მნიშვნელოვანი ინფორმაცია
2
ივნისიდღის ზოგადი ასტროლოგიური პროგნოზი
ორშაბათი, მთვარის მეშვიდე დღე დაიწყება 11:53-ზე, მთვარე ქალწულს ესტუმრება 07:02-ზე – კარგია მოლაპარაკებების წარმოება. ახალი კავშირების დამყარება. სარეკლამო კამპანიების, კონფერენციების და მსგავსი ღონისძიებების ჩატარება. გამოიყენეთ სიტყვები პარტნიორების, ინვესტორების და სპონსორების დასარწმუნებლად. ბიზნესმენებმა ხელი უნდა შეუწყონ და დააფინანსონ შემოქმედებითი ადამიანები. ბევრმა მუშაობამ შეიძლება გამოიწვიოს გადაღლილობა. უმჯობესია თავი შეიკავოთ დიდი რაოდენობით ქონის, ლორის, ქაშაყის, დამუშავებული ყველის და მსგავსი პროდუქტების მიღებაზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ტრადიციად ქცეული ღვინის დღესასწაული - 12 ოქტომბერს "ქართული ღვინის ფესტივალი 2019" ჩატარდება
16:31 / 18-09-2019
12 ოქტომბერი - ეს თარიღი ქართული ღვინისა და ზოგადად, ქართული კულტურის მოყვარულებმა უკვე მოინიშნეს კალენდარში, რადგან ამ დღეს ტრადიციად ქცეული "ქართული ღვინის ფესტივალი“ იმართება.
ფესტივალი მესამე წელია ნამდვილი გურმანებისთვის და ყველასთვის, ვისთვისაც ქართული კულტურა საინტერესოა, საყვარელი თავშეყრის ადგილია.
რა არის „ქართული ღვინის ფესტივალი“? - ესაა, ამაღლებული განწყობა, ულამაზესი ნივთები, რომლებსაც ახალგაზრდა სტარტაპერები თავად ამზადებენ; ყველი, რომელიც ნამდვილ ქართულ გემოს გაგრძნობინებთ; ჩურჩხელა, რომელიც ვაზის სამშობლოში გამოგზაურებთ; თეატრალური წარმოდგენები, რომლებიც ემოციურ შთაბეჭდილებებს გაგიძლიერებთ და რაც მთავარია, ღვინო! ნამდვილი ქართული ღვინის რამდენიმე ათეული სახეობა, რომელიც მზად არის დეგუსტაციისთვის და სტუმრებს ელოდება.
წლებთან ერთად ფესტივალი უფრო მასშტაბური გახდა, არაერთ მეღვინეს მიეცა თავისი ღვინის წარმოჩენის საშუალება, გაიყიდ დიდი კომპანიებისა თუ მცირე მარნების მიერ ჩამოსხმული ათასობით ბოთლი.
უცვლელი დარჩა ფესტივალის ჩატარების ადგილი - „ქართული ღვინის ფესტივალი“ ქართველ და უცხოელ სტუმრებს კვლავ შარდენზე, სიონის ქუჩაზე მასპინძლობს და დაუვიწყარ სანახაობას ჰპირდება.
„ქართული ღვინის ფესტივალს“ სამი წლის წინ კი იდეას ფრთები შეესხა და მედიაპორტალ „პალიტრა მედიას“, allwine.ge-ის, და „მეიდან ჯგუფის“ ორგანიზებით პირველი ფესტივალი ჩატარდა. მასშტაბები პირველივე წელს შთამბეჭდავი იყო, ერთ სივრცეში 40-მდე სახეობის ღვინომ დაიკავა ადგილი. გასულ წელს ფესტივალმა წინა წლის რეკორდი მოხსნა და ვიზიტორების რიცხვმა 40 000-ს მიაღწია. წელს ორგანიზატორები კიდევ უფრო მეტ სტუმარს ელოდებიან:
„12 ოქტომბერს სტუმრებს კიდევ უფრო მასშტაბური სანახაობა ელოდებათ და მათ არაერთ სიურპრიზს ვუმზადებთ. აღსანიშნავია, რომ წლევანდელ ფესტივალზე განსაკუთრებით ბევრი სტარტაპერი წარადგენს თავის პროდუქციას: საკვები პროდუქტებით დაწყებული, ხელნაკეთი ნივთებით დასრულებული. რაც მთავარია, სტუმრებს დათვალიერებისა და დეგუსტაციის გარდა, სასურველი პროდუქციის შეძენა ადგილზევე შეეძლებათ.
ასე რომ, ხელნაკეთი ნივთებისა და ტრადიციული ტკბილეულის მოყვარულებს წელს „ქართული ღვინის ფესტივალზე“ განსაკუთრებულად დიდი არჩევანი დახვდებათ. ჩვენი სტუმრების ამაღლებულ განწყობაზე მთელი დღის განმავლობაში სპეციალურად მოწვეული მუსიკოსები იზრუნებენ. შესრულდება, როგორც ფოკლორული, ტრადიციული, ისე თანამედროვე სიმღერები,“ - აღნიშნავენ ფესტივალის ორგანიზატორები.
„ქართული ღვინის ფესტივალი“ ტრადიციას არც წელს არღვევს და ქართული ღვინის მწარმოებლებს, როგორც დიდ, ასევე მცირე და საშუალო მარნების მფლობელებს საშუალებას აძლევს, ფესტივალის სტუმრებს საკუთარი ღვინოები წარუდგინონ. მეტიც, ადგილობრივი თუ უცხოელი სტუმრები თავიანთი ღვინით დააინტერესონ და პროდუქცია გაყიდონ, რადგან, ფაქტია, ფესტივალზე ყოველწლიურად სულ უფრო და უფრო მეტი ღვინო იყიდება.
აღსანიშნავია, რომ ფესტივალს ბევრი უცხოელი სტუმარი ესწრება და უკვე არაერთმა ქართველმა მეღვინემ შეიძინა უცხოელი პარტნიორი თავისი მეურნეობისა და ბრენდის განვითარებისთვის.
ქართული ღვინის დღესასწაულამდე თვეზე ნაკლები რჩება. როგორც ორგანიზატორები ჩვენთან საუბრისას აღნიშნავენ, ფესტივალში მონაწილე ღვინის კომპანიების რაოდენობა შეზღუდულია. დაინტერესებულმა პირებმა რეგისტრაციისთვის უნდა მიმართონ პროექტის ორგანიზატორებს:
ტელეფონის ნომერი: 558151583; ელ-ფოსტა: n.zaqradze@palitra.ge
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
რუსეთ-უკრაინის პირდაპირი სამშვიდობო მოლაპარაკებების მეორე რაუნდი დღეს, კვლავ სტამბოლში შედგება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
