მნიშვნელოვანი ინფორმაცია
1
აპრილიდღის ზოგადი ასტროლოგიური პროგნოზი
სამშაბათი, მთვარის მეოთხე დღე დაიწყება 07:33-ზე, მთვარე კუროშია
კარგი დღეა ახალი საქმეების დასაწყებად. აგრეთვე დაკარგული ნივთების, ადამიანების მოსაძებნად. გააფართოეთ ბიზნესი, დაარეგულირეთ ურთიერთობა ბიზნესპარტნიორებთან. მოაგვარეთ ფინანსური საკითხები. არასასურველია უძრავი ქონებით ვაჭრობა. მოერიდეთ კამათს, საქმეების გარჩევას. კარგი დღეა სწავლისთვის, სამეცნიერო სამუშაოსთვის, გამოცდის ჩაბარება სხვა დღისთვის გადადეთ. ცუდი დღეა მოგზაურობის დასაწყებად, შორ მანძილზე მგზავრობისთვის. შეძლებისდაგვარად მოუარეთ ყვავილებს, დარგეთ ხეები, გაისეირნეთ ბუნებაში. მოერიდეთ ალკოჰოლს, სიგარეტს, კუჭის გადატვირთვას; ოპერაციების ჩატარებას კისერსა და ყელზე. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სიტყვებს ვერ ვუყრიდი თავს, რომ ემოცია გამომეხატა" - ძმებს, რომლებიც დედის გადასარჩენად ტაქსაობენ, მოქალაქემ საკუთარი მანქანა ათხოვა
14:30 / 09-08-2019
ძმებს, ნიკა და რატი ქართველიშვილებს, რომლებიც ლეიკემით დაავადებული დედის სიცოცხლის გადასარჩენად ტაქსაობენ, რიგითმა მოქალაქემ საკუთარი მანქანა ათხოვა. ამის შესახებ ინფორმაციას ნიკა ქართველიშვილი სოციალურ ქსელში ავრცელებს.
"დიდი ხანია ამ პოსტის დაწერა მინდა, მაგრამ სიტყვებს ვერ ვუყრიდი თავს, რომ ემოცია გამომეხატა. შეიძლება არ შეგიმჩნევიათ, მაგრამ ქალაქში მეორე სიცოცხლის მანქანაც დადის, მანქანა, რომელიც ერთმა საოცარმა ადამიანმა გვათხოვა მე და ჩემს ძმას, იმისთვის, რომ უფრო მეტ ადამიანს მოვემსახუროთ და მივაწვდინოთ ხმა ჩვენი განსაცდელის შესახებ. სიტყვებით ვერ გადმოვცემ, როგორი მადლიერი ვარ ამ ადამიანის. დიდი მადლობა შენ ყველაფრისთვის, ძმებად გვიგულე მე და ჩემი ძმა, მადლობა ღმერთს, რომ შენნაირი ადამიანები არსებობენ", - წერს რატი ქართველიშვილი.
#მაიასთვის დავამარცხოთ ლეიკემია - ამ წარწერით თბილისის ქუჩებში ტაქსი ცოტა ხნის წინ გამოჩნდა. როგორ გაირკვა, ეს ორი ახალგაზრდას წამოწყებაა, რომლებიც დედის დასახმარებლად ფულს ამ ხერხით აგროვებენ.
54 წლის მაია ქართველიშვილს მწვავე ლეიკემია დაუდგინდა. ის ამჟამად თურქეთში Florence Nightingale Istanbul- ის კლინიკაში იმყოფება. მისი სიცოცხლის გადასარჩენად საჭიროა მაღალდოზირებული ქიმიის კურსი და ღეროვანი უჯრედების ტრანსპლანტაცია, რაც ამ ეტაპზე 150 000$ ჯდება. თანხის შესაგროვებლად ოჯახს არ გააჩნია საკმარისი სახსრები.
"ფეიბუქზე" ასევე შექმნილია გვერდი, სადაც ქალბატონის დასახმარებლად ინტერნეტმომხმარებლები არიან გაერთიანებული.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვლადიმირ პუტინმა სამხედრო სამსახურში საგაზაფხულო გაწვევის შესახებ ბრძანებას ხელი მოაწერა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
