მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ხუთშაბათი, მთვარის ოცდამერვე დღე დაიწყება 06:51-ზე, მთვარე თევზებშია
ამ დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. არ გირჩევთ ოპერაციის ჩატარებას ღვიძლზე, ფეხებზე. არ გადაღალოთ, ჩაიცვით მოსახერხებელი ფეხსაცმელი. კარგია ტერფების მასაჟი.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ხელკეტი წაქცეულ ბიჭს ისე მაგრად ჩაარტყა, რომ თავი გაუხეთქა" - სპეცრაზმით სასტიკად დარბეული აქცია და "მოსკოვის დიდი გამოფხიზლება"
09:47 / 28-07-2019
ათასზე მეტი დაკავებული, ნაცემი, ОМОН–ის სპეცრაზმითა და გაწვრთნილი ძაღლებით დარბეული აქცია, დასისხლიანებული ადამიანები – ასეთი იყო გუშინდელი მოსკოვი, სადაც ასობით ათასი ადამიანი ქუჩაში სამართლიანი მოთხოვნით გამოვიდა.
ყველაფერი გასულ კვირას დაიწყო - საარჩევნო კომისიამ 30-მდე კანდიდატს არ მისცა უფლება, კენჭი ეყარა. მიზეზად მათ მიერ შეგროვილი 5 500 ხელმოწერის გაყალბება დაასახელა... ძალიან მალე ვითარება იმდენად დაიძაბა, რომ ათასობით ადამიანი მოსკოვის ქუჩებში კანდიდატების დისკვალიფიკაციის გასაპროტესტებლად გამოვიდა.
იმავდროულად, მთავარმა ოპოზიციონერმა ალექსეი ნავალნიმ მოსახლეობას ფართომასშტაბიანი აქციის ჩატარებისკენ მოუწოდა. თავად ნავალნის არასანქცირებული საპროტესტო აქციის ჩატარების მოწოდების გავრცელებისთვის 30 დღიანი პატიმრობა მიუსაჯეს. აქცია მაინც ჩატარდა და ქალაქის ქუჩებში იმაზე მეტი ადამიანი გამოვიდა, ვიდრე ამას პოლიტიკოსები და ექსპერტები ელოდნენ.
novayagazeta.ru–ს მიმომხილველი იულია ლატინინა 27 ივლისის სასაკლაოს განმეორებას და ამ სცენარით მოვლენების გაგრძელებას ელოდება. მისი თქმით, "ახლა დაიწყება დაკავებების ახალი სერია, ტიტუშკები, კოლექტიური სისხლის სამართლის საქმეები, რადგან პუტინი მის წინააღმდეგობას არავის პატიობს..."
როგორც იცით, გუშინ მთელი დღის განმავლობაში ინტერნეტსა და სოციალურ ქსელებში ვრცელდებოდა კადრები თუ როგორ უსწორდებოდა სპეცრაზმი ფიზიკურად მშვიდობიან მომიტინგეებს.
27 ივლისის საღამოსვე ადგილობრივმა პოლიციამ ოპოზიციური სარედაქციო პოლიტიკის მქონე გამოცემებზეც გაილაშქრა. ძალოვანი უწყების თანამშრომლები Дожд-ში მაშინ შევარდნენ, როდესაც აქციიდან პირდაპირ ტრანსლაციას ახორციელებდა. მათ ტელეკომპანიის მთავარ რედაქტორს ალექსანდრე პერეპოლოვს საგამოძიებო კომიტეტის უწყება გადასცეს, სადაც ნათქვამია, რომ ისინი ცესკო-ს მუშაობაში უშლიან ხელს.
novayagazeta.ru-ს ცნობით, დილით დაკავებული დამოუკიდებელი ოპოზიციონერი კანდიდატები ილია იაშინი, დმიტრი გუდკოვი, იულია გალიამინა და ივან ჟდანოვი შუადღეს გაათავისუფლეს. კიდევ ერთი ოპოზიციონერი ლიუბოვ სობოლი, მიტინგის ორგანიზებისთვის 30 ათასი რუბლით დააჯარიმეს. ამის შემდეგ, ისინი მოსკოვის მთავარ მოედანზე შეიკრიბნენ. მათ მოსახლეობაც შეუერთდა. საღამოს 8 საათისთვის სობოლი, გალიამინი, ჟდანოვა და იაშინი ისევ დააკავეს და პოლიციაში გადაიყვანეს.
"სპეცრაზმი და ОМОН-ი გადაადგილებისა და მუშაობის უფლებას არ გვაძლევდა, წრეში მოგვაქცევდნენ, ჯაჭვს გააკეთებდნენ და წინ წასვლის უფლებას არ გვაძლევდნენ"– წერს გამოცემის ჟურნალისტი.
novayagazeta.ru-ს ოპერატორი ილია აზარი, რომელიც 27 ივლისის დარბევის ღამეს დააკავეს და რამდენიმე საათის შემდეგ გაათავისუფლეს, წერს:
"ბავშვთა სამყაროს მიმდებარე ტერიტორიაზე დაახლოებით 50-მდე ადამიანთან ერთად ვიდექით, ჩვენ ყველა ერთად ვიძახდით, "სამართლიანი არჩევნები!" "შეგვეშვით!" ამ დროს წამოვიდა ჩვენივე სპეცრაზმი და ხელკეტები დაგვიშინა...
დავინახე, როგორ გარბოდნენ ახალგაზრდები, ერთ-ერთი ბიჭი დამამახსოვრდა, ის ძირს დაეგდოთ და თავში ურტყამდნენ. მისი გადაღება დავიწყე, რა დროსაც მომვარდნენ და გადაღების შეწყვეტა მიბრძანეს... შემდეგ, ორი ახმახი დამეძგერა და მანქანაში ჩამაგდო, გზაში მეუბნებოდნენ, ნუ ფართხალებთ, ხომ იცით, არაფერი გაგივათო... მე კი აქციაზე უამრავი, თავისუფლად მოაზროვნე და ბრძოლის ჟინით ანთებული ახალგაზრდა გავიცანი და მტკიცედ მჯერა, რომ რუსეთი აუცილებლად იქნება თავისუფალი".
აქციის შესახებ იქ მყოფები სოციალურ ქსელშიც წერენ:
"როდესაც ხელკეტებით დაგვერივნენ, გავიქეცით. გოგოებს ხელს გვკრავდნენ, ბიჭებს კი სასტიკად უსწორდებოდნენ. უცებ ჩემს წინ მიმავალ ბიჭს სპეცრაზმელმა ზურგში ისე ძლიერად ჩაარტყა, რომ ის წაიქცა. თავი რომ წამოსწია, სახე სულ დასისხლიანებული ჰქონდა. მივვარდი, რომ წამომეყენებინა, ნიღბიანმა მხარში დამავლო ხელი და ბორდიურზე დამახეთქა. ამ დროს გავიგე ხმა, რომელიც არასდროს დამავიწყდა, მან ხელკეტი წაქცეულ ბიჭს ისე მაგრად ჩაარტყა, რომ თავი გაუხეთქა და ახლა მეორე მხარეს იფეთქა სისხლმა... მას გარშემომყოფები დაესივნენ, მაგრამ ხელკეტით იგერიებდა, ყველას ურტყამდა. ამასობაში კიდევ ორი პოლიციელი მოვარდა და დასისხლიანებული ბიჭი სადღაც გააქანეს... ეს დღე არასდროს დამავიწყდება, ეს დღე პუტინის ხელისუფლებას არ უნდა შერჩეს. პასუხის გაცემის დროა! მოსკოვის აქციის დარბევით რუსეთში დიდი გამოფხიზლება დაიწყო” - წერს ირინა ფედოროვა სოციალურ ქსელში.
"ეს დღე მოსკოვში არასდროს დაავიწყდებათ... ძაღლებით დაგვსდევდნენ, როგორც წლების წინ ფაშისტები ებრაელებსა და თავიანთ მტრებს... ჟანდარმი, რომელიც მაფიას იცავს, მოქალაქეებს სასტიკად გაუსწორდა, თუმცა მოსკოველებს უკვე აღარ ეშინიათ. აქამდე არასდროს მსმენია სიტყვები, "როდემდე უნდა ვითმინოთ ეს სასაკლაო, ამ ოკუპანტებს პასუხი უნდა გავცეთო... ნახეთ ფოტოები, სადაც კარგად ჩანს, რა გვიქნეს, ანახეთ ისინი თქვენს ახლობლებს, რათა მიხვდეთ, რამდენად უკეთესი გახდა მოსკოვი და რუსეთი საბიანინისა და პუტინის პირობებში..." – წერს აქციის ერთ-ერთი მონაწილე ივან შაბლოვი "ფეისბუქის" გვერდზე.
ფოტოები: novayagazeta.ru
მთავარი ფოტო: ივან შაბლოვი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
