მნიშვნელოვანი ინფორმაცია
31
მარტიდღის ზოგადი ასტროლოგიური პროგნოზი
ორშაბათი, მთვარის მესამე დღე დაიწყება 07:20-ზე, მთვარე კუროშია
არ წამოიწყოთ ახალი საქმეები. მოერიდეთ ფინანსური საქმეების გადაჭრას. ვაჭრობა და კამათი კარგს არაფერს მოგიტანთ. მოერიდეთ მგზავრობას, სამსახურის, საქმიანობის შეცვლას. კარგია ვარჯიში. არ გირჩევთ ქორწინებასა და ნიშნობას. გაუფრთხილდით კეფასა და ყურებს. ამ დღეს ადამიანი მეტად მგრძნობიარეა საკვების მიმართ. ნუ გადატვირთავ კუჭს, მაგრამ ნურც იშიმშილებთ. მიიღეთ ჯანსაღი საკვები. კარგი დღეა ბუნებაში სასეირნოდ, მიწაზე სამუშაოდ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"როცა დედამ გაიგო, აქ მოვდიოდი, მითხრა, წინ გადაგიდგები, არ გაგიშვებო" - რას ჰყვებიან საქართველოზე შეყვარებული რუსი ტურისტები
12:13 / 09-08-2019
რუსეთ-საქართველოს შორის პირდაპირი ფრენების შეწყვეტის მიუხედავად, მეზობელი ქვეყნიდან ტურისტები მაინც გვსტუმრობენ. დამსვენებლები ძირითადად საქართველოში ერევნის გავლით შემოდიან. სასურველ ქვეყანაში მოსახვედრად სწორედ ეს გზა აარჩიეს დაშა სირგუკოვამ და ელა ჟურკინამ. ისინი საქართველოში მეგობართან, ნახევრად ქართველ ლია რაკინასთან ერთად ჩამოვიდნენ. როგორც AMBEBI.GE-ს რუსი ტურისტები უყვებიან, მათ პირველად მოსკოვი-თბილისის ბილეთი იყიდეს, თუმცა პირდაპირი საჰაერო ფრენის შეწყვეტის შემდეგ ბილეთების დაბრუნება მოუწიათ. მიუხედავად ამისა, ისინი საქართველოში მაინც ჩამოვიდნენ და აქ ნანახმა მოლოდინს გადააჭარბა.
"საქართველოში პირველად ვართ, მაგრამ ბევრი მსმენია მის შესახებ ლიტერატურიდან და საინფორმაციოებიდან, თუმცა ნანახმა მოლოდინს გადააჭარბა. უკეთ გავეცანით ტრადიციებს, ვნახეთ ბევრი ლამაზი ადგილი. აქ ჩვენი ნახვა ყველას უხაროდა, ქართველები ძალიან სტუმართმოყვარე ხალხია - არაფერი ცუდი", - ამბობენ ისინი.
დეზინფორმაციამ, რომელიც ბოლო პერიოდში რუსული მედიით საქართველოს შესახებ ვრცელდებოდა, დაშა სირგუკოვას ოჯახზეც იმოქმედა. ამბობს, რომ სწორედ ამ ანტიპიარის გამო დედას მისი საქართველოში წამოსვლის შესახებ არაფერი უთხრა.
"როდესაც გაიგო, რომ საქართველოში ჩამოსვლას ვაპირებდი, ყოველ დღე მოდიოდა ჩემთან და მეუბნებოდა, წინ გადაგიდგები და იქ არ გაგიშვებო. მშობლები ყოველთვის ნერვიულობენ შვილებზე და მითუმეტეს, დედა ხშირად უყურებს საინფორმაციოებს, სადაც ბევრ მცდარ ინფორმაციას გადმოსცემენ. ახლა როდესაც ჩავალ, ვეტყვი, რომ ვიყავი საქართველოში და აქ არაფერი ცუდი არ ხდება", - თქვა მან.
მეგობრებმა საქართველოში ათი დღე გაატარეს, ამ დროის განმავლობაში ისინი თბილისს, ბათუმს, მესტიას, მარტვილს და ზუგდიდს სტუმრობენ. ამბობენ, რომ აქ ჩამოსვლას მეგობრებს აუცილებლად ურჩევენ.
"როდესაც მეგობრებმა გაიგეს, რომ საქართველოში ვაპირებდით ჩამოსვლას, გვითხრეს, რომ აქ ჩამოსვლას ისინიც აპირებდნენ. როგორც კი საქართველოს ვესტუმრეთ, მაშინვე მივწერეთ, რომ აქ ყველაფერი კარგია", - აღნიშნა ელა ჟურკინამ.
რუსი სტუმრები ამბობენ, რომ სხვა ქვეყნებთან შედარებით საქართველო უფრო იაფი ქვეყანაა და არჩევანის შემთხვევაში, სწორედ მას აირჩევენ.
"ბუნება, ხალხი, ადგილები, საჭმელი კარგია. ასეთი ფასებია თურქეთშიც. არჩევანის შემთხვევაში, ჩვენ საქართველოს ავირჩევთ", - ამბობენ ისინი.
მეგობრების საქართველოში ჩამოყვანაზე არ უნერვიულია ლია რაკინას, რადგან დარწმუნებული იყო, რომ ქვეყანაში სადაც დაიბადა, საფრთხე არავის ემუქრებოდა.
"მე ეჭვიც არ მეპარებოდა, რომ აქ ვინმეს პრობლემა შეექმნებოდა და ეს თუ ასე მოხდებოდა, იმაშიც ვარ დარწმუნებული, რომ ყველა დაგვეხმარებოდა. ქვეყანაში, სადაც დავიბადე, არავის ერჩიან. პირიქით უყვართ სტუმრები და პატივს სცემენ მათ. ბოლოდროინდელი მოვლენები ასე თუ ისე ცნობილია, თუმცა პოლიტიკაში არ ვერევით. ჩვენ ვართ ჩვეულებრივი ადამიანები და აქ ჩამოვედით ჩვეულებრივ ადამიანებთან", - აღნიშნა რაკინამ.
ფრენების შეწყვეტის შესახებ ბრძანება რუსეთის პრეზიდენტმა, ვლადიმერ პუტინმა 21 ივნისს გამოსცა.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
თურქეთთან ხომ გვაქვს უვიზო მიმოსვლა ის ნეტავი ოკუპანტია თუ თქვენი ძმები თქვე ერის გამყიდველო მანქურთებო