მნიშვნელოვანი ინფორმაცია
10
ივნისიდღის ზოგადი ასტროლოგიური პროგნოზი
სამშაბათი, მთვარის მეთხუთმეტე დღე დაიწყება 22:19-ზე, მთვარე მშვილდოსანშია – ენერგიული დღეა. ჯობია ემოციების მოთვინიერება, ვნებების აღკვეთა და თვითდისციპლინის გაძლიერება დაიწყება. მოიქეცით მშვიდად. მნიშვნელოვანი არაფერი გააკეთო. დაიწყეთ მარტივი ამოცანები, რომლებიც არ საჭიროებს ზედმეტ ძალისხმევას. ყურადღება მიაქციეთ საინტერესო იდეებს, შესაძლოა სამომავლოდ გამოგადგეთ. არ არის რეკომენდებული გამოიჩინოთ ამბიცია. გადაიტანოთ პასუხისმგებლობა სხვა ადამიანებზე. ჩაერთოთ ფინანსურ ოპერაციებში. მნიშვნელოვანი მოლაპარაკებების წარმოება. დღეს მოხმარებული პროდუქტები უნდა იყოს მაღალი ხარისხის და ახალი. უმჯობესია უარი თქვათ ძლიერ ჩაის, ყავასა და ალკოჰოლურ სასმელებზე.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ცხოვრებაში პირველად ვიგრძენი, რას ნიშნავს "კლასობრივი" უთანასწორობა..." - რატომ უპირისპირდებიან "კავკასიის უნივერსიტეტს" სტუდენტები
13:57 / 24-07-2019
"კავკასიის უნივერსიტეტს" დამამთავრებელი კურსის სტუდენტები უპირისპირდებიან. მთავარი უკმაყოფილება, რაზეც ისინი საჯაროდ საუბრობენ უნივერსიტეტის დამთავრების ცერმონიალს ე.წ. "გრედუეიშენსა" და დიპლომების გაცემას უკავშირდება.
რამდენიმე კურსდამთავრებული აპროტესტებს იმას, რომ დამამთავრებელ ღონისძიებაში სასწავლებლის ადმინისტრაცია სტუდენტს 390 ლარის გადახდას სთხოვს, 120 ლარის გადახდა კი დიპლომის ასაღებად უწევთ. მათი თქმით, ღონისძიება ორ დღეზე ნაწილდება: დიპლომების გადაცემა და ქუდების აყრა, მეორე დღეს კი წვეულება ანუ After Party. კავკასიის უნივერსიტეტის კურსდამთავრებულის ნატალია ჯალაღონიას თქმით, მისი და კიდევ რამდენიმე სტუდენტის პროტესტი იმან გამოიწვია, რომ უნივერსიტეტი აფინანსებს ღონისძიების მეორე ნაწილს - წვეულებას, ხოლო პირველ ნაწილზე დასასწრებად თანხის გადახდა სტუდენტებს უწევთ.
მათი აზრით, იქედან გამომდინარე, რომ უნივერსიტეტში ყოველწლიური გადასახადი 7 500 ლარამდე მერყეობს, დამამთავრებელი ღონისძიების ფასები შეუსაბამოდ მაღალია, რის გამოც ბევრმა ვერ შეძლო ღონისძიებაზე დასწრება.
"არც ერთი სტუდენტი არ არის იმის ღირსი, ამ დღეს თავის კურსელებთან ერთად არ იყოს და სიხარულს მათთან ერთად არ იზიარებდეს. ჩვენი მხრიდან გაჩნდა შეთავაზება - რადგან ღონისძიება ორ დღეზე იყო გადანაწილებული, თანხაც ორ ნაწილად დაყოფილიყო და ვისაც უნდოდა წავიდოდა "გრედუეიშენზე" და ვისაც ექნებოდა შესაძლებლობა - წავიდოდა ორივეზე. რაზეც კატეგორიული არა მივიღეთ - ან მოდიხართ ორივეზე და იხდით 400-ს ან არც ერთზე.
როგორც უნივერსიტეტში გვითხრეს, მათ თითქმის მთლიანად თავის თავზე აიღეს მეორე დღის წვეულების დაფინანსება. შესაბამისად, საკმაოდ ლოგიკურიც იყო თხოვნა, რომ უფრო მართებული იქნებოდა, დაფინანსებულიყო ღონისძიების პირველი (ქუდები, მანტია, დიპლომის გადაცემა) და არა მეორე დღე. რაც უკვე წვეულებას შეეხება, ამ ხარჯის დაფარვა ნებაყოფილობითი უნდა ყოფილიყო და იმის მიხედვით წავიდოდნენ სტუდენტები, თუ როგორი შესაძლებლობა ექნებოდათ. ეს იმას ნიშნავდა, რომ პირველ დღეს ალბათ ყველა წამოვიდოდა და ორივე დღეს ის სტუდენტები დაესწრებოდნენ, ვისაც ფინანსური შესაძლებლობა ან სურვილი ექნებოდათ.
როგორც გვითხრეს, ეს იწვევდა არეულობას და ვერაფერს ვერ შეცვლიდნენ. გარდა ამისა, ეს ყოფილა უნივერსიტეტის პრაქტიკა წლების განმავლობაში და ამას უნდა შევგუებოდით. ეს ყველაფერი გარკეულ არეულობასაც რომ იწვევდეს, უნივერსიტეტისთვის პრიორიტეტი ხომ უნდა იყოს სტუდენტი?
მოკლედ, შესაბამის დეპარტამენტთან თითქმის ერთთვიანი უშედეგო კომუნიკაციის შემდეგ, სხვა გზა რომ არ დარჩა, გადავწყვიტე, პრეზიდენტისთვის - კახა შენგელიასთვის დამერეკა. ვიფიქრე, ალბათ არ იცის პრობლემის შესახებ, ავუხსნი და ყველაფერი დალაგდება-მეთქი. იცით, რა მითხრა ბატონმა პრეზიდენტმა? - ხომ იცით, სადაც სწავლობთ ან აბარებდითო? (ანუ ფინანსურ შესაძლებლობებს გაუსვა ხაზი) და თუ ასე ძალიან გსურთ წამოსვლა - ისესხეთ თანხა და წამოდითო. ცხოვრებაში პირველად ვიგრძენი, რას ნიშნავს "კლასობრივი" უთანასწორობა...
რაც შეეხება დიპლომს, 120 ლარი უნდა გადავიხადო დამატებით. როგორც უნივერსიტეტში ხსნიან, ამის მიზეზი ისაა, რომ ჩვენ ორი დიპლომი გადმოგვეცემა - აქედან ერთ-ერთი არის ჩარჩოში ჩასმული და შთამბეჭდავი. აქაც არაა არჩევანი. იხდი თანხას და იღებ ორივეს ან არ იხდი და რჩები დიპლომის გარეშე. ანუ არავის აინტერესებს, გინდა თუ არა ჩარჩოში ჩასმული დიპლომი. მითხარით, არ უნდა გქონდეს არჩევანის უფლება? ვისაც აქვს სურვილი და შესაძლებლობა, ხომ ისედაც "იყიდის" დიპლომებს?" - წერს ნატალია ჯალაღონია "ფეისბუქის" საკმაოდ ვრცელ პოსტში, რომელსაც სოციალურ ქსელში უდიდესი გამოხმაურება მოჰყვა - ათასამდე გაზიარება, 1200-ზე მეტი კომენტარი, რომელშიც უნივერსიტეტის სხვა კურსდამთავრებულებიც წერენ არსებული პრობლემების შესახებ.
ერთ-ერთი სტუდენტი, რომლის კომენტარიც სტატიაში გვქონდა გამოყენებული, თუმცა გამოქვეყნებამდე დაგვიკავშირდა და გვთხოვა, რომ მისი პრეტენზიები არ მოგვეხსენიებინა სტატიაში, წერდა იმ პრობლემების შესახებ, რომელიც უნივერსიტეტის ლოკაციის შეცვლამ გამოიწვია (კამპუსი გადავიდა ჯიქიას ქუჩიდან სვანეთის უბანში), მათ შორის: პარკინგის არარსებობა, აუდიტორიებში ელექტრონული "ფეჩით" გათბობა, რადგან ცენტრალური გამათბობელი არ მუშაობდა, საპირფარეშოში არ მოდიოდა წყალი, პრობლემები იყო ბუფეტსა და სველ წერტილებში და ა.შ.
"კავკასიის უნივერსიტეტის" წინააღმდეგ გაჟღერებულმა ბრალდებებმა დიდი რეზონანსი გამოიწვია ინტერნეტმომხმარებელში, რის შემდეგაც სასწავლებელმა ფეისბუქის ოფიციალურ გვერდზე საპასუხო კომენტარიც გამოაქვეყნა:
AMBEBI.GE დაუკავშირდა "კავკასიის უნივერსიტეტის" საზოგადოებასთან ურთიერთობის სამსახურს, რომლის ხელმძღვანელმა მარიამ მაღულარიამ განგვიცხადა, რომ "ყველა სტუდენტს აქვს უფლება გამოხატოს პროტესტი და ასევე, იყოს უკმაყოფილო". რაც შეეხება სხვა პრობლემებთან დაკავშირებულ უკმაყოფილებას, მაღულარია ამბობს, რომ ეს ყველაფერი ტყუილია:
"ტყუილია! მუდმივად გაწკრიალებულია უნივერსიტეტი და ძალიან უხერხულია ამაზე პასუხი ჩემი მხრიდან. რაც შეეხება პარკინგს, ამის პრობლემა ზოგადად ქვეყანაშია. რაც შეეხება მაღალ ფასებს ბუფეტში, ამაზე რა ვუპასუხო არ ვიცი" - აცხადებს "კავკასიის უნივერსიტეტის" საზოგადოებასთან ურთიერთობის სამსახურის ხელმძღვანელი.
უნივერსიტეტის მიერ "ფეისბუქზე" გამოქვეყნებულ საპასუხო სტატუსს, რომლის თანახმადაც კავკასიის უნივერსიტეტის დიპლომი, ჩარჩოს და ატრიბუტიკის გარეშე უფასოდ გაიცემა, AMBEBI.GE-სთან საუბარში გამოეხმაურა სტუდენტი ნატალია ჯალაღონია:
"დაწერეს პოსტი უფასოაო და ისე წარმოაჩინეს, თითქოს აქამდეც ასე იყო და მე ტყუილები ვისაუბრე. იტყუება უნივერსიტეტი! რადგან 120 ლარის გარეშე არანაირ დიპლომი არ გატანენ, აქამდე პრაქტიკა ასეთი იყო - იხდიდი 120 ლარს და იღებდი ორივე დიპლომს. არ გადაიხდიდი და ვერც ერთს ვერ აიღებდი.
მიხარია, თუ ამ პროტესტმა გამოიღო რაღაც შედეგი მაინც და 120 ლარს არ ვიხდით იმაში, რაც ისედაც დავიმსახურეთ. უბრალოდ, უკეთესი არ იქნებოდა ეღიარებინათ, რომ ეს პროტესტი სამართლიანი იყო?" - უთხრა AMBEBI.GE-ს ნატალია ჯალაღონიამ.
AMBEBI.GE დაუკავშირდა განათლების სამინისტროსაც, სადაც განგვიცხადეს, რომ უწყება არ ერევა სტუდენტისა და კერძო უნივერსიტეტის ფინანსურ ურთიერთობაში.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
