მნიშვნელოვანი ინფორმაცია
29
ივნისიდღის ზოგადი ასტროლოგიური პროგნოზი
კვირა, მთვარის მეხუთე დღე დაიწყება 09:28-ზე, მთვარე ქალწულს ესტუმრება 15:49-ზე –
ყველაფრის მიღწევა შეიძლება, თუ კრეატიული ხართ და მიზნის მიღწევას ცდილობთ. უნდა დაიცვათ თქვენი პრინციპები და აქტიურად გამოხატოთ თქვენი ემოციები და გრძნობები. გადაიხადეთ ვალები. დაასრულეთ რაც დაიწყეთ. განახორციელეთ ნებისმიერი რადიკალური ცვლილება – ავეჯის გადაწყობიდან ბიზნესის კონცეფციის შეცვლამდე. არ არის რეკომენდებული ფინანსური საქმეების წარმართვა. ახალი საქმეების დაწყება. კარგია ტაძრებისა და მონასტრების მონახულება. კარგია სამზარეულოს დასუფთავება, საყოფაცხოვრებო ტექნიკის შეკეთება, დაუთოება.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ზურგზე იხატება განვლილი მიღწევები, რისკენ დაბრუნებასაც აღარ აპირებთ" - სად რა ტატუ უნდა დაიხატოთ, ასტროლოგიის მიხედვით და ვის ეკრძალება ის
18:22 / 01-09-2019
ასტროლოგი ხათუნა ნოელი ტატუების სიბლოლურ დატვირთვაზე გვესაუბრება და მისი დახატვის მსურველებს შესაბამის რჩევებს აძლევს:
"ბოლო წლებში ადამიანების სულ უფრო მზარდ რიცხვს უჩნდება სურვილი სხეულის მოხატვის. რამდენად უსაფრთხოა ეს ან პირიქით, რა დადებითი შედეგები შეუძლია რომ მოგვიტანოს? დიახ, ტატუ დღეს საკმაოდ მოდურია, იმდენად რომ ადამიანები სხეულზე ათას რამეს იხატავენ იმ უბრალო მიზეზის გამო, რომ ეს გამოსახულება მოსწონთ. თუმცა ყოველთვის ასე როდი იყო, სხეულის მოსვირინგების ხელოვნება უშორეს წარსულში აღმოცენდა და მაშინ მის მხატვრულ მხარეს იმდენი დატვირთვა ნამდვილად არ ჰქონდა როგორიც დღეს აქვს, პირველყოფილი ადამიანები სხეულზე, უმეტეს წილად, საკუთარი ტომის ტოტემებს იხატავდნენ, რათა ინდენტიფიცირება მოეხდინათ "თავისიანებთან", უფრო იშვიათი იყო ისეთი სვირინგები, რომლთა სიმბოლიზმი კონკრეტული გამარჯვებების მიღწევის შემდეგ დაიტანებოდა სხეულზე, და გარკველწილად მემატიანეს ფუნქციას ასრულებდა იმ ადამიანის ცხოვრების წასაკითხავად, შემდგომ და შემდგომ სვირინგის მნიშვნელობა დაკნინდა და ის უფრო დამღასთან გაიგივდა, რომელსაც პატრონი თავის მსხვილფეხა ცხოველებს ან მონებს ასვამდა, რათა დაედასტურებინა სხვებისათვის, რომ ისინი მის კუთვნილებას წარმოადგენდნენ, მოგვიანებით სვირინგი - დამღა უკეთდებოდათ დამნაშავეებს, კატორღელებს და პროსტიტუციაში შემჩნეულებსაც.
ამ ფონზე სვირინგმა, რა თქმა უნდა, ნეგატიური დატვირთვა შეიძინა და ეს დატვირთვა საკმაოდ დიდხანს იყო შენარჩუნებული. კუთვნილების თემა, ცოტა განსხვავებული კუთხით, გასულ საუკუნეში ქურდული სამყაროს წარმომადგენლებს შორის ე.წ. "ნაკოლკის" გაკეთების ტრადიციის გაჩენამ ისევ წამოწია წინ. კონკრეტული ტატუები ასახავდა, რომელ ქურდულ კლანს მიეკუთვნებოდა ეს პირი, რამდენჯერ ან რომელ ციხეში იჯდა და ასე შემდეგ. თუმცა მინდა გითხრათ, რომ თავდაპირველად სვირინგის სიმბოლიზმი ასეთი ვიწრო არ ყოფილა და ჯერ კიდევ უხსოვარ დროში იცოდნენ მისი სხვა, ძალზე მნიშვნელოვანი მხარის შესახებაც.
არავისთვის უცხო არ იქნება თუ ვიტყვი, რომ ასტროლოგიაც ასევე უშორეს წარსულში ჩაისახა და ის ადამიანები, რომლებიც მაშინ სხეულზე ტატუებს დაიტანდნენ, შესანიშნავად ერკვეოდნენ ცაზე მოკამკამე მნათობების ზეგავლენაში. საქმე ისაა, რომ ასტროლოგიურად ჩვენი სხეულის ყოველი ნაწილი გარკვეულ პლანეტას შეესაბამება, და თუ რომელიმე ორგანო სუსტი გვაქვს, საჭირო ადგილზე ამ პლანეტის შესაბამისი სიმბოლიზმის მატარებელი სვირინგის დახატვით შესაძლებელია მისი ენერგეტიკის გაძლიერება. თუმცა, შეუფერებელ ადგილზე დატანილ ტატუს, ან არასწორ სიმბოლიკას შესაძლოა სწორედაც პირუკუ ეფექტი ჰქონდეს. მაგალითისთვის - კურო მართავს ჩვენი ყელისა და კისრის ზონას, კუროს მმართველი პლანეტა გახლავთ ვენერა, და ვარდი, რომელსაც არც თუ იშვიათად იხატავენ ხოლმე დღეს სხეულზე, ვენერას მართველობაში შედის. თუ ამ ყვავილს რომელიმე სხვა ზონაში დაიხატავთ, ვერაფრით დაეხმარებით თქვენს ფარისებურ ჯირკვალს, ვერ გაიუმჯობესებთ ხმოვანი სიმების მდგომარეობას, ვერ უშველით მოხშირებულ ყელის ან კისრის ტკივილებს... და პირიქით, თუ ყელის ან კისრის ზონაში ისეთ სიმბოლოს დაიხატავთ, რომელიც პლუტონის ან მარსის მმართველობის ქვეშ ექცევა, მაგალითად ნებისმიერი სახის იარაღის, ასევე თავის ქალის, ან მგლის გამოსახულებას, შესაძლოა ყელსაც ავნოთ, მამაკაცებმა კი პოტენციას და რეპროდუქციის ორგანოებსაც. რატომ? იმიტომ, რომ ეს თემები მარსსა და პლუტონს აბარიათ, ასტროლოგიურად კი ისინი ვენერას ტრიტორიაზე გაძევებაში იმყოფებიან, ან უფრო გასაგებად რომ ვთქვათ - თავს ცუდად გრძნობენ.
კიდევ ერთი საკითხი - ზოგი ტატუ სხეულის თვალშიმოსახვედრ, გამოსაჩენ ადგილზე აქვს ადამიანს დატანებული, ზოდი კი პირიქით - დაფარულად. მინდა გითხრათ, რომ ამასაც თავისი მნიშვნელობა აქვს, სოციალური მიღწევებისათვის რადაც არ უნდა გაგიკვირდეთ ტატუირება სხეულის ღია ნაწილებზე ჯობია, თუ ეს პრობლემას გიქმნით, ნახატი ტანსაცმილით დაფარულ ზონაში შეგიძლიათ გაიკეთოთ, მაგრამ არა ზურგზე, ეს უკან დაგხევთ და წინ ვერ წაგიყვანთ, ზურგზე იხატება განვლილი მიღწევები, ან ისეთი სიმბოლოები, რისკენ დაბრუნებასაც აღარ აპირებთ.
გამორიცხეთ ტატუირების სასურველი ზონების რიცხვიდან თქვენი სხეულის ის ნაწილი, რომელიც თქვენს რუკაში VIII და XII სახლებში მოხვედრილ ზოდიაქოს ნიშნებს შეესაბამება. მაგალითად, თუ თქვენი VIII სახლი იწყება მშვილდოსნით, გამორიცხეთ მენჯისა და თეძოების ზონა.
კიდევ ერთი გაფრთხილება - ჩვენს გარეგნობაზე პასუხისმგებელი არის რუკის პირველი სახლი, თუ მისი მმართველი დაზიანებულია, მაშინ თქვენთვის კატეგორიულად არასასურველია ტატუირება, ამან შესაძლოა პრობლემები მოგიტანოთ, ყველა ზემოთ ჩამოთვლილი წესი რომც გაითვალისწინოთ - მაინც! ეს წესი, სხვათა შორის, პირსინგზეც ვრცელდება.
უაღრესად დიდი მნიშვნელობა აქვს, თუ რა დროს იკეთებთ ტატუს, არ დაამთხვიოთ ეს რეტროგრადული მარსის პერიოდებს, თვითონ ტრანზიტული მარსიც არ უნდა იყოს დაზიანებული და მითუმეტეს არ უნდა აზიანებდეს თქვენს ნათალურ პლანეტებს. ტატუ არც იმ პერიოდში უნდა გაიკეთოთ, როდესაც თქვენს პირველ სახლს რაიმე ტრანზიტული პლანეტა აზიანებს.
სვირინგის სხეულზე დატანა ყველაზე სასურველია იმ პერიოდში, როდესაც მისი სიმბოლიზმის შესაბამისი ტრანზიტული პლანეტა თქვენს პირველ სახლს სტუმრობს".
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ირანის შეტევის შედეგად ისრაელის 6 კვლევითი ლაბორატორია განადგურდა და 9 დაზიანდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
