მნიშვნელოვანი ინფორმაცია
13
ივლისიდღის ზოგადი ასტროლოგიური პროგნოზი
კვირა, მთვარის მეცხრამეტე დღე დაიწყება 23:31-ზე, მთვარე მერწყულშია – ფრთხილად იყავით სიტყვებთან და ქმედებებთან, იოლია კონფლიქტური სიტუაციის პროვოცირება. დღე მშვიდად გაატარე, მაგრამ არა მარტოობაში. ყურადღებით შეამოწმეთ ყველა ინფორმაცია. სერიოზული საქმეები გადადე. გაასუფთავეთ თქვენი სამუშაო ადგილი არასაჭირო ნივთებისგან. თანამშრომლებს ნაკლები შეხება უნდა ჰქონდეთ უფროსთან, მხოლოდ საჭიროების შემთხვევაში. დაიცავით ნეიტრალიტეტი კოლეგების მიმართ. არ არის რეკომენდებული შეხვედრების დანიშვნა. ხელშეკრულებების გაფორმება. ახალ სამსახურში გადასვლა. დაუფიქრებლად მოქმედება. ნუ აჰყვებით პროვოკაციებს და ნუ მოახდინეთ სხვების პროვოცირება. მოერიდეთ მთვრალ ადამიანებთან ურთიერთობა. უცნობ ადამიანებთან კონტაქტი.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"გავიხადე ტანსაცმელი და შიშველ მკერდში ჩავიხუტე, რომ გამეთბო" - რას ყვება პოლიციელი, რომელმაც გურიაში დედისგან მიტოვებული ჩვილი გადაარჩინა
16:23 / 16-08-2019
ოზურგეთელმა პოლიციელებმა დედისგან მიტოვებული ახალშობილი თხილის ბაღში იპოვეს.
შსს-ს ინფორმაციით, შემთხვევა 16 აგვისტოს, გამთენიისას მოხდა, როდესაც გურიის პოლიციის დეპარტამენტში ოზურგეთის საავადმყოფოდან შევიდა შეტყობინება, რომ სამედიცინო დაწესებულებაში მშობიარობის შემდგომი გართულებებით მოათავსეს ახალგაზრდა ქალი, რომელსაც ჩვილი თან არ ჰყავდა.
ოზურგეთის რაიონული სამმართველოს თანამშრომლებმა დაადგინეს ახალგაზრდა ქალის საცხოვრებელი და დაუყოვნებლივ გავიდნენ მისამართზე. ადგილზე მისულებს კი ჩვილი თხილის ბაღში მიტოვებული დახვდათ.
ახალშობილი უმძიმეს მდგომარეობაში იყო, ღამის სიცივის გამო, ფაქტობრივად გაყინული იყო. პოლიციელებმა სასწრაფო დახმარების ბრიგადა გამოიძახეს, თუმცა მათ მისვლამდე სამართალდამცველებმა თავად აღმოუჩინეს გოგონას პირველადი დახმარება.
კრიტიკულ მდგომარეობაში მყოფი ჩვილი ერთ-ერთმა პოლიციელმა ჩაიხუტა და საკუთარი სხეულის ტემპერატურით უნარჩუნებდა სიცოცხლეს, სასწრაფოს მისვლამდე.
ეს პოლიციელი აჩიკო ახალკაცია. AMBEBI.GE-სთან საუბარში ახალკაცი მომხდარის დეტალებს იხსენებს:
"გამთენისაას შემოვიდა შეტყობინება ოზურგეთის სამმართველოში კლინიკა „მედალფადან“, რომ მიყვანილი იყო ახალნამშობიარები ქალბატონი, რომელსაც თან არ ყავდა ჩვილი.
გავედით ახალშობილის დედის საცხოვრებელ მისამართზე, ოზურგეთის რაიონის სოფელში. დავიწყეთ ბავშვის მოძებნა, იქნებ გადაგვერჩინა. ვნახეთ თხილის ბაღებში, ბალახებში. სრულიად შიშველი იყო, ჭიპლარიც კი ჰქონდა. ტირილითაც არ ტიროდა, რაღაც უცნაურ ხმებს გამოსცემდა... ჩემმა მეწყვილემ გაიგონა ეს ხმები და ასე მივაგენით.
VIDEO: რა გააკეთა პოლიციელმა, როცა ოზურგეთში ბალახებში მიტოვებული ჩვილი იპოვა
მაშინვე ავიყვანე ბავში ხელში, საშინლად გაყინული იყო... გავიხადე ტანსაცმელი და შიშველ მკერდში ჩავიხუტე, რომ გამეთბო. შემდეგ ჩავსხედით მე და ჩემი თანამშრომელი მანქანაში, ჩავრთეთ ღუმელი და დავრეკეთ სასწრაფოში. სასწრაფო გზად შემოგვხვდა. თავიდან „მედალფაში„ გადაიყვანეს. შემდეგ ბათუმში, ბავშვთა საავადმყოფოში.
სახელი დავარქვით მარიამი... თუ მომანათლინებენ, სიამოვნებით მოვნათლავ" - უყვება AMBEBI.GE-ს პოლიციელი.
აჩიკო ახალკაცმა მის მიერ გადარჩენილი გოგონა დღეს საავადმყოფოში მოინახულა. ბავშვი ახლა საიმედო ხელშია და თავს კარგად გრძნობს...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
საბავშვო ბაღში გარდაცვლილი 2 წლის დაჩის დედის პირველი კომენტარი - "ჩემზეც ბევრი ბრალდებები წამოვიდა"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
