ბაზარზე და მომხმარებელს სპორტულ ასევე, ყოველდღიური სტილის ტანსაცმელს, ფეხსაცმელს და აქსესუარებს სთავაზობს.

"პიკს" საქართველოში "პარადისი ჯგუფი" წარმოადგენს.

ბრენდის მთავარი ხაზია კალათბურთის პროფესიონალი და მოყვარული მოთამაშეებისთვის კომფორტული და ხელმისაწვდომი სამოსის შექმნა. დღეისათვის, "პიკი" FIBA-ს გლობალური პარტნიორია, ბრენდი თანამშრომლობსს სხვადასხვა ქვეყნების კალათბურთის ეროვნულ ფედერაციებთან და ოლიმპიურ კომიტეტებთან - არაერთ გუნდს აცვია "პიკი" სათამაშო თუ სავარჯიშო ფორმად.

ბრენდის ამბასადორები არიან მსოფლიოში ცნობილი კალათბურთელები: ტონი პარკერი, დუაიტ ჰოვარდი, ჯორჯ ჰილი, ლუი უილიამსი და სხვები.

როგორც AMBEBI.GE-სთან საუბრისას „პარადისი ჯგუფის“ მარკეტინგის მენეჯერმა, ნინო ავალიშვილმა აღნიშნა, ბრენდის მთავარი უპირატესობა არის ის, რომ "პიკი" მომხმარებელს მაღალ ხარისხს საკმაოდ დაბალ ფასად სთავაზობს.

"პარადისი ჯგუფი" მასპინძლობს ისეთ გიგანტ ბრენდს საქართველოში, როგორიც "პიკია". მაღაზიაში წარმოდგენილია ყოველდღიური და სპორტული ტანისამოსი და ფეხსაცმელი ჩვენი ბრენდ-ამბასადორების კოლექციიდან. "პიკი" არ ყიდის სახელს, "პიკი" ყიდის ხარისხს - სწორედ ეს არის მთავარი, რის გამოც მომხმარებელმა უნდა გააკეთოს არჩევანი „პიკზე“. არ არის საჭირო დიდი თანხის გადახდა ფეხსაცმელსა და ტანისამოსში იმისთვის, რომ კომფორტულად გეცვას" - აღნიშნა ნინო ავალიშვილმა.

"პარადისი ჯგუფი" საქართველოში 2006 წლიდან ოპერირებს და წარმატებით ხელმძღვანელობს არაერთ ბრენდულ მაღაზიას.

"ჩვენი ბრენდი საქართველოში წარმოდგენილია 10 წელზე მეტია, ისეთი წამყვანი ბრენდებით, როგორებიცაა: New balance, Emporio Armani EA7, Ted Lapidus...

ახლა კი შევმატეთ ეს ძალიან კარგი ხარისხის ბრენდი „პიკი“, რომელიც გამოირჩევა იმით, რომ აქვს უზარმაზარი არჩევანი, ხელმისაწვდომი ფასი, მიჰყვება მაღალ მოდას. იმედი გვაქვს, რომ როგორც ჩვენი ერთგული, ასევე ახალი მომხარებელი კმაყოფილი იქნება ამ ბრენდით.

"პიკს" აქვს, როგორც მამაკაცების ასევე, ქალების ხაზი. "პიკი" არა მარტო სპორტია, არამედ მოდა, თანამედროვე სტილია. დღეს უკვე ისეთი ტენდენცია ჩამოყალიბდა, ადამიანები ხვდებიან, რომ კომფორტული ფეხსაცმელი აქტიური ცხოვრებისთვის ძალიან მნიშვნელოვანია.

შესაბამისად, თუ გინდათ რომ გეცვათ მოდურად და არ გადაიხადოთ ძალიან ძვირი აირჩიეთ - "პიკი" - განუცხადა AMBEBI.GE-ს "პარადისი ჯგუფის" დამფუძნებელმა და ხელმძღვანელმა დავით ხახიაშვილმა.

"ჩემი სააგენტოს ერთ-ერთი კლიენტი ტონი პარკერი გახლდათ, „სან ანტონიოს“ ვარსკვლავი „პიკის გამორჩეული, პირველი სახე იყო. პიკმა დაამტკიცა ამ მოკლე პერიოდში ხარისხთან შესაბამისობა და გამორჩეული დიზაინი, რაც სპორტულ სამყაროში მნიშვენლოვანია" - გვითხრა მოძრაობა "იყავი აქტიური საქართველოში" ხელმძღვანელმა ზურაბ ბოქოლიშვილმა.

"პიკის" პრეზენტაციაზე სტუმრების განწყობაზე Teo's Studio-ს მოცეკვავეებმა და დიჯეიმ იზრუნეს, გათამაშდა უამრავი პრიზი - სპორტული სამოსი და აქსესუარები, ასევე სტუმრებმა ამ დღისთვის განკუთვნილი სპეციალური ფასდაკლებითაც ისარგებლეს.

მაშ ასე, ვაჟა-ფშაველას 8 ნომერში უკვე გელოდებათ სპორტული მაღაზია, სადაც მაღალი ხარისხის პროდუქციას ხელმისაწვდომ ფასად შეიძენთ.