რას ნიშნავს "მწვანე კედელი" და როგორ გიცავთ ის ხმაურისა და უჰაერობისგან?

მწვანე კედელი - ასე ჰქვია ვერტიკალურ გამწვანებას, რომელიც მსოფლიოში დღითიდღე უფრო პოპულარული ხდება. ცოცხალი მცენარეებით დეკორაციული კედლის გაკეთება შესაძლებელია, როგორც ინტერიერში, ასევე ექსტერიერში, შესაბამისად, ის უკვე ბევრი ადამიანის სახლსა თუ ოფისს ალამაზებს.

ვიზუალური ხიბლის გარდა, ინტერიერში განთავსებულ მწვანე კედელს ბევრი სასარგებლო თვისება აქვს - მცენარეებს შეუძლიათ გაასუფთავონ ჰაერი ტოქსინებისგან, ისინი გამოყოფენ დიდი რაოდენობით ჟანგბადს, მცენარეების კედელი 40%-ით აკავებს ხმაურს და 20%-ით ამცირებს გაგრილების და გათბობის ხარჯებს.

გარე კედელზე განთავსებულ მცენარეებს კი ერთგვარად სახლის დაცვის ფუნქციაც აქვთ - შენობას იცავენ ტემპერატურის უეცარი ცვლილებისგან, ასრულებენ ცოცხალი საიზოლაციო მასალის როლს და შენობას უნარჩუნებენ სიგრილეს ზაფხულის ცხელ დღეებში, ხოლო ზამთრის სიცივეში - სითბოს.

გამომდინარე იქედან, რომ მცენარეებს ახასიათებს დამამშვიდებელი და სარელაქსაციო ზემოქმედება, თანამედროვე ბინებში, მათ ხშირად ვხვდებით - მისაღებ ოთახებში, სააბაზანოებსა თუ სამზარეულოებში.

კიდევ ერთი საიდუმლო - ოფისებში განთავსებულ მწვანე კედელს აქვს უნარი, თანამშრომლები უფრო ენერგიული და პროდუქტიული გახადოს.

უკვე ქართველ მომხმარებლებსაც შეუძლიათ მწვანე კედლის მოწყობა პროფესიონალებს მიანდონ. მცენარეების მაღაზია-სალონი „ანემონე“ და „მწვანე კედელი“ ამ ულამაზეს ნამუშევრებს ერთობლივად სთავაზობენ ქართველ მომხმარებლებს.

სიახლეზე „ანემონეს“ დამფუძნებელი, ანი არველაძე გვესაუბრება:

„ანემონე და "Green wall • მწვანე კედელი" დამეგობრდნენ და მომხმარებელს ჩვენს ერთობლივ ნამუშევარს ვთავაზობთ. ბევრი ვიფიქრეთ, თუ რამ შეიძლება გახადოს ინტერიერი და ექსტერიერი განასხვავებული, გამორჩეული და ჯანსაღი, ვფიქრობთ, რომ მწვანე კედელი საუკეთესო მიგნებაა, რადგან ის გამოყოფს დიდი ოდენობით ჟანგბადს და შთანთქავს ნახშიროჟანგს, ასევე ამცირებს გაგრილებისა და გათბობის ხარჯებს.

მწვანე კედელს უკვე ჰყავს კმაყოფილი მომხმარებლები. ბინების და ოფისების გარდა, მას ხშირად გვიკვეთავენ ქორწილის, დაბადების დღისა და სხვა დღესასწაულის გასაფორმებლადაც.

ტექნიკურად ვერტიკალური გამწვანება შემდეგნაირად კეთდება: სისტემას უმონტაჟდება წყლის რეზერვუარი და ტაიმერის საშუალებით რეგულირდება მორწყვის რეჟიმი, კედელზე წყლის რეზერვუარის საშუალებით, თითოეული მცენარე ირწყვება ინდივიდუალურად,“ - აღნიშნავს ანი არველაძე.

ავტორი: თეკლე ჯანელიძე