"მარშრუტკის" მძღოლს, რომელიც მგზავრობისას ეწეოდა, მართვის უფლება შეუჩერეს - "თბილისის მოკროავტობუსის" განცხადება
ყვითელი სამარშრუტო ტაქსის მძღოლს, რომელიც მგზავრობის დროს სიგარეტს ეწეოდა, ერთი თვით ტრანსპორტის მართვის უფლება შეუჩერდა. აღნიშნულთან დაკავშირებით განცხადება კომპანია "თბილისის მოკროავტობუსმა" გაავრცელა:
"მოგახსენებთ რომ მიმდინარე წლის 27 ივლისს სოციალურ ქსელში ერთ-ერთი მომხმარებლის მიერ გავრცელდა ვიდეო, სადაც 42 ნომერი მიკროავტობუსის მძღოლი ეწევა სიგარეტს. კომპანიის მონიტორინგის სამსახურმა აღნიშნული სატრანსპორტო საშუალების მძღოლს დაუყონებლივ შეუჩერა სატრანსპორტო საშუალების მართვის უფლება ერთი თვის ვადით, ხოლო განმეორებით შემთხვევაზე “თბილისის მიკროავტობუსის” შიდა სანქციების მიხედვით მას კონტრაქტის შეწყვეტა ემუქრება.
კომპანია კიდევ ერთხელ მოუწოდებს მომხმარებლებს მსგავსი ინციდენტების შესახებ ინფორმაციის ცხელ ხაზზე დაფიქსირებას, ხოლო თავის მხრივ “თბილისის მიკროავტობუსის” მენეჯმენტი აფიქსირებს საკუთარ კატეგორიულად მიუღებელ პოზიციას მსგავსი შემთხვევების მიმართ" - ნათქვამია "თბილისის მოკროავტობუსის" განცხადებაში.
ვიდეო, რომელშიც ჩანს, როგორ ეწევა სამარშრუტო ტაქსის მძღოლი მგზავრების თანდასწრებით, ფეისბუქის გვერდზე "ჩემი ქალაქი მკლავს" გუშინ გავრცელდა.
პოსტის ავტორი წერდა:
"42 ნომერი "მარშუტკა"! მიდი ვაჟკაც იგულავე... ესეთი რაღაც რომელიმე ევროპულ ქალაქში წარმოგიდგენიათ? და იმ ქალაქის მერის განცხადება ან რეაგირება ამის ნახვის შემდეგ! თქვენ პასუხს და რეაგირებას ველოდებით!"
"ნეტავ სცოდნოდა, რამდენად ლამაზი იყო შინაგანად და გარეგნულად..." - როგორ იხსენებენ ატენის ქუჩაზე მოკლულ დედა-შვილს
დიდ დიღომში ახალგაზრდა ბიჭის ცხედარი იპოვეს
