მნიშვნელოვანი ინფორმაცია
4
ივნისიდღის ზოგადი ასტროლოგიური პროგნოზი
4 ივნისი, ოთხშაბათი, მთვარის მეცხრე დღე დაიწყება 14:30-ზე, მთვარე სასწორში გადავა 17:41-ზე – დღის ენერგია უარყოფითად მოქმედებს ადამიანებზე. პროვოკაციების დღეა, უფრთხილდით მოტყუებას და ცდუნებებს, იყავით მოკრძალებული. ცოტა დაისვენეთ, აღიდგინეთ ძალა. მოუფრთხილდით პირად ნივთებს. იყავით თავშეკავებული და ტოლერანტული სამსახურში, კომუნიკაციაში, ეცადეთ არავის ანაწყენოთ. არ მიიღოთ მონაწილეობა სარისკო საქმიანობაში. არ არის რეკომენდებული ბიზნესის დაწყება, პრეზენტაციებსა და გასართობ ღონისძიებებზე დასწრება, ხელშეკრულებების გაფორმება. საბუთების შედგენა. აქტიური ორგანოებია: თირკმელები, შარდის ბუშტი, გამომყოფი სისტემა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"ყოველთვის ვგრძნობ, მის გვერდით დგომას" - ქეთი ხატიაშვილი ცნობილ მორაგბესთან ურთიერთობასა და თავის წარმატებულ ბიზნესზე
12:01 / 02-08-2019
ცნობილი ტანმოვარჯიშე ქეთი ხატიაშვილი სპორტის პარალელურად, სატელევიზიო საქმიანობით არის დაკავებული. ის ჯანსაღი წესით ცხოვრებას აქტიურ პროპაგანდას უწევს. ქეთიმ ცოტა ხნის წინ, საკუთარი ბიზნესი წამოიწყო და ტანვარჯიშის აკადემია ჩამოაყალიბა, რომელიც მოკლე დროში წარმატებულ ბიზნესად აქცია. რამდენიმე თვის წინ, ცნობილი გახდა, რომ მის პირად ცხოვრებაში სიახლეა, ქეთი და ცნობილი მორაგბე დავით კაჭარავა შეყვარებულები არიან. წყვილი პირად ცხოვრებაზე ლაპარაკს თავს არიდებს, თუმცა აშკარაა, რომ ჰარმონიულად გრძნობს თავს.
AMBEBI.GE-მ ქეთი ხატიაშვილთან ინტერვიუ ჩაწერა, სადაც ცნობილმა ტანმოვარჯიშემ და ტელეწამყვანმა პირად ცხოვრებაზე და საქმიანობაზე ისაუბრა. რადგან ზაფხულია, ბუნებრივია, ინტერვიუ საზაფხულო თემით დავიწყეთ...
- დღეს არის ჩემი პირველი დასვენების დღე, როგორც კი შვებულება დაიწყო, ანასტასიასთან ჩამოვედი ლაგოდეხში. აქ ისვენებს ჩვენს ნათესავებთან. ბავშვობის წლები მეც აქ მაქვს გატარებული, ვნახე ჩემი ძველი მეგობრები და კარგად ვგრძნობ თავს. აქედან მივდივარ ბათუმში და შემდეგ აზიაში - იაპონიაში.
- დატვირთული სამუშაო წელი გქონდათ?
- დატვირთული წელი მქონდა, ამას ნამდვილად არ ველოდი. წინა სექტემბრის მერე ბევრი რაღაც შეიცვალა და მოხდა. ჩემი აკადემიის გარდა, სამი ფილიალი გავხსენით, მქონდა სამი დიდი საქმიანი შემოთავაზება, რამაც წინსვლა განაპირობა, ამას კი, უფრო მეტი საქმიანი წინადადება მოჰყვა. ასევე, ვიყიდე ახალი ბინა, რომელსაც ახლა ვარემონტებ.
- როგორც ვიცი, დუბაიშიც გაქვთ საქმიანი ურთიერთობები...
- კი ასეა, დუბაიში ასევე არის მხატვრული ტანვარჯიშის აკადემია, სადაც მწვრთნელი არ ვარ, მაგრამ, მე ავაწყვე ქართველ კომპანიონებთან ერთად. ადრე ყოველთვე დავდიოდი, ახლა სამ თვეში ერთხელ ჩავდივარ.
- მას შემდეგ, რაც გამოჩნდით "ცეკვავენ ვარსკვლავებში", აქტიურ პოპულარიზაციას უწევთ ჯანსაღი ცხოვრების წესს და ტანვარჯიშს, როგორ მოახერხეთ საკუთარი საქმის წარმატებულ ბიზნესად ქცევა?
- როცა მესმის, რომ სპორტის ამ სახეობის პოპულარიზაცია გამოგვდის, მსიამოვნებს. თავდაპირველად, მე მინდოდა უბრალოდ საყვარელი საქმე მეკეთებინა და ამიტომ შეიქმნა ტანვარჯიშის აკადემია, მაგრამ ნელ-ნელა წამოვიდა საინტერესო იდეები, შემოთავაზებები, დავამატეთ რამდენიმე ფილიალი და წარმატებულ ბიზნესად იქცა ეს საქმე. ახლა სხვა ეტაპზე გადავედით. გვყავს გუნდის ახალი წევრი, მწრთნელი, რომელიც ევროპის ჩემპიონი და მსოფლიო თასების გამარჯვებულია, მისგან ბევრ რამეს ვსწავლობთ და უკვე თამამად შეგვიძლია ოლიმპიადებისთვის აღვზარდოთ ბავშვები. როცა ეს საქმე დავიწყე, მხოლოდ ორი ადამიანი ვიყავით, დღეს დიდი გუნდი და დიდი ოჯახი ვართ. ჩვენი მთავარი მიზანი ის არის, რომ მოხდეს ჯანსაღი ცხოვრების წესის პროპაგანდა ბავშვებში თავიდანვე. მოშორდნენ ტელეფონებს, აიპადებს და ა.შ. მინდა ისეთი ჯანმრთელი იყოს ეს თაობა, ისე ჯანსაღად გაიზარდოს, როგორც ჩვენი თაობა.
- თქვენი შვილი ანასტასიაც ტანმოვარჯიშეა?
- ანასტასია ჩართულია მხატვრულ ტანვარჯიშში. ემოციურია, მე მგავს მიმიკებით და ემოციებით. საღამოს ისეთი დაღლილი მოდის სახლში, მხოლოდ ჭამა, შხაპის მიღება და დაძინება უნდა.
- როგორ ახერხებ მუდმივად ფორმაში ყოფნას?
- აქ მეხმარება გენეტიკა და სპორტი. როცა დღეში 4 საათი ვაჩვენებ ბავშვებს რა უნდა ვაკეთო, ასევე გადაღებები მაქვს "ტელეიმედისთვის", ეს საუკეთესო საშუალებაა მუდმივად ფორმაში ყოფნისთვის. ამასთანავე ვიკვებები სწორად. როდესაც შვებულებაში ვარ და არ ვმუშაობ, მაშინ გამირბის წონა. ჭამა ყველას უყვარს, მათ შორის მეც, მაგრამ როგორც კი მოვიმატებ, 7 საათის შემდეგ წყალსაც არ ვსვამ, ფეხით დავდივარ და ფორმაში ვდგები.
- რას გვეტყვით თქვენი სიყვარულის, ცნობილი მორაგბის დათო კაჭარავას შესახებ, როგორ დაიწყო თქვენი ურთიერთობა?
- მე და დათომ ერთმანეთი გადაღებებზე გავიცანით. თავიდანვე არ დაწყებულა ჩვენი ურთიერთობა, დაახლოებით ერთი წელი, მხოლოდ გამარჯობის დონეზე ვიცნობდით ერთმანეთს. ნელ-ნელა გაჩნდა სიმპატია და მას შემდეგ ერთად ვართ. კარგი ურთიერთობა აქვთ ერთმანეთთან ჩვენს შვილებსაც და ეს მიხარია.
- გეხმარებათ დათო თქვენს საქმეში?
- დათო ყველაფერში გვერდით მიდგას, მართალია საქართველოში ხშირად არ არის, რადგან საზღვარგარეთ თამაშობს, თუმცა ყოველთვის ვგრძნობ მის გვერდით დგომას და ეს მსიამოვნებს.
- რთულია ერთმანეთისგან შორს ყოფნა?
- რთულია, რა თქმა უნდა, მაგრამ ჯერჯერობით ეს პრობლემა არაა. როცა ურთიერთგაგებაა ორ ადამიანს შორის, სიშორე პრობლემა არაა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კიტ კელოგი - მჯერა, რუსეთის წინააღმდეგ აშშ-ის ახალი სანქციები მზადაა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
