მნიშვნელოვანი ინფორმაცია
7
ოქტომბერიდღის ზოგადი ასტროლოგიური პროგნოზი
სამშაბათი, მთვარის მეჩვიდმეტე დღე დაიწყება 18:33-ზე, მთვარე ვერძშია – რეკომენდებულია: კომუნიკაცია, შეხვედრები მეგობრებთან; შემოქმედებითი საქმიანობა; პრეზენტაციებისა და სარეკლამო კამპანიების ჩატარება. გუნდური მუშაობა. წარუდგინეთ პროექტები თქვენს უფროსებს განსახილველად. მოაწყვეთ კორპორაციული წვეულებები. არ არის რეკომენდებული: მნიშვნელოვანი საკითხების გადაჭრა. სერიოზული და ფართომასშტაბიანი მოლაპარაკებების წარმოება. არ უნდა ჭამოთ ზედმეტი. მნიშვნელოვანია მოამზადოთ რაიმე გემრიელი და უჩვეულო, ჩაატაროთ ექსპერიმენტები სამზარეულოში. კარგია ყურძნისა და ეგზოტიკური ხილის ჭამა. დღე შეეფერება მივლინებებს, მოგზაურობას, ლაშქრობას, როგორც ინდივიდუალურს, ასევე ერთობლივს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"მძღოლს გაუფრთხილებია, რომ ღია კაბინაზე დაჯდომა სახიფათო იყო" - თუშეთში ავარიის შედეგად გარდაცვლილებს შორის მამა და ორი შვილია
09:59 / 28-07-2019
27 ივლისს, თელავის რაიონში, ფშავი-ომალოს დამაკავშირებელი გზის მე-20 კილომეტრზე მომხდარ ავტოსაგზაო შემთხვევას 5 ადამიანი ემსხვერპლა, მათ შორის 1 არასრულწლოვანი. გამოძიების პირველადი ინფორმაციით, ომალოს მიმართულებით მოძრავი "კამაზის" მარკის სატვირთო ავტომანქანის მძღოლმა ვერ უზრუნველყო ავტომანქანის უსაფრთხო მართვა, გზიდან გადავიდა და ხევში გადავარდა. ავტოსაგზაო შემთხვევის დროს დაშავებული 3 მოქალაქე ხევიდან ამოიყვანეს. ამ დროისთვის სამივე მათგანი საავადმყოფოშია გადაყვანილი. სხეულის სხვადასხვა სახის დაზიანება მიიღო სულ ხუთმა ადამიანმა.
სამაშველო ღონისძიებაში ჩართული იყო სასაზღვრო პოლიციის ვერტმფრენი. თბილისიდან ასევე გაემგზავრნენ დამატებითი სამაშველო ჯგუფები და სამედიცინო პერსონალი. პრემიერ-მინისტრმა მამუკა ბახტაძემ თუშეთში მომხდარი ტრაგედიის დროს დაღუპულთა ოჯახებს სამძიმარი გამოუცხადა.
"უდიდეს მწუხარებას გამოვთქვამ თუშეთში დღეს მომხდარი ტრაგედიის გამო, რომელსაც ჩვენი მოქალაქეების სიცოცხლე ემსხვერპლა. ამ მძიმე წუთებში თანადგომას და სამძიმარს ვუცხადებ დაღუპულთა ოჯახებს, დაშავებულებს კი მალე გამოჯანმრთელებას ვუსურვებ".
როგორც ცნობილია, სატვირთოში ახმეტის მუნიციპალიტეტის სოფელ ქვემო ალვანის მცხოვრებლები იყვნენ. ისინი თუშეთობის დღესასწაულზე დასასწრებლად სოფელ ომალოში მიემგზავრებოდნენ.
AMBEBI.GE-ს ინფორმაციით, გარდაცვლილებს შორის ოჯახის სამი წევრი, მამა შალვა შაბალაიძე და მისი ორი შვილი გაგა და ლევან შაბალაიძეები არიან. აქედან ერთი, გაგა შაბალაიძე არასრულწლოვანია. ასევე გარდაცვლებს შორისაა სატვირთოს მძღოლი ზაურ გიგოიძე.
"12 ადამიანით და პროდუქტით დატვირთულ მანქანას, რომელიც რამდენიმე მეტრის სიმაღლიდან გადავარდა, 30 წლამდე მამაკაცი მართავდა, მას მოსახლეობა გაუფრთხილებია, რომ მსგავსი ტიპის მანქანით პირველად მიდიოდა ამ გზაზე და ღია კაბინაზე დაჯდომა საფრთხის შემცველი იყო. თუმცა როგორც სოფელში მეუბნებიან გზადაგზა ხალხი ემატებოდა" - უყვებიან AMBEBI.GE-ს სოფელ ქვემო ალვანის მცხოვრებლები.
ავარიის შედეგად ხევში ჩავარდნილების სამძებრო სამუშაოები დღეს განახლდა. პროცესში შესაძლოა დამატებითი ტექნიკის ჩართვა გახდეს საჭირო. როგორც ახმეტის მუნიციპალიტეტის მერმა, Ambebi.ge-ს განუცხადა გუშინ ღამით, ოთხი გარდაცლილი პროზექტურაში გადაასვენეს, ორი ადამიანის ძებნა ამ დრომდე მიმდინარეობს. ერთი გარდაცლილი კი, რომელიც სატვირთოს ქვეშ არის მოყოლოლი, მისი გამოყვანა სპეციალური ტექნიკის საშუალებით მოხდება. შესაძლოა სამძებრო სამუშაოებში მყვინთავებიც ჩართვა გახდეს საჭირო.
27 ივლისს მომხდარ ავტოსაგზაო შემთხვებაზე გამოძიება 276-ე მუხლის მე-5 ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ორი ან მეტი ადამიანის სიცოცხლის მოსპობა გამოიწვია.
მთავარ ფოტოზე: ლევან შაბალაიძე, გაგა შაბალაიძე და ზაურ გიგოიძე
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ვრცელდება სპეცოპერაციის კადრები - შსს-მ 13 პირი დააკავა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
