მნიშვნელოვანი ინფორმაცია
18
ივნისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
პრემიერი გუგუტიანთკარში მიმდინარე პროცესებზე: "არ უნდა გვქონდეს ილუზია, რომ ეს პროცესი უმოკლეს ვადებში შეჩერდება"
20:56 / 21-08-2019
ჩვენ არ უნდა გვქონდეს ილუზია, რომ ეს პროცესი შეჩერდება უმოკლეს ვადებში, ვინაიდან, სამწუხაროდ, საოკუპაციო ძალა განაგრძობს საოკუპაციო ნაბიჯების გადადგმას, - ამის შესახებ პრემიერ-მინისტრმა მამუკა ბახტაძემ ჟურნალისტებს სოფელ გუგუტიანთკარში მიმდინარე პროცესების შეფასებისას განუცხადა.
"ჩვენთვის ოკუპაცია არის ყველაზე მტკივნეული გამოწვევა და განსაკუთრებით მინდა ხაზი გავუსვა, რომ ეს არის საკითხი, რომელიც საქართველოს თითოეულ მოქალაქეს უნდა გვაერთიანებდეს, მიუხედავად იმისა, თუ რა პოლიტიკური შეხედულებები გვაქვს. მსგავსი გამოწვევის დაძლევის ერთადერთი გზა არის ერის კონსოლიდაცია და ერთსულოვნება. რაც შეეხება ჩვენს ნაბიჯებს: ბორდერიზაცია არის ოკუპაციის შედეგი, აქედან გამომდინარე, ოკუპაციასთან ბრძოლა, ჩვენ კარგად უნდა გვესმოდეს, რომ ეს არის ძალიან რთული პროცესი, რომელიც მოითხოვს ჩვენი მხრიდან პრინციპულ რეფორმებს და სწორ და ეფექტურ სტრატეგიას. ბუნებრივია, ამ სტრატეგიაში საერთაშორისო მეგობრების, ჩვენი მეგობარი ქვეყნების მხარდაჭერას აქვს გადამწყვეტი როლი.
ჩვენ ვიყენებთ ყველა საერთაშორისო პლატფორმას, იმისთვის რომ მოვახდინოთ ჩვენი ეროვნული ინტერესების დაცვა. რა თქმა უნდა, ჩვენ არ უნდა გვქონდეს ილუზია, რომ ეს პროცესი შეჩერდება უმოკლეს ვადებში, ვინაიდან სამწუხაროდ, საოკუპაციო ძალა განაგრძობს თავის საოკუპაციო ნაბიჯების გადადგმას. ჩვენი მხრიდან უნდა იყოს პრინციპული პოზიცია. უნდა იყოს ერთსულოვნება და ერად დგომა საერთაშორისო თანამეგობრობასთან ერთად",- განაცხადა პრემიერ-მინისტრმა და იქვე დასძინა, რომ ადგილობრივი მოსახლეობისთვის, რომელიც გამყოფ ხაზთან ახლოს ცხოვრობს, ხელისუფლებას უკვე აქვს განხორციელებული მნიშვნელოვანი პროექტები, გუშინ, გუგუტიანთკარში ყოფნისას კი დამატებითი ინფორმაცია მიიღო თუ რა სჭირდება ადგილობრივებს.
"თითოეული მათგანი უნდა გრძნობდეს იმას, რომ სახელმწიფო არის მათ გვერდით და საქართველოს თითოეული მოქალაქე არის მათ გვერდით. ჩვენ ძალიან მნიშვნელოვანი პროექტები განვახორციელეთ ბოლო წლების განმავლობაში. მე გუშინ კიდევ ერთხელ მოვისმინე რა გვაქვს გასაკეთებელი და ამას ვუზრუნველყოფთ.
ამასთან ერთად მე კიდევ ერთხელ მინდა ხაზი გავუსვა ადგილობრივი მოსახლეობის განწყობას, მათ მხნეობას და მათ პრინციპულობას, რომელიც თითეული ჩვენგანისთვის და ჩემთვის პირველ რიგში არის ძალიან მნიშვნელოვანი და ეს არის გადამდები მუხტი, ენთუზიაზმი, რომელიც უნდა გვაერთიანებდეს. მე დავასრულე იმით რითაც დავიწყე: ეს არის საკითხი, სადაც არ შეიძლება საზოგადოება იყოფოდეს სხვადასხვა ჯგუფებად, სხვადასხვა პოლიტიკური შეხედულების მქონე ადამიანებად. ეს არის საკითხი და გამოწვევა, რომელიც უნდა გვაერთიანებდეს, ვინაიდან ოკუპაცია აუცილებლად დაიძლევა ერთსულოვნებით და კონსოლიდაციით",- განაცხადა პრემიერ-მინისტრმა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ევროკავშირმა რუსეთის წინააღმდეგ ყირიმის ანექსიისთვის დაწესებული სანქციები ერთი წლით გაახანგრძლივა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
