"რუსთავი 2"-ის ჟურნალისტები - ჩვენი მოთხოვნების დაკმაყოფილებაზე ქიბარ ხალვაშისგან უარი მივიღეთ

„რუსთავი 2“-ის ჟურნალისტების ინფორმაციით, მათი მოთხოვნების დაკმაყოფილებაზე ქიბარ ხალვაშისგან უარი მიიღეს. შეგახსენებთ, რომ ჟურნალისტები საზოგადოებრივი საბჭოს შექმნას ითხოვდნენ, რომელიც მათი სარედაქციო პოლიტიკის დამოუკიდებლობის გარანტი იქნებოდა. ასევე, ისინი ისეთი ხელშეკრულებების გაფორმებას ითხოვდნენ, რომლებშიც მათი დაცვის მექანიზმები იქნებოდა ჩადებული.

„რუსთავი 2“-ის ჟურნალისტებსა და არხის ახალ გენდირექტორ პაატა სალიას შორის შეხვედრა ცოტა ხნის წინ დასრულდა.