მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ქართული ჩოხა და 13 წლის ფანისთვის შესრულებული კომპოზიცია - ვირტუოზმა მევიოლინემ დევიდ გერეტმა თბილისში დაუვიწყარი შოუ მოაწყო
09:46 / 16-09-2019
"ვიოლინოს ჯიმი ჰენდრიქსი", "პაგანინი" - ეს მეტსახელები დევიდ გერეტმა როკ-ვარსკვლავის ქარიზმისა და ვირტუოზული შესრულების უნარით მოიპოვა. სუპერპოპულარულ მევიოლინეს 3 მილიონზე მეტი ალბომი აქვს გაყიდული მსოფლიოში.
ვარსკვლავისა და მისი ბენდის 3-საათიან დაუვიწყარ კონცერტს გუშინ თბილისმა უმასპინძლა. სპორტის სასახლეში გამართულმა ცეცხლოვანმა სანახაობამ და მუსიკალურმა ფურორმა, ანშლაგით ჩაიარა.
საქართველოში კონცერტი გერმანელი მუსიკოსისთვის ნამდვილად ახალი მსმენელის აღმოჩენა იყო, რადგან მისი უახლესი ალბომის - UNLIMITED თითოეული კომპოზიცია აუდიტორიაში ზღვა ემოციასა და ხანგრძლივ აპლოდისმენტებს იწვევდა, რასაც გერეტიც შესაბამისი მუხტით პასუხობდა.
პირველი სამი კომპოზიციის შემდეგ დევიდ გერეტმა აუდიტორიას ქართული „მადლობით“ მიმართა და მსმენელს გამოუტყდა, რომ აღფრთოვანებული და აღელვებული იყო.
"ძალიან ვღელავ, რადგან ეს ტურნე ჩემთვის განსაკუთრებულ მნიშვნელობას ატარებს. 10 წელია, ჩემს ბენდთან ერთად მსოფლიოს გარშემო ვმოგზაურობ, ამაღამ კი შემოქმედების 10 წლის იუბილეს თქვენთან ერთად აღვნიშნავ! ვფიქრობ, ბოლო 10 წლის განმავლობაში ჩატარებულ შოუებს შორის, ეს საუკეთესო იქნება", - აღნიშნა დევიდ გერეტმა.
მუსიკოსის გულშემატკივრებმა კარგად იციან, რომ ვირტუოზი მევიოლინე როკ-მუსიკის "დიდი ფანია", ეს გარეტმაც რამდენჯერმე აღნიშნა და კონცერტის განმავლობაში მსმენელს უკვდავი როკ-კომპოზიციების კლასიკური ვერსიები შესთავაზა, მათ შორის: Led Zeppelin-ის Stairway to Heaven, Guns N’ Roses-ის დაუვიწყარი November Rain, Metallica-ს Nothing else matters და ა.შ.
ქართველი მსმენელის დიდი აღფრთოვანება მოჰყვა ბაროკოს პერიოდის უდიდესი მუსიკოსისა და კომპოზიტორის - იოჰან სებასტიან ბახის ნაწარმოების შესრულებას, ასევე, ფრანგი იმპრესიონისტი კომპოზიტორის კლოდ დებიუსის მსუბუქი და საოცარი მუსიკის გაჟღერებამ.
ერთ-ერთი კომპოზიციის შესრულების დროს დევიდ გერეტი მაყურებელთა რიგებშიც ჩავიდა და უფრო ახლოდან მიესალმა მათ. დარბაზიდან მუსიკოსის ფანები წამოიშალნენ, მასთან ფოტოს გადაღება ან მისალმება ყველას სურდა, ერთ-ერთ ფანს კი განსაკუთრებით გაუმართლა: პოპ-ვარსკვლავმა მევიოლინემ დარბაზიდან გოგონა, სახელად ანა შეარჩია და სცენაზე აიყვანა.
"მე ახლა სპეციალურად შენთვის დავუკრავ", - უთხრა გერეტმა პატარა ფანს.
AMBEBI.GE-მ იპოვა ანა ანაკიძე, რომელიც სრულიად მოულოდნელად დარბაზიდან სცენაზე აღმოჩნდა. გოგონა 13 წლისაა, თავადაც მევიოლინეა და ქუთაისში, მელიტონ ბალანჩივაძის სახელობის მუსიკალურ სკოლაში სწავლობს. მუსიკა ანის ცხოვრების განუყრელი ნაწილია. გასულ წელს მან ნიუ იორკში “კარნეგი ჰოლში” დაუკრა. როგორც ანამ AMBEBI.GE-ს უამბო, პროფესორმა და ცნობილმა მევიოლინემ ალბერტ მარკოვმა მოუსმინა და სასწავლებლად მიიწვია. სუპერვარსკვლავ მევიოლინესთან დევიდ გერეტთან შეხვედრა მისთვის განსაკუთრებით ემოციური იყო.
"ვიოლონოზე 5 წლიდან ვუკრავ და ალბათ, არ იქნება ძნელი წარმოსადგენი ის ემოცია და განცდა, რაც დამეუფლა სცენაზე ასვლისას. როცა შენი კერპი ამდენ ხალხში ამოგარჩევს, სცენაზე აგიყვანს და შენთვის დაუკრავს, ესაა ემოციების ზღვა! მე ხომ ამას არ ველოდი, ოცნებაც კი არ შემეძლო, მაგრამ თურმე ყველაფერი ხდება, ოცნებაც, რომელიც მიუღწეველი გგონია.
თავიდან სიზმარში მეგონა თავი, დიდხანს ვერ გავაცნობიერე რა ხდებოდა ჩემს თავს, გვიან გამოვფხიზლდი და მივხვდი, როგორ გამიღიმა ბედმა და ინება ჩემთვის უდიდესი სიხარული და წარუშლელი შთაბეჭდილება ეჩუქებინა” - უთხრა ანამ AMBEBI.GE-ს.
"მე მჯერა, რომ მუსიკა ერთმანეთთან აკავშირებს მსოფლიოს სხვადასხვა კუთხეში მცხოვრებ ადამიანებს" - აღნიშნა 3-საათიანი კონცერტის დასასრულს დევიდ გერეტმა და შეასრულა Queen-ის ჰიტები, რომელიც ალბათ მსოფლიოს ყველა კუთხეში მცხოვრებ ადამიანს აქვთ მოსმენილი - We are the champions და We will rock you. ამ შესრულებამ მსმენელი მართლაც საოცრად დააკავშირა ერთმანეთთან - ყველა ერთხმად მღეროდა, სმარტფონების ასობით ფანარი მთელ დარბაზს ანათებდა.
ემოციური საღამოს დასასრულს საჩუქარი საქართველოსგან დევიდ გერეტმაც მიიღო - საქართველოს კულტურის პალატის პრეზიდენტმა დათო ოქიტაშვილმა გერმანელ მუსიკოსს ქართული ტრადიციული სამოსი, თეთრი ჩოხა უსახსოვრა. ჩოხაში შემოსილმა მევიოლინემ კი მსმენელისთვის ლეგენდარული ჯგუფის The Beatles-ის Hey Jude შეასრულა და საღამოს ყველა სტუმარი აამღერა.
დევიდ გერეტის საქართველოში ვიზიტი მნიშვნელოვანი კულტურული მოვლენა იყო, რომელმაც ჩვენი ქვეყნის ცნობადობის ამაღლებაში თავისი წვლილი შეიტანა. ის საქართველოს კულტურის პალატის მოწვევითა და ორგანიზებით Check in Georgia-ს ფარგლებში ჩამოვიდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
