"რუსთავი 2"-ის საინფორმაციო სამსახურის უფროსად ირაკლი იმნაიშვილი დაინიშნა
"რუსთავი 2"-ის საინფორმაციო სამსახურს ირაკლი იმნაიშვილი უხელმძღვანელებს. ამის შესახებ ტელეკომპანიის გენერალურმა დირექტორმა პაატა სალიამ ბრიფინგზე განაცხადა.
"რამდენიმე დღის წინ "კურიერის" ეთერი შეწყდა და ბევრმა ჟურნალისტმა არხი დატოვა, თუმცა არხის მფლობელმა გაააკეთა განცხადება, რომ "რუსთავი 2"-ის კარი ღიაა ყველა იმ ადამიანისთვის, ვინც გადაწყვეტილება ემოციურ ფონზე მიიღო. დღეს საზოგადოებას ვუბრუნდებით პოზიტიური სიახლით, რომელიც ძალიან კარგად მიიღო პირველ რიგში "რუსთავი 2"-ის გუნდმა. დღეს მათ წარვუდგინე პროფესიონალი, რომელსაც არ სჭირდება დამატებითი წარდგენა. მას მთელი საქართველო იცნობს. ის ერთ-ერთი პირველი ჟურნალისტია, რომელმაც თავისი შეუპოვრობით საზოგადოებას თავი დაამახსოვრა. ეს პიროვნება არის ირაკლი იმნაიშვილი, რომელიც დიდი ხანია დიდ ბრიტანეთში მონაწილეობს" - აღნიშნა პაატა სალიამ.
იმნაიშვილი წლების წინ ტელეკომპანია "მზეში" მუშაობდა, შემდეგ კი რამდენიმე წლის დიდ ბრიტანეთში, ლონდონში ცხოვრობდა და ტელეკომპანია BBC-ში მუშაობდა.
შეგახსენებთ, რამდენიმე დღის წინ ტელეკომპანიის გენერალურმა დირექტორმა პაატა სალიამ სამსახურიდან გაათავისუფლა საინფორმაციო სამსახურის ხელმძღვანელი ნოდარ მელაძე, ასევე გენერალური დირექტორის მოადგილე გიორგი ლაფერაშვილი და წამყვანები გიორგი გაბუნია და ეკა კვესიტაძე. ამის შემდეგ "კურიერის" თითქმის სრულმა შემადგენლობამ "რუსთავი 2" დატოვა. საინფორმაციო სამსახურის უფროსის თანამდებობაზე ბოლო დღეების განმავლობაში რამდნიმე კანდიდატურა განიხილებოდა, მათ შორის ნინო შუბლაძე და თამარ რუხაძე.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
