გერმანიის ციხიდან გაქცეული ქართველი დააკავეს - ვინ არის და როგორ შეძლო მან პატიმრობიდან თავის დაღწევა

გერმანიაში, მემინგენის ციხიდან გაქცეული ქართველი პატიმარი დააკავეს. ამის შესახებ გემანული მედია წერს.

მათი ინფორმაციით, 37 წლის ქართველი პატიმარი ქალაქიდან 30 კილომეტრში, ფეხით გადაადგილებისას დააკავეს. რაც შეეხება მეორე პატიმარს, ამ დრომდე ძებნაშია.

გერმანიის პოლიციამ გაქცეულების ფოტოებიც გამოაქვეყნა და მოსახლეობა გააფრთხილა, რომ შესაძლოა, ისინი შეირაღებულნი ყოფილიყვნენ.

ორი პატიმარი, რომელთა შორის ერთი ქართველია, გერმანიის ციხიდან 4 აგვისტოს გაიქცა. მათ გერმანიაში ჩადენილი ბინის ქურდობისთვის წინასაგამოძიებო პატიმრობა ჰქონდათ შეფარდებული.

„გერმანული მხარის მიერ მოწოდებული ინფორმაციის თანახმად, მიმდინარე წლის 4 აგვისტოს, მემინგემის სასჯელაღსრულების დაწესებულებიდან სხვა პატიმართან ერთად, გაიქცა საქართველოს მოქალაქე. მას გერმანიაში ჩადენილი ბინის ქურდობისთვის წინასაგამოძიებო პატიმრობა ჰქონდა შეფარდებული“, - აცხადებენ შინაგან საქმეთა სამინისტროში.

ნახეთ: ქართველი პატიმრის პირადი ფოტოები "ფეისბუქიდან" და გერმანიის პოლიციის მიმართვა მოსახლეობას "პალიტრანიუსის" გადაცემაში "საღამოს ნიუსრუმი"