საფრანგეთის პრეზიდენტი ემანუელ მაკრონი ამაზონის ტყის ხანძარს „საერთაშორისო კრიზისს“ უწოდებს და მიიჩნევს, რომ პრობლემა „დიდი შვიდიანის“ სამიტის დღის წესრიგის მთავარ საკითხად უნდა იქცეს, - ამის შესახებ ინფორმაციას „ბიბისი“ ავრცელებს.
„ჩვენი სახლი იწვის. ამაზონის ტროპიკული ტყე, ფილტვები, რომლებიც ჩვენი პლანეტის ჟანგბადის 20 პროცენტს აწარმოებენ, იწვის. მოდით, ეს საგანგებო სიტუაცია პირველ რიგში განვიხილოთ,“ - წერს მაკრონი „ტვიტერზე.“
Our house is burning. Literally. The Amazon rain forest - the lungs which produces 20% of our planet’s oxygen - is on fire. It is an international crisis. Members of the G7 Summit, let's discuss this emergency first order in two days! #ActForTheAmazon pic.twitter.com/dogOJj9big
— Emmanuel Macron (@EmmanuelMacron) August 22, 2019
ბრაზილიის პრეზიდენტმა ჟაირ ბოლსონარომ მაკრონის ინიციატივას ბრალდებით უპასუხა და განაცხადა, რომ აღნიშნულ საკითხს საფრანგეთის პრეზიდენტი პოლიტიკური ქულების მოსაპოვებლად იყენებს.
- Lamento que o presidente Macron busque instrumentalizar uma questão interna do Brasil e de outros países amazônicos p/ ganhos políticos pessoais. O tom sensacionalista com que se refere à Amazônia (apelando até p/ fotos falsas) não contribui em nada para a solução do problema.
— Jair M. Bolsonaro (@jairbolsonaro) August 22, 2019
ბრაზილიაში, ამაზონის ტროპიკულ ტყეებში ათასობით ცეცხლის კერა მძვინვარებს. ათწლეულების განმავლობაში ეს ყველაზე სასტიკი სტიქიაა.
გასულ წელთან შედარებით ხანძრების რაოდენობა ბრაზილიაში 85%-ით არის გაზრდილი. სტიქია ტროპიკული ტყეებისთვის მშრალ სეზონზე უცხო არ არის, მიზეზი კი ხშირად ხდება ბუნებრივი მოვლენები - მაგალითად, მეხი, თუმცა ხანძრებში დამნაშავე მეტყევეები და ფერმერებიც არიან, რომლებიც ხეებს დაუნდობლად ჩეხავენ და მიწას ასუფთავებენ.
So many #Climate emergencies worldwide, it's hard to keep up. But #AmazonRainforest burning is stand-out global disaster.
— John Gibbons (@think_or_swim) August 21, 2019
Every red dot below represents a significant fire pic.twitter.com/AZ6IaOO1Pv
აქტივისტები მეტყევეების წახალისებაში ბრაზილიის პრეზიდენტს, ჟაირ ბოლსონაროს ადანაშაულებენ. ბოლსონარო კი, რომელიც კლიმატური ცვლილებების მიმართ სკეპტიკურად არის განწყობილი, ამბობს, რომ ხანძრების გაჩენა და ხელისუფლების იმიჯის შელახვა არასამთავრობო ორგანიზაციების ბრალია.