„ვისოლის“ თვითმომსახურების პირველი ავტოგასამართი სადგური - 15 თეთრამდე ფასდაკლება საწვავზე, განსხვავებული გარემო და ექსტრემალური შოუ

„ვისოლი“ საქართველოს ნავთობბაზარზე თვითმომსახურების ქცევას ნერგავს და მარშალ გელოვანის გამზირზე, პოლიციის სამმართველოსთან პირველ თვითმომსახურების სადგური გახსნა.

თვითმომსახურების პირველი სადგურის საზეიმო გახსნაზე პარტნიორ „რადიო ენერჯისთან“ ერთად, „ვისოლმა“ უამრავ სტუმარს უმასპინძლა და განსხვავებული და საინტერესო გარემო შეუქმნა. ბაიკერების და მოცეკვავეების ერთობლივი ექსტრემალური შოუ, ენერგიული DJ Jimi-ს მუსიკა, „სმარტის“ მიერ მომზადებული უგემრიელესი ქუჩის მენიუ და ექსკლუზიური იმპორტის Twisst- ის მოქტეილები, “ვიანორის“ უმაღლესი ხარისხის საავტომობილო ზეთების კასრების დეკორი, „დანქინის“ ყველაზე ტკბილი დონატები და ყავა დესერტად გარემოს კიდევ უფრო ფერადს და მხიარულს ხდიდა.

„ვისოლის“ გენერალური დირექტორის, ვასილ ხორავას განცხადებით, კომპანია დიდი ხნის განმავლობაში ფიქრობდა პირველი თვითმომსახურების ობიექტის გახსნაზე.

„მოხარული ვართ, რომ დღეს „ვისოლმა“ ქართველი მომხმარებლისთვის, ჩვენი მომხმარებლებისთვის წარმოადგინა პირველი თვითმომსახურების ობიექტი. ეს ქართულ ბაზარზე სიახლეა, ჩვენ ამ თემაზე დიდი ხანია ვფიქრობდით და პირველი პროდუქტი, თვითმომსახურების ობიექტი გავხსენით მარშალ გელოვანის გამზირზე.

ეს ძალიან მიღებული შეთავაზებაა, დასავლეთ ევროპის ქვეყნებში ჩვენი ტიპის ნავთობკომპანიები ზუსტად ასეთი ტიპის მომსახურებას სთავაზობენ, სადაც მომხმარებელი თვითონვე ირჩევს პროდუქტს, თვითონვე ირჩევს რაოდენობას და ხდება ამ მომსახურების გაწევა. ჩვენ აქ მომხმარებელს ვთავაზობთ თითქმის 15 თეთრამდე ფასდაკლებით იგივე ტიპის პროდუქტებს, რასაც ვთავაზობთ სხვა ობიექტებზე. ჩვენი სურვილია, სამომავლოდ ამით მივიღოთ მეტი ლოიალური მომხმარებელი და მსგავსი ტიპის ინფრასქტუქტურა საქართველოში, „ვისოლის“ სხვადასხვა ავტოგასამართ სადგურზე განვავითაროთ“, - განაცხადა ხორავამ.

ცნობილი კარიკატურისტისა და წარმატებული თანამედროვე მხატვრის, გიორგი გამეზარდაშვილის მიერ მოხატული სადგური მიმზიდველია არა მხოლოდ როგორც ქუჩის ხელოვნების მინუში, არამედ როგორც სივრცე, სადაც უმაღლესი ხარისხის საწვავის შეძენა 15 თეთრამდე ფასდაკლებითაა შესაძლებელი და დამატებით სერვისების მიღება მარტივი და მოსახერხებელია.

„სიახლე კიდევ ის არის, რომ ეს ობიექტი გაცილებით ლამაზადაა მოხატული, არა „ვისოლის“ სტანდარტულ დიზაინში. ამაში დაგვეხმარა ჩვენი ახალგაზრდა მხატვარი, რომელმაც შეიძლება ითქვას, კიდევ უფრო მეტი ელფერი მისცა ავტოგასამართ სადგურს, რათა მომხმარებლებისთვის მიმზიდველი იყოს ამ სადგურზე შემოსვლა“, - განაცხადა „ვისოლის“ გენერალურმა დირექტორმა.

„ვისოლის“ ახალ ინიციატივას ბაიკერი ლადო გუდაძეც შეეხო, რომელმაც აღნიშნა, რომ თვითმომსახურება გარკვეულ პრობლემასაც მოხსნის, რომელსაც მოტოციკლეტის მფლობელები აწყდებიან.

„ „ვისოლის“ საწვავის მომხმარებელი ვარ, რადგან ჩემს მოტოციკლეტს ეს საწვავი ძალიან უხდება, სხვებიც მაქვს გატესტილი და ძალიან კმაყოფილი ვარ. დღევანდელი დღითაც ძალიან კმაყოფილი ვარ, რადგან ახალგაზრდული ღონისძიება ჩატარდა, ერთი ლამაზი საღამო, რომლითაც ძალიან გავერთეთ. ძალიან საინტერესო ფერები სურვილს გიჩენს, რომ ამ სიტუაციაში ხშირად იყო. ხშირი პრობლემა გვაქვს მოტოციკლეტისტებს ის, რომ როდესაც ოპერატორები საწვავს გვისხამენ, ხანდახან არის ხოლმე მომენტები, რომ საწვავი ესხმევათ.

შესაბამისად, ძალიან კმაყოფილი და ბედნიერი ვარ იმით, რომ მე თვითონ მომიწევს ამის გაკეთება, რადგან საზღვარგარეთ დიდი ხანია, ეს კულტურა არსებობს და ჩვენ რომ ვიცით, როგორ შეიძლება ჩვენი ავზის გავსება, შესაბამისად, არც დავისვრებით და არც რაიმე უკმაყოფილება გვექნება ვინმესთან. მინდა, ძალიან დიდი მადლობა გადავუხადო „ვისოლს“ როგორც დღევანდელი საღამოსთვის, ისე ამ სერვისისთვის, რომლითაც მე აუცილებლად, საკმაოდ ხშირად ვისარგებლებ“, - აღნიშნა გუდაძემ.

„ვისოლ პეტროლიუმ ჯორჯიას“ საკუთრებაში არსებული ავტოგასამართი სადგურების ყველაზე ფართი ქსელი აქვს საქართველოში. უახლესი ევროპული სტანდარტის, უმაღლესი ხარისხის საწვავითა და მაღალტექნოლოგიური სერვის პროდუქტების შეთავაზებით „ვისოლი“ საცალო ბაზრის ლიდერია. ვისოლს ასევე გაზგასამართი სადგურების ყველაზე მეტი ობიექტი აქვს ქვეყანაში და კომპანია „ი-სპეისთან“ თანამშრომლობით, ელექტრომობილების პოპულარიზაციისათვის ელეტქრომობილების დამტენი სადგურების ქსელსაც ავითარებს.

R

ავტორი: ეკა აბაშიძე