მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
გაათავისუფლეს თუ არა სამსახურიდან პრეზიდენტის პრესსპიკერი ნოდარ მელაძის მხარდაჭერის გამო?
13:09 / 10-09-2019
"რუსთავი 2"-ის საინფორმაციო სამსახურის ყოფილი ხელმძღვანელის ნოდარ მელაძის ინფორმაციით, პრეზიდენტის პრესსპიკერი ხატია მოისწრაფიშვილი სამსახურიდან გაათავისუფლეს იმის გამო, რომ მელაძეს და "მთავარ არხს" მხარდაჭერა გამოუცხადა. ამის შესახებ აწ უკვე "მთავარი არხის" წამყვანმა და საინფორმაციო სამსახურის უფროსმა "ფეისბუქის" პირად გვერდზე დაწერა:
"ასეთ პოსტებს იშვიათად ვწერ, მაგრამ უნდა ვიცოდეთ რა ქვეყანაში ვცხოვრობთ.
სირცხვილია!!! ნიუსრუმისთვის სამუშაოდ ჟურნალისტებს სუსის თანამშრომლები, რომ ეძებენ.
სირცხვილია!!! პროკურატურის მუშაკები ნაცნობ ჟურნალისტებს, რომ ურეკავენ და ოქროს კოშკებს უშენებენ რუსთავი 2 ში დაბრუნების სანაცვლოდ.
სირცვილია!!! შს სამინისტროს დეპარტამენტის უფროსები, რომ არიან ჩართულები ჟურნალისტებთან მოლაპარაკების პროცესში, კრიმინალს ებრძოლეთ.
სირცხვილია!!! პრეზიდენტის პრესსპიკერს, სამსახურიდან წასვლა აიძულო, იმის გამო რომ კრიტიკული ტელევიზიის საინფორმაციო სამსახურის უფროსს, რომელიც მისი მეგობარია, რომელთან ერთადაც ბევრი წელი იმუშავა, პოსტი მიუძღვნა" - დაწერა ნოდარ მელაძემ.
მელაძე და მოისწრაფიშვილი წლებია მეგობრობენ, ჯერ კიდევ ტელეკომპანია "იმედში" მუშაობის პერიოდიდან. შემდეგ მათი პროფესიული გზები გაიყო, თუმცა, ამას ხელი არ შეუშლია ჟურნალისტების მეგობრობისთვის. მოისწრაფიშვილის "ფეისბუქის" გვერდზე ნოდარ მელაძის მხარდამჭერი პოსტი აღარ იძებნება, როგორც ჩანს, პრეზიდენტის პრესსპიკერმა ის მოგვიანებით წაშალა.
ხატია მოისწრაფიშვილის შესახებ წერს მისი კიდევ ერთი მეგობარი - ყოფილი პრეზიდენტის, მიხეილ სააკაშვილის ყოფილი პრესსპიკერი, ჟურნალისტი მანანა მანჯგალაძე. აი, რას წერს მანჯგალაძე "ფეისბუქის" პირად გვერდზე:
"არასდროს ვსაუბრობდით სამსახურის საქმეებზე, არც ახლა და არც მაშინ. პატივს ვცემდით ერთმანეთის გადაწყვეტილებებს მაშინაც და ახლაც, მერე რა რომ სხვადასხვა პოზიცია გვქონდა. ასე გვესმის ჩვენ მეგობრობა, ურთიერთობა, დამოკიდებულება... ზუსტად ვხვდები რა წითელი ხაზები იყო და ზღვარიც მორალთან.
მეც მაქვს სათქმელი ჩემს მეგობარზე, რომელთანაც მაშინაც ვმეგობრობდი, როცა "თურმე" არ უნდა მემეგობრა (მაგრამ არ მახსენდება ვინმეს ეთქვას არ იმეგობროო, ეს მგონი ხშირად საკუთარი გადაწყვერილებით ხდება და არა ვინმეს მითითებით) და ახლაც, როცა თურმე არ უნდა მემეგობრა... მომხდარის მიზეზი კიდევ უფრო სხვაა და გაცილებით მნიშვნელოვანი ვიდრე ითქვა... ხატია ბევრ რამეში იყო და იქნება შემაკავებელი. გასათვალისწინებელი, თავისი დამოკიდებულებებით, რაც იშვიათია და ამ სფეროში ყველაზე წონადიც", - ვკითხულობთ მანანა მანჯგალაძის პოსტში.
აღნიშნულთან დაკავშირებით, საქართველოს პრეზიდენტის ადმინისტრაციამ განცხადება ორდღიანი მითქმა-მოთქმის შემდეგ, დღეს გაავრცელა. როგორც განცხადებაშია აღნიშნული, ხატია მოისწრაფიშვილი 4 სექტემბერს სიტყვიერად გაფრთხილებულ იქნა პრეზიდენტის პრესსპიკერის უფლებამოსილების შეჩერების თაობაზე, ხოლო 10 სექტემბერს გაეგზავნა შეტყობინება ადმინისტრაციული ხელშეკრულების შეწყვეტის შესახებ.
„მის მიერ საჯარო სივრცეში გავრცელებული პირადი განცხადება ეწინააღმდეგება პრესსპიკერის პროფესიულ მოვალეობასა და სტანდარტებს. პრესსპიკერის თანამდებობა მკაცრად მოითხოვს, რომ მის მიერ საჯარო სივრცეში გაკეთებული ყოველი განცხადება გამოხატავდეს მხოლოდ პრეზიდენტისა და ადმინისტრაციის პოზიციებს.
შესაბამისად, პრეზიდენტის პრესსპიკერს მოეთხოვება პირადი განწყობების საჯარო სივრცეში გამოხატვისგან სრულად თავშეკავება.
ხატია მოისწრაფიშვილმა პრეზიდენტის ადმინისტრაციისგან მუშაობის პრესსამსახურში გაგრძელების ოფიციალური შეთავაზება მიიღო“, - ნათქვამია განცხადებაში.
განცხადებაში დაკონკრეტებული არ არის, რა "პირადი განწყობების საჯარო გამოხატვისთვის" გაათავისუფლეს პოსტიდან ხატია მოისწრაფიშვილი, თუმცა შესაძლოა ვივარაუდოთ, რომ სწორედ მის მიერ გამოხატული მხარდაჭერა გახდა მიზეზი.
ხატია მოისწრაფიშვილი მის გარშემო განვითარებულ მოვლენებს "ფეისბუქის" პირად გვერდზე გამოეხმაურა:
"რამდენიმე დღეა, არ წყდება სატელეფონო ზარები ჩემი კოლეგებისგან. გასაგებია, რომ საკითხისადმი არსებობს ლეგიტიმური ინტერესი, მაგრამ მრავალწლიანი პროფესიული გამოცდილება და მოქალაქეობრივი ეთიკა არ მაძლევს უფლებას, საჯარო პოლემიკაში შევიდე პირდაპირი წესით არჩეულ საქართველოს პრეზიდენტთან და ამიტომ თავს შევიკავებ კომენტარისგან. იმედს გამოვთქვამ, რომ ქართული მედია გაითვალისწინებს ჩემს პოზიციას და ინციდენტს ამოწურულად ჩათვლის" - დაწერა პრეზიდენტის ყოფილმა პრესსპიკერმა და დამატებითი კომენტარის გაკეთებისგან AMBEBI.GE-სთან თავი შეიკავა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
