პრე­ზი­დენტ სა­ლო­მე ზუ­რა­ბიშ­ვი­ლის სკან­და­ლუ­რი შე­წყა­ლე­ბე­ბის შემ­დეგ სა­ზო­გა­დო­ე­ბა­ში ვნე­ბა­თა­ღელ­ვა არ წყდე­ბა. მოკ­ლუ­ლე­ბის ოჯა­ხე­ბი გან­მარ­ტე­ბას ელი­ან, რა­ტომ შე­ი­წყა­ლა პრე­ზი­დენ­ტმა მათი ახ­ლობ­ლე­ბის მკვლე­ლე­ბი და ხე­ლი­სუფ­ლე­ბას ამ საქ­მე­ე­ბის და­უ­ყოვ­ნებ­ლივ გა­მო­ძი­ე­ბას თხო­ვენ.

შე­წყა­ლე­ბულ­თა შო­რის აკა­დე­მი­კოს მა­რი­კა ლორ­თქი­ფა­ნი­ძის 18 წლის შვი­ლიშ­ვი­ლის მკვლე­ლო­ბა­ში მსჯავ­რდე­ბუ­ლი არ­სენ ბეჟა­ნი­ძე­ცაა. ის უკვე თა­ვი­სუ­ფა­ლია, არა­და დამ­ნა­შა­ვის დას­ჯას ოჯა­ხი 12 წელი ელო­და. მოკ­ლუ­ლის მამა, ის­ტო­რი­კო­სი გი­ორ­გი ოთხმე­ზუ­რი მომ­ხდა­რით იმ­დე­ნად შეძ­რუ­ლია, მე­დი­ას­თან არ სა­უბ­რობს.

მსა­ხი­ო­ბი ნანა ლორ­თქი­ფა­ნი­ძე, რო­მე­ლიც ლორ­თქი­ფა­ნი­ძე­ე­ბის დიდი ოჯა­ხის წევ­რია, მისი მა­მი­დაშ­ვი­ლის შვი­ლის მკვლე­ლო­ბა­ში მსჯავ­რდე­ბუ­ლის გან­თა­ვი­სუფ­ლე­ბას ოჯა­ხის შე­უ­რა­ცხყო­ფად თვლის. ის ამ­ბობს, რომ სულ­ში ჩა­ა­ფურ­თხეს.

ქალ­ბა­ტონ­მა ნა­ნამ AMBEBI.GE-ს სკან­და­ლუ­რი ამ­ბა­ვიც უთხრა - თურ­მე ამ ხმა­უ­რის შემ­დეგ, პრე­ზი­დენ­ტის ად­მი­ნის­ტრა­ცი­ი­დან აც­ნო­ბეს, რომ სა­ლო­მე ზუ­რა­ბიშ­ვილ­მა არ იცო­და შე­წყა­ლე­ბუ­ლი ბეჟა­ნი­ძე და­ვით ოთხმე­ზუ­რის მკვლე­ლი თუ იყო. ეს ზარი კი მეტ ეჭ­ვებს აჩენს...

ასევე დაგაინტერესებთ

14:51 / 29-08-2019

"მის საქმეში რომ ჩაეხედა, პრეზიდენტს წესით არ უნდა შეეწყალებინა" - ადვოკატი და იურისტები პოლიციელის მკვლელობაში მსჯავრდებულის შეწყალებაზე

10:15 / 17-09-2019

პრეზიდენტის მორიგი სკანდალური გადაწყვეტილება - სალომე ზურაბიშვილმა დავით ოთხმეზურის მკვლელობაში ბრალდებული შეიწყალა

ახლა ოჯა­ხი ითხოვს გა­ირ­კვეს, რო­გორ აღ­მოჩ­ნდა ეს უმ­ძი­მე­სი საქ­მე­ე­ბი სა­ლო­მე ზუ­რა­ბიშ­ვი­ლის მა­გი­და­ზე.

ნანა ლორ­თქი­ფა­ნი­ძე, მსა­ხი­ო­ბი:

"ტე­ლე­ვი­ზით შე­ვი­ტყვეთ ეს ამ­ბა­ვი. ჩვე­ნი ოჯა­ხი სა­შინ­ლად შე­უ­რა­ცხყო­ფი­ლია, გა­ოგ­ნე­ბუ­ლე­ბი ვართ, სულ ვფიქ­რობ, რა ახ­სნა უნდა მო­ე­ძებ­ნოს ამას, მაგ­რამ აქ ხომ მარ­ტო ჩვენს ოჯახ­ზე არ არის სა­უ­ბა­რი?! რა მნიშ­ვნე­ლო­ბა აქვს იმას, რომ ეს ეხე­ბა მა­რი­კა ლორ­თქი­ფა­ნი­ძის შვი­ლიშ­ვილს, რო­გორ შე­იძ­ლე­ბა სა­ერ­თოდ 18 წლის ბი­ჭის მკვლე­ლი ქუ­ჩა­ში გა­უშ­ვა, ისე­ვე რო­გორც პო­ლი­ცი­ე­ლის მკვლე­ლი?!

იმ­დე­ნად აღ­შფო­თე­ბუ­ლია, იმ­დე­ნად ტრავ­მი­რე­ბუ­ლი და წყო­ბი­დან გა­მო­სუ­ლია ჩემი მა­მი­დაშ­ვი­ლი გი­ორ­გი ოთხმე­ზუ­რი, რომ ვერც ლა­პა­რა­კობს... მეც პირ­ვე­ლად ვარ ისეთ მდგო­მა­რე­ო­ბა­ში, ლა­პა­რა­კი მი­ჭირს, სა­ოც­რე­ბა ჩა­ი­დი­ნა სა­ლო­მე ზუ­რა­ბიშ­ვილ­მა!

- თუ გაქვთ ინ­ფორ­მა­ცია რო­გორ აღ­მოჩ­ნდა ას­ლან ბეჟა­ნი­ძე ამ სი­ა­ში?

- ამ ფაქ­ტის გახ­მა­უ­რე­ბის შემ­დეგ დაგ­ვი­კავ­შირ­დნენ პრე­ზი­დენ­ტის ად­მი­ნის­ტრა­ცი­ი­დან და გვიყ­ვე­ბი­ან, პრე­ზი­დენ­ტმა არ იცო­და ოთხმე­ზუ­რის მკვლელს რომ იწყა­ლებ­და, არ იცო­და ვინ იყო და­ზა­რა­ლე­ბუ­ლიო. ეს უფრო დიდი სა­ში­ნე­ლე­ბა და ტრა­გე­დი­აა, რას ნიშ­ნავს არ იცო­და? არ იცის პრე­ზი­დენ­ტმა ხელს რას აწერს? ამას ახ­სნა არ აქვს და თუ იცი, ეს მე­ო­რე ტრა­გე­დია! რა გვი­თხრან აღარ იცი­ან, ამი­ტომ ბო­და­ვენ რა­ღა­ცე­ებს.

აბ­სო­ლუ­ტუ­რად არ აქვს ჩემ­თვის მნიშ­ვნე­ლო­ბა იცო­და თუ არ იცო­და, ორი­ვე შემ­თხვე­ვა­ში სა­ში­ნე­ლე­ბაა, მკვლელს რომ გა­რეთ უშ­ვებ და თუ არ იცო­და, რას აწერ­და ხელს, ეს უკვე ქვეყ­ნის ტრა­გე­დი­აა.

- რო­დის და ვინ და­გი­კავ­შირ­დათ?

- რო­გორც კი ეს ამ­ბა­ვი გახ­და ცნო­ბი­ლი, იმ დღეს­ვე დაგ­ვი­კავ­შირ­დნენ პრე­ზი­დენ­ტის ად­მი­ნის­ტრა­ცი­ი­დან, ვინ დაგ­ვი­კავ­შირ­და მის გვარს ვერ და­ვა­სა­ხე­ლებ. გე­ტყვით რომ ად­მი­ნის­ტრა­ცი­ის წარ­მო­მად­გე­ნელ­მა თქვა, წუ­ხი­ლი გა­მოთ­ქვა ამით პრე­ზი­დენ­ტმაო, არ ვი­ცო­დი და­ზა­რა­ლე­ბუ­ლი ვინ იყოო. ეს სი­სუ­ლე­ლეა. კი­დევ უფრო წარ­მო­უდ­გე­ნე­ლი და უფრო მძი­მეა! მა­მა­ჩე­მი, გიგა ლორ­თქი­ფა­ნი­ძე, როცა პარ­ლა­მენ­ტში იყო წლე­ბის გან­მავ­ლო­ბა­ში შე­წყა­ლე­ბის კო­მი­სის თავ­მჯდო­მა­რე გახ­ლდათ. კარ­გად მახ­სოვს, ღა­მე­ებს ათე­ნებ­და, სახ­ლში ტო­მე­ბი ეწყო და სა­თი­თა­ოდ კი­თხუ­ლობ­და ყვე­ლა შე­სა­წყა­ლე­ბე­ლი პი­რის მთლი­ან საქ­მეს.

თუ ამის კი­თხვის დრო არ აქვს პრე­ზი­დენტს, ამის­თვის ქმნი­ან შე­წყა­ლე­ბის კო­მი­სი­ას, რო­მელ­შიც შე­იძ­ლე­ბა შე­იყ­ვა­ნო კოტე ჯან­დი­ე­რი და მის­ნა­ი­რი პა­ტი­ო­სა­ნი ადა­მი­ა­ნე­ბი, რომ­ლე­ბიც ამ საქ­მე­ში არც ფულს აი­ღე­ბენ, არც კო­რუფ­ცი­უ­ლი ბუდე იქ­ნე­ბა არა­სო­დეს. პა­ტი­ო­სა­ნი ადა­მი­ა­ნე­ბის პოვ­ნა სა­ზო­გა­დო­ე­ბა­ში რთუ­ლი არ იქ­ნე­ბა. სა­ერ­თოდ, პრე­ზი­დენ­ტმა ძა­ლი­ან დე­ტა­ლუ­რად უნდა იცო­დეს ვის იწყა­ლებს.

არაფ­რის უფ­ლე­ბა არ აქვს დღეს პრე­ზი­დენტს, ყვე­ლა უფ­ლე­ბა ჩა­მორ­თმე­უ­ლი აქვს. რისი უფ­ლე­ბაც აქვს, ისიც გა­ა­ფუ­ჭა. თქვას რა­ტომ გა­ა­უქ­მა ეს შე­წყა­ლე­ბის კო­მი­სია, საქ­მე­ებს მა­ინც შე­ი­წავ­ლიდ­ნენ. წარ­მო­უდ­გე­ნე­ლია რაც მოხ­და, სულ­ში ჩაგ­ვა­ფურ­თხეს. ეს შენი ქვეყ­ნის მო­სახ­ლე­ო­ბის ფე­ხებ­ზე და­კი­დე­ბაა! რას ნიშ­ნავს მკვლე­ლე­ბის ქუ­ჩა­ში გა­მოშ­ვე­ბა?

და­თოს მკვლე­ლო­ბა მა­შინ ჩემი ფან­ჯრე­ბის ქვეშ მოხ­და. ჩემი კო­რუ­სის ქვე­და სარ­თულ­ზე იყო ტო­ტა­ლი­ზა­ტო­რი და იქ გა­უ­თა­ვებ­ლად ყო­ველ­დღე ჩხუ­ბი იყო... იმ სა­ღა­მოს სპექ­ტაკლზე ძა­ლი­ან ვჩ­ქა­რობ­დი, ვაგ­ვი­ა­ნებ­დი. გა­ვი­გო­ნე ჩოჩ­ქო­ლი და ჩემი ოჯა­ხის წევ­რებს ვუ­თხა­რი, ქვე­ვით რა­ღაც ხდე­ბა-მეთ­ქი. ამა­სო­ბა­ში გა­მო­ვე­დი ეზო­დან მან­ქა­ნით და და­ვი­ნა­ხე ადა­მი­ა­ნე­ბის ჯგუ­ფი შე­მო­სე­უ­ლი იყო რა­ღა­ცა­ზე, ბიჭი გარ­ბო­და მიც­კე­ვი­ჩის მი­მარ­თუ­ლე­ბით, მე ეს დამ­ნა­შა­ვე - ბეჟა­ნი­ძე ჩემი თვა­ლით და­ვი­ნა­ხე რო­გორ გარ­ბო­და, მე­გო­ნა ჩვე­უ­ლებ­რი­ვი საქ­მის გარ­ჩე­ვა იყო, რო­გორც სხვა დღე­ებ­ში...

სა­ნამ სცე­ნა­ზე გა­ვი­დო­დი შე­მა­ტყო­ბი­ნეს, რომ დათო დაჭ­რე­სო. რო­გორ ვი­თა­მა­შე ის სპექ­ტაკ­ლი და რო­გორ გა­მო­ვე­დი თე­ატ­რი­დან, არ მახ­სოვს

მერე ფოტო რომ ვნა­ხე ბეჟა­ნი­ძის, ამო­ვი­ცა­ნი, პირ­ვე­ლი წუ­თი­დან იყო ცნო­ბი­ლი რომ დამ­ნა­შა­ვე ას­ლან ბეჟა­ნი­ძე იყო! მე და ჩემი მა­მი­დაშ­ვი­ლი გი­ორ­გი ოთხმე­ზუ­რი, ახ­ლოს ვცხოვ­რობთ ერ­თმა­ნეთ­თან, დამ­ნა­შა­ვის ოჯა­ხიც კუ­ტუ­ზო­ვის ქუ­ჩის კვე­თას­თან, ეწ. კა­კე­ბეს სახ­ლში ცხოვ­რობ­და.

დამ­ნა­შა­ვე რომ სა­დღაც იყო გაქ­ცე­უ­ლი, ეს ის­ტო­რია თა­ვი­დან ოჯა­ხის ახ­ლობ­ლებ­მა შევ­თხზეთ, რად­გან გი­ორ­გის უფ­რო­სი ვაჟი, თვი­თონ გი­ორ­გი და მთე­ლი სა­ნა­თე­საო წყო­ბი­დან იყო გა­მო­სუ­ლი, შეგ­ვე­შინ­და რამე უბე­დუ­რე­ბა კი­დევ არ მომ­ხდა­რი­ყო. მერე მარ­თლა წა­იყ­ვა­ნეს ბეჟა­ნი­ძე რა­ღაც პე­რი­ო­დით ქვეყ­ნი­დან, მერე ისევ ჩა­მო­იყ­ვა­ნეს და დიდ­ხანს ფაქ­ტობ­რი­ვად თბი­ლის­ში ოთახ­ში ჰყავ­დათ გა­მო­კე­ტი­ლი.

მა­შინ­დე­ლი ხე­ლი­სუფ­ლე­ბის ნება არ იყო ამ საქ­მის გა­მო­ძი­ე­ბა, რად­გან დამ­ნა­შა­ვის დე­დის მე­გო­ბა­რი მა­მა­კა­ცი, მისი დღე­ვან­დე­ლი ქმა­რი, სა­გა­მო­ძი­ე­ბოს უფ­რო­სი თუ მო­ად­გი­ლე იყო. და­ა­ფა­რეს ხელი და და­უს­ჯე­ლი და­დი­ო­და დამ­ნა­შა­ვე. მთე­ლი ოჯა­ხი გა­უ­ბე­დურ­და და­თოს მკვლე­ლო­ბით, დე­და­მი­სი და­თოს ჩაყ­ვა ფაქ­ტობ­რი­ვად საფ­ლავ­ში. გი­ორ­გი გა­უ­ბე­დუ­რე­ბუ­ლია...

ეს საქ­მე 2016 წელს აღიძ­რა ხე­ლახ­ლა და ოჯა­ხის ჭრი­ლო­ბა თა­ვი­დან გა­იხ­სნა... ეტყო­ბა ამ საქ­მის გა­მო­ძი­ე­ბა თა­ვი­დან იმი­ტომ და­ი­წყეს, ისეთ დო­ნე­ზე ჰქონ­დათ საქ­მე მოგ­ვა­რე­ბუ­ლი, იცოდ­ნენ გა­რეთ გა­უშ­ვებ­დნენ. პირ­ვე­ლი­ვე სა­სა­მარ­თლო­ზე დარ­ბა­ზი­დან გა­უშ­ვეს, არა­და პირ­ვე­ლი წუ­თე­ბი­დან ვი­ცო­დით და­ნა­შა­უ­ლი მისი ჩა­დე­ნი­ლი იყო! რომ არა უზე­ნა­ე­სი სა­სა­მარ­თლოს თავ­მჯდო­მა­რის ნინო გვე­ნე­ტა­ძის და იმ სა­სა­მარ­თლოს შე­მად­გენ­ლო­ბის პრო­ფე­სი­ო­ნა­ლიზ­მი, მკვლე­ლი აქამ­დეც გა­რეთ იქ­ნე­ბო­და. ძლივს აღ­დგა სა­მარ­თა­ლი და ახლა პრე­ზი­დენ­ტმა შე­ი­წყა­ლა. ამ ყვე­ლა­ფერს ახ­სნა არ აქვს!

რაც პრე­ზი­დენ­ტმა გა­ა­კე­თა ეს გი­ორ­გის­თვის უფრო მძი­მეა, ძლივს ნა­პოვ­ნი სა­მარ­თა­ლი თავ­და­ყი­რა დად­გა

- ცნო­ბი­ლია, რომ თქვე­ნი ოჯა­ხე­ბი სა­ლო­მე ზუ­რა­ბიშ­ვილს მხარს უჭერ­და არ­ჩევ­ნებ­ში...

- არა­ფე­რი მაქვს და­სა­მა­ლი, ეტყო­ბა სა­ლო­მე ზუ­რა­ბიშ­ვილ­მა მარ­თლა ჩათ­ვა­ლა, რომ მე და ჩემ­მა ოჯახ­მა ვა­პა­ტი­ეთ მა­რი­კა ლორ­თქი­ფა­ნი­ძე ჭად­რა­კის სა­სახ­ლე­ში სცე­ნი­დან რომ ჩა­მო­აგ­დო! ჩვენ არ გვინ­დო­და გრი­გოლ ვა­შა­ძეს და "ნაც­მოძ­რა­ო­ბას" ხელ­ში ჩა­ეგ­დო პრე­ზი­დენ­ტის სა­ვარ­ძე­ლი, უფრო სა­ხელ­მწი­ფო­ებ­რი­ვად შევ­ხე­დეთ მა­შინ ყვე­ლა­ფერს, და­ვი­ვი­წყეთ ძვე­ლი წყე­ნა და მი­ვა­ფურ­თხეთ მარ­თლა ყვე­ლა­ფერს, მაგ­რამ გულ­ში ნამ­დვი­ლად არა­ვის არ გვი­პა­ტი­ე­ბია სა­ლო­მე ზუ­რა­ბიშ­ვი­ლის­თვის ის ქცე­ვა, რო­გორც მა­შინ მო­ექ­ცა მა­რი­კა ლორ­თქი­ფა­ნი­ძეს.

ამის მი­უ­ხე­და­ვად და­ვუ­დე­ქით მხარ­ში მე და გი­ორ­გი ოთხმე­ზუ­რი, ყვე­ლა არხზე დღე­გა­მოშ­ვე­ბით ვი­ყა­ვით, რო­გორც სა­ლო­მე ზუ­რა­ბიშ­ვი­ლის მხარ­დამ­ჭე­რე­ბი. სო­ფელ-სო­ფელ, რა­ი­ონ-რა­ი­ონ ვირ­ბი­ნეთ და ისე და­ვუ­დე­ქით მხარ­ში არ­ჩევ­ნე­ბის დროს. დღეს ზო­გა­დად ქვეყ­ნის ტრა­გე­დი­აა, როცა მკვლე­ლებს ქუ­ჩა­ში უშ­ვე­ბენ. 18 წლის ან­გე­ლო­ზი, ვარ­სკვლავ­ბი­ჭუ­ნა იყო დათო, სულ კარგ ხა­სი­ათ­ზე, სი­კე­თის გან­სა­ხი­ე­რე­ბა და მოკ­ლა ბეჟა­ნი­ძემ! ასეთ ქვე­ყა­ნა­ში აღარ მინ­და ცხოვ­რე­ბა, ასეთ­მა ნა­ძი­რა­ლამ შე­იძ­ლე­ბა სხვის შვილს რამე და­უ­შა­ვოს და მერე მკვლე­ლი გა­რეთ გა­მო­ვი­დეს!

ოთხმე­უ­რი არ არის ისე­თი გვა­რი, რომ ყუ­რა­დღე­ბა არ მი­აქ­ციო. იშ­ვი­ა­თი გვა­რია. არ გა­მოვ­რი­ცხავ არც იცო­და, არც წა­უ­კი­თხავს სია ალ­ბათ, ამა­ზე საქ­მე აუ­ცი­ლებ­ლად უნდა აღიძ­რას! პი­რა­დად მე, ნანა ლორ­თი­ფა­ნი­ძე არ ვა­პი­რებ ეს საქ­მე ასე დავ­ტო­ვო! ამას ჩავ­ყვე­ბი ბო­ლომ­დე.

ორ­შა­ბათს პარ­ლა­მენ­ტში ადა­მი­ა­ნის უფ­ლე­ბა­თა დაც­ვის კო­მი­ტეტ­ში და იუ­რი­დი­ულ კო­მი­ტეტ­ში შე­ვი­ტან სა­ჩი­ვარს, იუ­რის­ტებ­თან გავ­დი­ვარ კონ­სულ­ტა­ცი­ას. მო­ვი­თხოვ თა­ვი­დან გა­და­ი­ხე­დოს ეს საქ­მე. ქალ­ბა­ტონ­მა პრე­ზი­დენ­ტმა კე­თი­ლი ინე­ბოს და გან­მარ­ტე­ბა გა­ა­კე­თოს, რა­ტომ შე­ი­წყა­ლა მკვლე­ლე­ბი? გა­სა­გე­ბია მისი დის­კრე­ცი­უ­ლი უფ­ლე­ბაა შე­წყა­ლე­ბა, მაგ­რამ გა­ნუ­ხილ­ვე­ლი და შე­უს­წავ­ლე­ლე­ლი საქ­მე­ე­ბის ხელ­მო­წე­რის უფ­ლე­ბა ვინ მის­ცა? ფაქ­ტია, ვი­ღა­ცამ ძა­ლი­ან მო­ინ­დო­მა და აღას­რუ­ლეს. სამი მკვლე­ლი და კი­დევ ერთი ძებ­ნი­ლი გა­რეთ გა­უშ­ვეს, ეს არის და­ნა­შა­უ­ლი და ამ და­ნა­შა­ულ­ზე ადა­მი­ა­ნებ­მა უნდა აგონ პა­სუ­ხი!

ავ­ტო­რი: თეა ხურ­ცი­ლა­ვა