ინტერვიუ შეფილდის უნივერსიტეტის აღმასრულებელი სამაგისტრო პროგრამის პროფესორ ქრის ლიასიდესთან

შეფილდის უნივერსიტეტის აღმასრულებელი სამაგისტრო პროგრამა თბილისში თვეში ერთხელ უქმე დღეებში ჩატარდება. შესაბამისად, დასაქმებულ სტუდენტებს შეუძლიათ მიიღონ მაღალი დონის ბრიტანული განათლება ისე, რომ ხელი არ შეეშალოთ სამუშაო პროცესში.

ამ პროგრამის უნიკალურობა მდგომარეობს განათლებისადმი მის კომპლექსურ მიდგომაში, რადგან ის უზრუნველყოფს ბიზნესისა და მართვის კონცეფციების ფართო გაგებას ბიზნესის სტრატეგიის განსაზღვრასა და მის განხორციელებაზე ფოკუსირებით.

პროგრამის დეტალებზე შეფილდის უნივერსიტეტის აღმასრულებელი სამაგისტრო პროგრამის პროფესორი ქრის ლიასიდესი გვიამბობს:

- ბატონო ლიასიდეს, გვიამბეთ თქვენი შთაბეჭდილების შესახებ, რომელიც ქართველ სტუდენტებზე შეგექმნათ.

- აღმასრულებელი MBA-ს პროგრამის სტუდენტებს თბილისში 2017 წლიდან ვასწავლი და ისინი არ წყვეტენ ჩემს გაოცებას! მათი სწავლის წყურვილი განაპირობებს მათ სწრაფვას დაეუფლონ ახალ ბიზნეს უნარებსა და ცოდნას. ჩემთვის მართლაც საოცარი ფაქტია ის, რომ ჩემს სტუდენტებს სურთ იცოდნენ მეტი, მიუხედავად იმისა, რომ ბევრი მათგანი უკვე ტოპ პოსტებს ფლობს სხვადასხვა კომპანიაში, დაწყებული გენერალური დირექტორებიდან დამთავრებული ექიმებით და სავაჭრო ცენტრების და სატელევიზიო ქსელების მენეჯერებით.

ჩემთვის გამოწვევაა ისიც, რომ ქართველ სტუდენტებს, ახალგაზრდებს, მაგრამ უკვე სრულიად ჩამოყალიბებულებს ძირითადად სოციალური მედია აინტერესებთ. ასე რომ, სოციალური მედია აქტიურად გამოიყენება იმისთვის, რომ სტუდენტებმა გაიგონ - რასაც ისინი სწავლობენ აწყობილია თანამედროვე მიდგომებზე.

სტუდენტებთან ეფექტური კომუნიკაციისთვის ვქმნით სოციალური მედია ჯგუფებს. ამ სფეროში წარმატების მიღწევის აუცილებლობა არის ის, რაც კარგად მინდა ჩემს სტუდენტებს ესმოდეთ.

თუ გავითვალისწინებთ მთელს ევროპაში ამჟამად მიმდინარე პროცესებს და იმას, რომ კომპანიები მუდმივად ცდილობენ შეამცირონ მუშახელი - სამუშაო ადგილების პოვნა სულ უფრო და უფრო რთულდება. ამიტომ, ჩემი როგორც პროფესორის ამოცანაა დავეხმარო სტუდენტებს დარწმუნდნენ სწავლის აუცილებლობაში, იმაში, რომ საჭიროა მუდმივად განვითარდნენ და იყვნენ „ელიტის“ ნაწილი, იპოვონ კარგი კომპანია, სადაც ისინი დასაქმდებიან და შეძლებენ როგორც თავიანთი წვლილის შეტანას, ასევე მათი მომავალი საქმიანობისთვის ძვირფასი გამოცდილების შეძენას.

- როგორ ფიქრობთ, ქართველი სტუდენტები განსხვავდებიან სხვა სტუდენტებისაგან, ვისთვისაც თქვენი კარიერის განმავლობაში გისწავლებიათ?

- ზოგადად, მარკეტინგისა და ბიზნესის სწავლებით მე არა მარტო გადავცემ ცოდნას სტუდენტებს, არამედ მუდმივად ვსწავლობ რაღაც ახალს, და ამიტომ ვფიქრობ, რომ ეს ხელს უწყობს ჩემი როგორც პედაგოგის, ასევ როგორც პიროვნებას განვითარებას. ქართველი სტუდენტები დამეხმარნენ ზოგიერთი საკითხი განსხვავებული პერსპექტივიდა დამენახა, რამაც დამატებითი ცოდნა შესძინა ბიზნესის ჩემეულ გაგებას.

რაც განსაკუთრებით მხიბლავს ქართველ სტუდენტებში არის ის, რომ ისინი სწორად აფასებენ იმ ფაქტს, რომ ბიზნესი ეფუძნება საღ აზრს და რომ ეს არის ის სფერო, სადაც თქვენ ყოველ დღე გამოწვევის წინაშე უნდა დააყენოთ თქვენი თავი - იყოთ კრეატიული, ინოვაციური, მზად იყოთ ექსპერიმენტებისთვის. რადგან, თუ თქვენ არასდროს გაბედავთ ნაბიჯების გადადგმას, თავისით არაფერი მოხდება.

- რა არის ყველაზე მნიშვნელოვანი, რასაც თქვენს სტუდენტებს უზიარებთ?

- რეალური გამოწვევაა მუდამ ფეხდაფეხ მისდიო განვითარებას თქვენთვის საინტერესო სფეროში. იქ სადაც მუდმივად ხდება რაღაც ახალი, არ ჩამორჩე ცვლილებებს არის წარმატების გასაღები. უნარები, რომლებიც ერთდროს გვქონდა, მოძველებული, ან სულ ნაკლებ მნიშვნელოვანი ხდება და ახალი მიდგომების გამოყენება ძალიან მნიშვნელოვანია.

კლიენტები გახდნენ უფრო ინფორმირებული, მცოდნე და მომთხოვნები. კლიენტების საჭიროებების დაკმაყოფილება მთავარი ამოცანაა მათი ლოალურობის და სანდო იმიჯის მოსაპოვებლად. სწორედ ამაზე უნდა იყოს ფოკუსირებული ყველა მენეჯერი. ისინი უნდა რწმუნდებოდნენ, რომ ყველაფერი, რასაც ისინი პარტნიორებს და კლიენტებს სთავაზობენ ორმხრივად მომგებიანია, და ამავდროულად აცნობიერებდნენ რამხელა წვლილი მიუძღვის ორგანიზაციის წარმატებაში მის ხერხემალს, რომელსაც თანამშრომლები წარმოადგენენ.

- დღეს ხშირად გაიგონებთ მოსაზრებას, რომ „კლასიკური განათლება“ (მათ შოროს MBA) ნაკლებ მნიშვნელოვანია და "უნარები ახალი მეფეა". რას ფიქრობთ ამაზე?

- უნარები განსაკუთრებული პირობაა გასააზრებლად, მიუხედავად ამისა, არსებობს წესები, რომელიც ჩვენ როგორც პრაქტიკოსებმა და პედაგოგებმა უნდა მივდიოთ. ასეთია მაგალითად ის, რომ თვალი უნდა გვეჭიროს სიახლეებზე, ვფლობდეთ მედია წიგნიერებას, შეგვეძლოს წინასწარ იმის განჭვრეტა, თუ რა სიახლეა მოსალოდნელი ჩვენს სფეროში, რომ დავასწროთ მოვლენებს, ვისარგებლოთ პირველი სვლის უპირატესობით ან ავიცილოთ ჩავარდნები. შევძლოთ შევინარჩუნოთ არსებული კლიენტების ბაზა, რომ ისინი არ გადავიდნენ ჩვენს კონკურენტებთან.

და ისევ დავუბრუნდეთ უნარების აუცილებლობას ძალიან კონკურენტულ გარემოში, რომელშიც ახლა ვართ. საქმიანმა ადამიანებმა არასოდეს უნდა დაისვენონ. მათ მუდმივად უნდა იფიქრონ იმაზე, სწორად მოქმედებენ თუ არა. მხოლოდ ამ შემთხვევაში მიიღებენ სასურველ შედეგებს.

ჩვენი კონკურენტების მენეჯერებიც მუდმივად მუშაობენ სტრატეგიაზე, რომელიც ორიენტირებულია მათი ბაზრის წილის გაზრდაზე. ამიტომ, ჩვენ გვჭირდება თეორიაზე დაფუძნებული ახალი უნარები იმ სფეროში, რომელშიც ვმოღვაწეობთ.

მოსაზრება, რომ უნივერსიტეტებში ასწავლიან თეორიებს და არა უნარებს, აღარ უნდა არსებობდეს. საქმე ის კი არ არის, როგორ ვასწავლით, არამედ ის, რომ პროფესორების ზედამხედველობით გამოყენებლი სხვადასხვა ტექნოლოგიები, სიმულაციური თამაშები და რეალურ ცხოვრებაში არსებული საერთაშორისო წარმოშობს მთელ რიგ ახალ უნარებს სტუდენტებში. ყოველთვის არის გაუმჯობესების და ახალი ტაქტიკის შემუშავების შესაძლებლობა, და რეალური ხარისხი უნდა იყოს ისეთი, რომ მიუახლოვდეს ასეთ ინოვაციურ მოქმედებებს.

სცადეთ გაიგოთ ადამიანების ქცევა, პერსპექტიული კლიენტების ფსიქოლოგია. მას შემდეგ რაც ამაში გაერკვევით, დანარჩენი უკვე იოლია. კომპანიები ექცევიან მოსაზრების მახეში, როცა ფიქრობენ, რომ ბაზრისთვის ხარისხიანი საქონლის თუ მომსახურების შეთავაზებით მიიზიდავენ კლიენტებს. საქმე ისაა, გაარკვიო ზუსტად რა უნდათ და როგორ და შემდეგ შესთავაზო მათ ის.

შეთავაზების პერსონალიზაციის მცდელობა ჩემთვის სამუშაოს ყველაზე საინტერესო ასპექტია ამ სფეროში, და უნარები არის ის, რაც აუცილებელია ამის მისაღწევად. უნარები არის ის, რასაც მე ვაძლევ ჩემს სტუდენტებს. ისეთი უნარია მაგალითად, მოიცვა მთლიანი ბაზარი და ამავდროულად აფიქრებინო კლიენტებს, რომ რასაც მათ სთავაზობთ, მხოლოდ მათზეა მორგებული.

შეფილდის უნივერსიტეტის აღმასრულებელი MBA-ს პროგრამაზე მიღება თბილისში გაიხსნა. ბოლო ვადაა 30 სექტემბერი, ინფორმაციისთვის დაუკავშირდით +995 577 221 166

R