"ის მას ეკლესიაში ჰყავს ნანახი... სადარბაზოში შემოყვა, უკან მიეპარა და დანა დაარტყა" - რას ჰყვება დალი ჩიტალაძე მისი ვაჟის დაჭრაზე

თბილისში, თარხნიშვილის ქუჩაზე მამაკაცი დაჭრეს. როგორც „ინტერპრესნიუსს“ საქართველოს შინაგან საქმეთა სამინისტროში განუცხადეს, დაჭრილი სამედიცინო დაწესებულებაშია გადაყვანილი და მის სიცოცხლეს ამ დროისთვის საფრთხე არ ემუქრება.

დაჭრილი ახალგაზრდა დალი ჩიტალაძის შვილი, ვახო სუთიძეა. როგორც დაჭრილის დედა ყვება, ვახოს უცხო მამაკაცი იმ დროს დაესხა თავს, როდესაც ეკლესიიდან სახლში ბრუნდებოდა.

მას ამჯერად ოპერაცია უტარდება. "რეიტინგი" დალი ჩიტალაძეს დაუკავშირდა:

"გიჟები დადიან ქალაქში და ერთ-ერთი მათგანი ჩემს შვილს დაესხა თავს, ის მას მხოლოდ ეკლესიაში წირვებზე ჰყავს ნანახი. როდესაც ჩემი შვილი დილით ტაძრიდან ბრუნდებოდა, მას გამოჰყვა ეს მამაკაცი და ისე, რომ არაფერი უთქვამს, სადარბაზოში შემოყვა, უკან მიეპარა და დანა დაარტყა. დაკარგა ბევრი სისხლი და ახლა ოპერაცია უტარდება", - განაცხადა დალი ჩიტალაძემ.

გამოძიება სისხლის სამართლის კოდექსის 120-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს. შემთხვევის ადგილზე მიმდინარეობს საგამოძიებო მოქმედებები.

• "ტკივილების მიუხედავად, მდიდარი ცხოვრება მქონდა" - რა არის დალი ჩიტალაძის სილამაზის საიდუმლო