25
მაისიდღის ზოგადი ასტროლოგიური პროგნოზი
1 წლის ტყუპი, რომელიც მამამ მანქანაში 8 საათის განმავლობაში დატოვა, გარდაიცვალნენ. CNN-ის ინფორმაციით, მამას ეგონა, რომ შვილები დღის ცენტრში დატოვა.
"მახსოვდა, რომ სამსახურში წასვლამდე ისინი დღის ცენტრში დავტოვე. დამავიწყდნენ... ჩემი შვილები დაიღუპნენ. ისინი მე მოვკალი" - განაცხადა 39 წლის ხუან როდრიგეზმა პოლიციასთან.
როდრიგეზი დაკავებულია და ბრალად მკვლელობა ედება. ადვოკატი, ჯოუი ჯექსონი ამბობს, რომ მისი დაცვის ქვეშ მყოფი სასოწარკვეთილია. „ოჯახი განადგურდა. როდრიგეზის ფსიქიკური მდგომარეობა ძალიან მყიფეა იმის გამო, რაც მოხდა" - განაცხადა ადვოკატმა.
დაკავებულის მეუღლემ, მარისა როდრიგესმა მიმართვა გაავრცელა, რომელშც ამბობს რომ ყველაფრის მიუხედავად ქმარს მხარდაჭერას უცხადებს:
"ეს ყველაზე საშინელი ღამის კოშმარია. იმის მიუხედავად, რომ უდიდეს ტკივილს განვიცდი, ჩემი მეუღლე მაინც ძველებურად მიყვარს. ის კარგი ადამიანი და დიდებული მამაა და ვიცი, რომ ის გამიზნულად არასდროს არაფერს დაუშავებდა ჩვენს შვილებს" - ნათქვამია გარდაცვლილი ჩვილების დედის მიმართვაში.
ბავშვების მამას 15 წლამდე პატიმრობა ემუქრება. სასამართლო სხდომა 1 აგვისტოს გაიმართება.
საშუალოდ 38 ბავშვი იღუპება ყოველწლიურად მსგავსი ტრაგიკული შემთხვევების შედეგად. ხშირია შემთხვევა, როცა მშობელი ან ძიძა გაუაზრებლად ტოვებს მძინარე ბავშვს მანქანის უკანა სავარძელზე რამდენიმე საათით, რამაც შესაძლოა მძიმე დაზიანებები, ან სიკვდილიც კი გამოიწვიოს.
