28
მარტიდღის ზოგადი ასტროლოგიური პროგნოზი
საქართველოს “სტატეგიული კვლევებისა და განვითარების ცენტრის“ მიერ ჩატარებულმა შემოწმებამ საგანგაშო შედეგები აჩვენა - 42 დასახელების პროდუქტიდან 6-ში არასაკვები საღებავი, ე.წ სუდანი აღმოაჩინეს.
იმ პროდუქტების ჩამონათვალში, სადაც არასაკვები საღებავი აღმოჩნდა, არის "კულასა" და "მარნეულის" საწებლებიც, რამაც საზოგადოება შეაშფოთა და კიდევ ერთხელ დააფიქრა, რით შეიძლება ვიკვებოთ, რომ თავი დაცულად ვიგრძნოთ.
აღნიშნულ კვლევას პედიატრი, მედიცინის დოქტორი თამარ ობგაიძე ეხმაურება ფეისბუქ-პოსტით, სადაც საუბრობს იმაზე, თუ რა არის სუდანი და როგორ შეიძლება დავიცვათ თავი ნივთიერებისგან, რომლის გამოყენებას შეუძლია გამოიწვიოს სიმსივნური დაავადებები:
"ყველა საღებავს თავისი ადგილი აქვს - ზოგს საკვებში, ზოგს ტექტილის, პლასტამასის თუ კოსმეტიკურ მრეწველობაში, ზოგსაც - მედიცინაში. სუდანი ულამაზესი ფერის საღებავების ჯგუფია. მისი რამდენიმე ფორმა არსებობს. სუდანი I, II, III, IV ისეთი ლამაზი ფერის წითელი საღებავია, აუცილებლად მოგტაცებთ თვალს.
შეიცავს აზოტის ჯგუფს, კარგად იხსნება ცხიმში. სწორედ ამიტომ მას პლასტმასის, ცვილების, ლაქების, ტექნიკური ზეთების, საღებავების წარმოებაში იყენებენ. სუდანი გამოიყენება მედიცინაშიც, უჯრედებისა და ქსოვილების მიკროსკოპით შესწავლისათვის მათ შესაღებად. იყენებენ ტექსტილის მრეწველობასა და ზოგჯერ კოსმეტიკურ საშუალებების წარმოებისას, მისი ძალიან ლამაზი წითელი ფერის გამო და თურმე არამხოლოდ.
პირველი სკანდალი 2003 წელს საფრანგეთში აგორდა, როცა ინდოეთიდან შემოტანილი ჩილის სოუსებში სურსათის კონტროლის მესვეურებმა სუდანი აღმოაჩინეს. ამავე წელს გაერთიანებული სამეფოს საკვების უვნებლობის სააგენტომ გააკეთა განცხადება ზოგიერი ჩილის შემცველი პროდუქტის დაბინძურების შესახებ. ამას სავაჭრო ცენტრებიდან 600-მდე საკვები პრდუქტის ამოღება მოჰყვა - მათ შორის იყო მზა სუპების, ჩიფსების, სუნელების, სოუსების სხვადასხვა სახეობები.
შემდეგი სკანდალი 2006 წელს ჩინეთში აგორდა, სადაც სუდანი იხვის, ქათმის ხორცსა და კვერცხში აღმოაჩინეს. როგორც ჩანს, კვერცხის მწარმოებლებს ძალიან უნდოდათ, თავი მკვეთრი ნარინჯისფერი კვერცხის გულით მოეწონებინათ, რისთვისაც ფრინველს სუდანისშემცველ საკვებს აძლევდნენ წაიკითხეთ ვრცლად
