მნიშვნელოვანი ინფორმაცია
31
მაისიდღის ზოგადი ასტროლოგიური პროგნოზი
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ არის ნიკოლოზ ენუქიძე, რომელმაც "თიბისი ბანკის ჯგუფში" მამუკა ხაზარაძე ჩაანაცვლა
11:39 / 25-07-2019
მამუკა ხაზარაძისა და ბადრი ჯაფარიძის წინააღმდეგ დაწყებულ პროცესებთან დაკავშირებით "თიბისი ბანკის ჯგუფმა" განცხადება გაავრცელა. ინფორმაციაში აღნიშნულია, რომ სამეთვალყურეო საბჭომ დაუყოვნებლივ დანიშნა თიბისი ბანკის ჯგუფის სამეთვალყურეო საბჭოს თავმჯდომარედ უფროსი დამოუკიდებელი დირექტორი ნიკოლოზ ენუქიძე.
განცხადების მიხედვით, არჩევანი ენუქიძეზე გაკეთდა მისი საბანკო საქმეების ღრმა ცოდნიდან და საერთაშორისო გამოცდილებიდან გამომდინარე.
ნიკოლოზ ენუქიძე სამეთვალყურეო საბჭოს დამოუკიდებელი წევრი 2013 წლიდანაა.
ენუქიძე დაიბადა და გაიზარდა თბილისში, არის საქართველოს და დიდი ბრიტანეთის მოქალაქე. 1993 წელს დაასრულა თბილისის სახელმწიფო უნივერსიტეტის ფიზიკის ფაკულტეტი, 1996 წელს კი მიიღო ბიზნესის ადმინისტრირების მაგისტრის (MBA) დიპლომი მერილენდის უნივესტიტეტში.
ენუქიძე იყო კორპორატიული ფინანსების მმართველი დირექტორი Concorde Capital-ში, უკრაინის წამყვან საინვესტიციო ბანკში; ასევე, 4 წლის მანძილზე იყო ABN AMRO-ს კორპორატიული ფინანსების დირექტორის თანაშემწე ლონდონში; ასევე, რესტონში, ვირჯინიაში Global One Communications LLC-ის ბიზნესის განვითარების უფროსი მენეჯერი; მან სამი წელი იმუშავა ABN AMRO-ს მოსკოვის ოფისში, კორპორატიულ ფინანსებში.
ფინანსური მომსახურების ინდუსტრიაში მრავალწლიანი გამოცდილების დაგროვების შემდეგ, ნიკოლოზ ენუქიძე გახდა "საქართველოს ბანკის" სამეთვალყურე საბჭოს თავმჯდომარის მოადგილე. ის იმ ადამიანებს შორის იყო, ვისაც წამყვანი როლი ეკავა ბანკის ლონდონის საფონდო ბირჟაზე წარმატებულად გასვლაში - ეს იყო პირველი საწყისი საჯარო შეთავაზება კავკასიაში, რომელიც ლონდონის საფონდო ბირჟაზე განთავსდა.
2008 წელს ენუქიძე დაინიშნა "საქართველოს ბანკის" საბჭოს თავმჯდომარედ და ბანკს უძღვებოდა საერთაშორისო და ლოკალური ფინანსური კრიზისი პერიოდში.
ენუქიძე, როგორც Nine Oaks Advisors-ის დამფუძნებელი, არის ცენტრალურ და აღმოსავლეთ ევროპის პროექტების ინვესტორი და ფინანსური მრჩეველი. 2011 წლიდან ის ასევე, არის TMM Real Estate Development PLC – 2007 წლიდან გერმანიის საფონდი ბირჟაზე განთავსებული უკრაინული უძრავი ქონების განვითარების კომპანიის - სამეთვალყურეო საბჭოს დამოუკიდებელი დირექტორის და აუდიტის კომიტეტის წევრი. ხოლო 2014 წლიდან არის სააქციო საზოგადოება კავკასიის მინერალების სამეთვალყურე საბჭოს თავმჯდომარე.
აღსანიშნავია, რომ მამუკა ხაზარაძემ და ბადრი ჯაფარიძემ „თიბისი ბანკის“ დირექტორთა საბჭოს ხელმძღვანელების თანამდებობები დატოვეს. როგორც ხაზარაძემ ფეისბუქის პირად გვერდზე დაწერა, თანამდებობებზე მანამდე არ დაბრუნდებიან, ვიდრე გამოძიება არ დასრულდება.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
