მნიშვნელოვანი ინფორმაცია
30
მარტიდღის ზოგადი ასტროლოგიური პროგნოზი
კვირა, მთვარის მეორე დღე დაიწყება 07:11-ზე, მთვარე ვერძშია
კარგი დღეა ნებისმიერი საქმის დასაწყებად; ფინანსური საკითხების მოსაგვარებლად; ვაჭრობისთვის. არ იკამათოთ, გადადეთ სასამართლო საქმეები. კარგ დღეა შემოქმედებითი და სამეცნიერო საქმეებისთვის. სწავლისთვის და გამოცდების ჩასაბარებლად. უფროსთან შეხვედრა სიკეთეს არ მოგიტანთ. კარგი დღეა საქმიანობის, სამსახურის შესაცვლელად. თამამად გაემგზავრეთ სამოგზაუროდ, მივლინებაში. სხვა დღისთვის გადადეთ ნიშნობა და ქორწინება. შეამცირეთ ალკოჰოლისა და სასმლის დოზა. მოერიდეთ ყოველგვარ ოპერაციასა და პროცედურას: თვალებზე, პირის ღრუში, ყურებზე; აგრეთვე დიდხანს კითხვასა და ტელევიზორის ყურებას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
"საქართველოში ძალიან ბევრი გემოა უცნობი და დაფარული" - "სამზარეულოს ომების" "კახელების დუეტი", რომელიც ახალ გემოებს ეძებს
13:45 / 29-07-2019
"სამზარეულოს ომებში" "კახელების დუეტი" დაარქვეს, რადგანაც კახეთიდან, კერძოდ, თელავიდან არიან. ვაკო ვაშაკაშვილი და ლევან დავითაშვილი მოყვარული მზარეულები არიან, უნდოდათ, საკუთარი თავი კულინარიულ შოუში გამოეცადათ და მაღალი რანგის შეფების წინაშე წარმდგარიყვნენ, ასევე აინტერესებდათ, რამდენად შეეძლოთ ამ სფეროში საკუთარი უნარების გამოვლენა.
"რუსთავი 2"-ის პროექტში ჩართვა ჩემი იდეა იყო. ლევანი ამას ცოტა ეჭვის თვალით უყურებდა. ვიფიქრეთ და ბოლოს მაინც მონაწილეობა გადავწყვიტეთ. თავიდან პირველი ტური ძალიან გაგვიჭირდა, წარუმატებელიც იყო და შემთხვევით შემდეგ ტურში გადავედით. მერე კი უკვე კარგი შედეგი გვქონდა ისე, რომ პატარა იმედიც მოგვეცა. შოუ ორივესთვის დიდი გამოცდილებაა. კონკურსანტებიც ძალიან კარგები არიან.
„სამზარეულოს ომებმა“ ასევე მოგვცა იდეა, წავსულიყავით სოფლებში, გვენახა ბებო-პაპები, გავსაუბრებოდით და ისინიც თავის ცოდნას გაგვიზიარებდნენ. სხვათა შორის, ამან გაამართლა და სოფლებში უკვე ინტენსიურად დავიწყეთ სიარული, ძველი რეცეპტების შეგროვება-მოძიება. ამის გაგრძელებას შოუს დამთავრების მერეც ვაპირებთ. დიახ, საქართველოს სოფლებში უნდა წავიდეთ და ძველი რეცეპტები ვეძებოთ“ - გვეუბნება ვაკო.
- ამ ექსპედიციებისას რა ძველ კერძებს მიაკვლიეთ და აღმოაჩინეთ?
- აღმოვაჩინეთ ფხალეულის სხვადასხვა სახეობა. ასევე მცენარეები, რომლებიც სოუსებში და საწებლებში ადრე გამოიყენებოდა, გავეცანით როგორ ამზადებდნენ და ამუშავებდნენ ხორცს. მაგალითად, ღვიძლი ბადექონში, თათრულა ფხალი, ნაცარქათამას ფხალი, ესა თუ ის საწებელი ჩვენთვის მართლა აღმოჩენა იყო. ნელ-ნელა გამოჩნდება შოუში, რომ აქედან გამომდინარე, კერძების მომზადებისას განსხვავებულ რაღაცებს ვიყენებთ. ასევე გამოვიყენეთ თიკნის და ზაქის ხორციც.
- მწვადს ბევრი ადამიანი წვამს არა მარტო საქართველოში, უცხოეთშიც, თუმცა, კახური მწვადი მაინც გამორჩეულია...
- ღვიძლი ბადექონშიც მწვადის სახეობაა და მისი შექმნის იდეაც ღვიძლის მწვადიდან წამოვიდა, რომელიც ახალი კარტოფილითა და ალუჩის საწებელით საოცარი რამ არის. უხდება თათრულა ფხალიც, თუმცა ვიმეორებ, „ღვიძლი ბადექონში“ თავიდან მწვადი იყო და იდეა გაგვიჩნდა, მწვადი სხვანაირად წარმოგვეჩინა.
რაც შეეხება მწვადს, ნამდვილი მწვადი ტენიანი უნდა იყოს და არა გამომშრალი. ჩვენ მას ყოველთვის ტენიანობას ვუნარჩუნებთ. აუცილებლად წალამზე უნდა იყოს შემწვარი. მწვადი, ხომ ვამბობ, საერთოდ ახალი კერძის შექმნის საფუძველია და ჩვენც აქედან ავიღეთ რამდენიმე იდეა და მერე განვავრცეთ, დავხვეწეთ.
- რას გვეტყვით თქვენს დუეტზე?
- მე და ლევანი მეგობრები ვართ. ძალიან ხშირად დროს ერთად ვატარებთ. ლევანი მეურნეა, აქვს ფერმა, ვენახი და ვეხმარებით ფერმერულ საქმიანობაში. როგორც გითხარით, სხვადასხვა სოფელში თბილ ბებია-ბაბუებთან დავდივართ, რომლებიც ძველ ქართულ კერძებს გვიმზადებენ, იქვე მათ გაკეთებას და სამზარეულოს სიღრმეებს გვასწავლიან.
- რა დამოკიდებულება გაქვთ კონკურენტებთან?
- ჩვენზე მეტად გამოცდილები არიან და შეიძლება ითქვას, გამარჯვებას ისევე იმსახურებენ, როგორც ჩვენ. ამიტომ, როგორც საკუთარ თავს ვუსურვებთ გამარჯვებას, ასევე მათ და ძალიან ვგულშემატკივრობთ.
ჟიურის წევრებზეც ვიტყვი, რომ მათგან ორი დიდი გამოცდილების მქონე პროფესიონალი შეფია - მით უმეტეს, გურამ ბაღდოშვილი, ასაკითაც ყველაზე უფროსია და მეტი გამოცდილება აქვს. მიშაც ჩართულია ქართულ გასტრონომიაში, მომწონს, რომ ორივე ქართულ სამზარეულოს უწევს რეკომენდაციებს - მიშა უკრაინაში და გურამი - სხვადასხვა ქვეყანაში.
- რა მოლოდინი გაქვთ - გაიმარჯვებთ?
- მაქსიმალურად ვეცდებით, გადავიდეთ შემდეგ ტურში. მთელ ენერგიას ჩავდებთ, რომ მოვიგოთ, რადგანაც ეს ჩვენი მომავლისთვის სერიოზული რამ იქნება, დიდი ნაბიჯი ჩვენს ცხოვრებაში.
ნებისმიერ შემთხვევაში კი, ჩვენთვის ეს იყო გამოცოცხლება, დაგვაფიქრა იმაზე, რომ საქართველოში ძალიან ბევრი გემოა როგორც ცნობილი, ასევე უცნობი და დაფარული. ამიტომ, რაც შეიძლება მეტი უნდა ვიპოვოთ და წარვუდგინოთ მსოფლიო ბაზარს. საქართველომ თავისი სიტყვა უნდა თქვას გასტრონომიული თვალსაზრისით. მოკლედ, ამ ყველაფერმა მოტივაცია მოგვცა, რომ მეტი და მეტი ვისწავლოთ, ცოდნა მივიღოთ, განვვითარდეთ.
მინდა, მოყვარულ მზარეულებს ვურჩიო, რომ აუცილებელი არ არის, იყო პროფესიონალი, გქონდეს პროფესიული განათლება, რომ შოუში მიიღო მონაწილეობა. უბრალოდ, ბებიის და ბაბუის ნასწავლი რეცეპტით ისეთი გემოს შექმნა შეგიძლია, რომ ყველა გაოცდეს და დიდი ემოციები გამოიწვიოს გამოცდილ შეფებში. ამიტომ, მოვუწოდებ, არ გაჩერდნენ, სახლში არ დარჩნენ, ეცადონ, წინ წავიდნენ. მიიღონ შოუებში მონაწილეობა და საკუთარი თავი იპოვონ. ზოგმა, ვისაც უშუალოდ ამ სფეროში უნდა საქმიანობა, განაგრძოს, იაქტიუროს, თამამად იმოქმედოს და ეჭვი ნურაფერში შეეპარება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები: რა ხდებოდა 2 ძლიერი მიწისძვრის დროს მიანმარში? - დაღუპულთა რაოდენობა 1 000-ს გასცდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
