მნიშვნელოვანი ინფორმაცია
27
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
აფხაზეთიდან დევნილი პოლიტიკოსი პრეზიდენტ ზელენსკის გუნდში - ვინ არის 40 წლის დავიდ არახამია
15:25 / 30-08-2019
29 აგვისტოს უკრაინაში მეცხრე მოწვევის პარლამენტის პირველი სხდომა გაიმართა. უმაღლესი რადას სპიკერად პრეზიდენტ ზელენსკის პოლიტიკური პარტიის - "ხალხის მსახურის" თავმჯდომარე დიმიტრი რაზუმკოვი აირჩიეს. "ხალხის მსახურის" საპარლამენტო ფრაქციას კი წარმოშობით ქართველი ბიზნესმენი და პოლიტიკოსი - დავიდ არახამია უხელმძღვანელებს.
40 წლის პოლიტიკოსს ფსევდონიმით - დევიდ ბრაუნის სახელით იცნობენ. ის 1979 წლის 23 მაისს სოჭში დაიბადა, გარკვეული პერიოდი ის გაგრაში ცხოვრობდა, თუმცა აფხაზეთის ომმა მისი ოჯახიც აიძულა მშობლიური სახლი მიეტოვებინა. არახამიების ოჯახმა თავი უკრაინას შეაფარა და ნიკოლაევში დასახლდა.
ერთ-ერთ ინტერვიუში არახამია საქართველოში გატარებულ წლებს ასე იხსენებს:
"პირველ რიგში, ეს ბავშვობაა და ბავშვობა ყოველთვის იმაზე უკეთესი გახსოვს, ვიდრე ის იყო... თუმცა, რეალურად ძალიან მაგარი იყო, რადგან გაგრა - როგორც ადრე ამბობდნენ, მარგალიტია. იქ ხალხი ძალიან სტუმართმოყვარეა, მათ უყვართ ერთმანეთის დაპატიჟება. ჩვენ ვცხოვრობდით ეზოში, სადაც მეზობლები მუდამ თამაშობდნენ ლოტოს, ძალიან ბევრი სასიამოვნო მოგონება მაკავშირებს იქაურობასთან.
რა თქმა უნდა საქართველოში დარჩნენ ნათესავები, რომელთა დიდი ნაწილი ომის შემდეგ საცხოვრებლად თბილისში გადავიდა. მეც ვიყავი ნახევარი წლის განმავლობაში თბილისში და ქართულ სკოლაშიც კი დავდიოდი, კარგად არ ვიცი ქართული, თუმცა მაშინ მის შესწავლას აქტიურად ვცდილობდი" - ასე იხსენებს ბავშვობას არახამია.
პოლიტიკოსობამდე მან საკმაოდ გრძელი გზა გაიარა. არახამია ჯერ ევროპის, შემდეგ კი, ლონდონის ღია უნივერსიტეტში ეკონომიკასა და მენეჯმენტს ეუფლებოდა. 2014 წელს საიტი ჩამოაყალიბა, რომლის საშუალებითაც, 79-ე ბრიგადის დესანტის აღჭურვილობისთვის სახსრებს უყრიდა თავს. სწორედ აქედან დაიწყო მისი მოხალისეობრივი საქმიანობა და ინიციატივა „სახალხო პროექტისთვის“ ჩაეყარა საფუძველი, რომელიც ამჟამად აღმოსავლეთ ევროპაში მიმდინარე ომში ჩართულ უკრაინელ სამხედროებს ეხმარება.
2014 წელს არახამია ნიკოლაევის სამხარეო ადმინისტრაციის თავმჯდომარის მრჩევლად დაინიშნა, სხვადასხვა დროს იყო თავდაცვის მინისტრის მრჩეველიც.
2016 წელს სტარტი აიღო მისმა ახალმა პროექტმა - Weblium-მა. არახამია ასევე არის ინტერნეტტექნოლოგიების კომპანიის Template Monster-ის თანადამფუძნებელი.
თუმცა, არც მისი ბიოგრაფია აღმოჩნდა შავი ლაქების გარეშე. უკრაინულ მედიაში ვრცელდება ინფორმაცია, რომ ჯერ კიდევ 2015 წელს უკრაინის მთავარმა სამხედრო პროკურატურამ არახამიას წინააღმდეგ სისხლის სამართლის საქმე აღძრა ნავთობის შესყიდვასთან დაკავშირებით ჩადენილი თაღლითობისთვის. უფრო კონკრეტულად, მას ბრალად 15 მილიონი გრივნის ოდენობის ნავთობის ქურდობა ედებოდა, რაც დღევანდელი კურსის გათვალისწინებით თითქმის 600 ათას ამერიკულ დოლარს შეადგენს. რა შედეგით დასრულდა ან დასრულდა თუ არა გამოძიება, ცნობილი არ არის.
აფხაზეთიდან დევნილი პოლიტიკოსი 2019 წლის 21 ივნისიდან ეროვნული საინვესტიციო საბჭოს მდივანია, მიმდინარე წლის 9 ივლისიდან ახლადარჩეულმა პრეზიდენტმა ვლადიმერ ზელენსკიმ ის სახელმწიფო კონცერნის - „უკრობორონპრომის“ სამეთვალყურეო საბჭოს წევრად დანიშნა, ახლა კი ის მეცხრე მოწვევის პარლამენტში სახალხო დეპუტატის სახელით შევიდა და საპარლამენტო ფრაქცია „ხალხის მხახურს“ ჩაუდგა სათავეში...
00:00 / 00:00
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
