"ნოდარის მივცემ 9-იანისთვის" - რა შეეშალა მიხეილ სააკაშვილის Facebook გვერდის ადმინს
მიხეილ სააკაშვილის "იუთუბის" არხზე ვიდეო განთავსდა სახელწოდებით "მიშა ბრუნდება ახალი უმაგრესი იდეებით". ჩანაწერი საქართველოს ყოფილმა პრეზიდენტმა "ფეისბუქის" გვერდზე გააზიარა.
"საქართველოში უნდა გათენდეს!
ჩვენ წარმოგიდგენთ „ ვარშავის გეგმის“ პირველ 5 ნაბიჯს, ჩვენს კონკრეტულ ხედვას, თუ როგორ ვაქციოთ საქართველო წარმატებულ ევროპულ სახელმწიფოდ, სადაც მოქალაქეების თავისუფლება გარანტირებული იქნება, სადაც მათ მაღალი შემოსავალი, ხარისხიანი განათლება და ჯანდაცვა ექნებათ," - დაურთო სააკაშვილმა ვიდეოს კომენტარად.
თუმცა, როგორც ჩანს, პოსტის თავდაპირველ ვერსიაში "ფეისბუქის" გვერდის ადმინისტრატორს შეცდომა გაეპარა - ტექსტის ბოლოს აღნიშნული იყო, რომ ვიდეოს "ნოდარის მისცემდა ცხრიანისთვის" - სავარაუდოდ, "რუსთავი 2"-ის საინფორმაციო სამსახურის უფროსი, ნოდარ მელაძე იგულისხმებოდა.
ვიდეოში ექსპრეზიდენტი საქართველოს "წყვდიადიდან გამოყვანაზე" საუბრობს და აღნიშნავს, რომ ქვეყანას აქვს საშუალება, პოლონეთივით განვითარდეს.
"მე ერთხელ უკვე გამოვიყვანე საქართველო წყვდიადიდან, ახლა იგივე არის გასაკეთებელი. ჩვენ შეგვიძლია ბევრი რამე გავაკეთოთ უკეთესად, ვიდრე არის ევროპაში, პოლონეთში, ესტონეთში, ლიეტუვაში", - ამბობს სააკაშვილი.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
