ვის ეკუთვნის ლოკოკინების უდიდესი ფერმა ხობში - "გაზაფხულზე ხუთი ტონა გავგზავნეთ იტალიაში, ახლა 20 ტონის გაგზავნას ვაპირებთ"
ხობის მუნიციპალიტეტის სოფელ ახალ ხიბულაში ორი წელია ლოკოკინების ფერმა "ნადი გრუპი" ფუნქციონირებს. აქ წარმოებული პროდუქცია იტალიაში პირველად მიმდინარე წლის მაისში გაიტანეს. მაშინ საექსპორტო ლოკოკინების რაოდენობამ ხუთი ტონა შეადგინა. ფერმის დამფუძნებელი მერაბ ნადარაია AMBEBI.GE-ს უყვება, რომ პროდუქციის გატანას ნოემბერშიც გეგმავენ და მოსავალს 20 ტონამდე ელოდებიან. ნადარაია ამბობს, რომ საწარმოს შექმნა საერთაშორისო ბაზრის შესწავლის შემდეგ გადაწყვიტა.
"ნადი გრუპის" ხელმძღვანელი გვიყვება, რომ მოლუსკებზე მოთხოვნა მზარდია. საჯიშე ლოკოკინები სოფელ ახალ ხიბულაში იტალიიდან ჩამოიყვანეს. მის ექსპორტსა და გასაღებაზეც სწორედ იტალიელი პარტნიორები ზრუნავენ.
"ჩვენ სოფლის მეურნეობის მიმართულებით ვმუშაობთ, თხილის პლანტაცები გვაქვს. გვინდოდა რამე ისეთი, საქართველოსთვის არატრადიციული დარგი გაგვევითარებინა. იყო საუბარი ბაყაყების ფერმაზე, მაგრამ ბაზრის შესწავლის შემდეგ ვნახეთ, რომ მისი გაყიდვის არეალი არ არის მცირე. შემდეგ შევისწავლეთ მოლუსკების წარმოება. აღმოჩნდა, რომ ბაზრის 40% დაუკმაყოფილებელია და ბოლო თხუთმეტი წლის განმავლობაში მასზე მოთხოვნა მზარდია. პროდუქტი არის ძალიან სასარგებლო, მაღალი პროტეინის შემცველობა და ქოლესტერინი აქვს ნული. აქედან გამომდინარე ის არის სასარგებლო და ძალინ ბევრმა ქვეყანამ მისი აქტიურად მოხმარება დაიწყო. თავიდან მისი მომხმარებელი იყო საფრანგეთი, ბოლო 15 წლის განმვალობაში განვითრდა იტალაიში, პორტუგალიაში, ესპანეთსა და ინგლისში. მსოფლიო ბაზარი შეწავლილი გვაქვს, ახლა ვითარდება ამერიკასა და ჩინეთში. შევისწაველთ ასევე ხარჯების ოდენობაც. პირველადი ინვესტიცია არის ძალიან დიდი, რა თქმა უნდა ის მოითხოვს საჯიშე ლოკოკონების ჩამოყვანას, რომელიც ინვესტიციის დაახლოებით 30% პროცენტია. მისი კაპიტალდაბანდება არის ძვირი, მაგრამ სწაფად ამოღებადია. საჯიშე ლოკოკინები ჩამოვიყვანეთ ორი წლის წინ იტალიიდან. უკვე ახალი თაობები გვყავს. გაზაფხულზე გავაგზავნეთ ხუთი ტონა, ახლა 20 ტონის გაგზავნას ვაპირებთ. მომავალ წელს უკვე 100%-იანი მოსავალი გვექნება. აქ წარმოებული ლოკოკინები ასევე იყდება ადგილობრივ ბაზარზე. გვაქვს ხელშეკრულებები რამდენიმე სუპერმარკეტთან", - გვითხრა საწარმოს დამფუძნებელმა.
როგორც მერაბ ნადარაია ამბობს, ლოკოკინების ფასი 1 კილოგრამზე 3-დამ 7 ევრომდე აღწევს. "ნადი გრუპი" ევროკავშირის ბაზარზე მომავალი წლიდან ლიკოკინის ლორწოს გატანასაც გეგმავს. საამისოდ კი მზადებაც დაწყებულია.
"ჩვენ ლოკოკინის ხორცის გარდა, მისი ლორწოს წარმოებასაც ვაპირებთ, რაც გამოიყენება კანის მოვლის საშუალებებსა და მედიცინაში. შემოსავლებით, ის ხორცის შემოსავალს უტოლდება. ეს მიმართულება ცნობილია, შესწავლია და დაკვეთილია შესაბამისი აპარატებიც. საკმაოდ ძვირადრირებულია და უკვე მზადდება. ჩამოგვაქვს მომავალი წლის გაზაფხულზე და ვიწყებთ ლორწოს წარმოებასაც. იმდენად მოთხოვნადია ეს ბაზარზე, რომ არნაირ პრობლემას არ წარმოადგენს მისი გასაღება", - ამბობს მერაბ ნადარაია.
მისი ინფორმაციით, ასევე იგეგმება სასწავლო ცენტრის ჩამოყალიბება, რაც ამ მიმართულებით სხვა ფერმერებსაც გზას გაუკვალავს. მეწარმე მიიჩნევს, რომ ეს სიღარიბის დაძლევისა და მოსახლეობის სოფლად დამაგრების ერთ-ერთი გზაა.
ფერმის ასაშენებლად ჯამურად 1.410.000 ლარის ინვესტიცია განხორციელდა, საიდანაც 1,260,000 ლარი ბენეფიციარმა შეღავათიანი აგროკრედიტით მიიღო, რაშიც მას სოფლის მეურნეობის სამინისტრო და პროექტების მართვის სააგენტო დაეხმარა.
ფოტოები: ხობის მუნიციპალიტეტის მერია