მნიშვნელოვანი ინფორმაცია
17
ივლისიდღის ზოგადი ასტროლოგიური პროგნოზი
ხუთშაბათი, მთვარის ოცდამესამე დღე დაიწყება 23:58-ზე, მთვარე ვერძშია – რეკომენდებულია: მონანიება, მიტევება, მარხვა. სახლის განწმენდა და დალოცვა. კარგია ყველაფერი ზედმეტის მოშორება. არ არის რეკომენდებული: მოლაპარაკებების წარმოება. აზრებისა და იდეების სხვებისთვის გაზიარება. გაუფრთხილდით ხერხემალს. უარი თქვით ხორცზე, ყავასა და ალკოჰოლზე. ჭარბმა კვებამ შესაძლოა კუჭ-ნაწლავის დაავადებები გამოიწვიოს. ამ დღეს გაწყვეტილი კავშირები არასოდეს აღდგება და ადამიანები ძალიან სწრაფად ივიწყებენ ერთმანეთს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ელონ მასკი მუშაობს ჩიპის შექმნაზე, რომელიც მობილურ ტელეფონს ტვინს დაუკავშირებს
10:47 / 19-07-2019
Space X-ის აღმასრულებელ დირექტორს, ელონ მასკს, ადამიანის ტვინში Bluetooth-ის საფუძველზე მომუშავე იმპლანტის ჩაამონტაჟება სურს. მისი მტკიცებით, მოწყობილობა ტელეპატიურ უნარებს განავითარებს და დაზიანებების მქონე ადამიანებში მოტორულ ფუნქციას აღადგენს.
მასკის თქმით, მის მოწყობილობაში მცირე ზომის ჩიპი იქნება ჩამონტაჟებული, რომელიც 1000 სადენით იქნება დაკავშირებული. თითოეული მათგანის სისქე ადამიანის თმის ღერის სისქის 1/10 იქნება.
ჩიპი აღჭურვილი იქნება USB-C პორტით, იმავე ადაპტერით, რომელიც Apple-ის Macbook-ებშია გამოყენებული და Bluebooth-ის მეშვეობით მცირე ზომის კომპიუტერს დაუკავშირდება, რომელიც ადამიანმა ყურის ირგვლივ უნდა ატაროს, ასევე სმარტფონსაც.
„თუ გვინდა, რომ ტვინს რაიმე დაუკავშიროთ მაშინ ლოგიკური სურვილი გვექნება, რომ ის დიდი ზომის არ იყოს“- განმარტა მასკმა.
Neuralink-მა, სტარტაპმა, რომელიც დაფინანსებულია ელონ მასკის მიერ, განმარტა, რომ მოწყობილობა იმ ადამიანებმა შეიძლება გამოიყენონ, ვისაც მეხსიერების გაძლიერება სურთ, ან მათ, ვისაც ინსულტი აქვთ გადატანილი, ასევე კიბოს პაციენტებმა, პარალიზებულმა ადამიანებმა.
ჩიპი iPhone-ის აპლიკაციასთან იქნება დაკავშირებული, რომელსაც თავად მომხმარებელი გააკონტროლებს.
მოწყობილობას ადამიანის ტვინში სტარტაპის მიერ აწყობილი რობოტი ჩაამონტაჟებს. ის თავის ქალაში 2 მილიმეტრის სისქის ხვრელს გააკეთებს, რომლშიც ჩიპი მოთავსდება.
თავად ჩიპის ზედაპირზე არანაირი სადენი არ არის, ამიტომ იმის საფრთხე, რომ ადამიანის თავზე რაიმე სახის სადენები ჩამოეკიდება არ არსებობს.
ცდები 2020 წლის ბოლომდე დაიწყება. მასკის თქმით, უკანასკნელი პროექტი მიზნად ისახავს ხელოვნური ინტელექტის გამოყენებას ადამიანზე დადებითი ზეგავლენის მოხდენის მიზნით. "ტესლას" აღმასრულებელმა დირექტორმა სტარტაპში 100 მილიონი დოლარის ინვესტირება განახორციელა.
კრიტიკოსები დარწმუნებულები არ არიან, რომ მომხმარებლები ტექნოლოგიურ გიგანტებს იმდენად ენდობიან, რომ მონაცემები პირდაპირ ტვინიდან გასცენ. მათი თქმით, მაშინ როდესაც მოწყობილობა შეიძლება დაეხმაროს სხვადასხვა ტიპის გონებრივი დაზიანების მქონე ადამიანებს, ტვინიდან გაცემული ინფორმაცია ადამიანებზე ზემოქმედების, მათი მანიპულირების დიდ ცდუნებსა და რისკსაც ქმნის. ადამიანები პერსონალურად უნდა განაგებდნენ მათზე არსებულ ინფორმაციას, თუმცა ეს, ხშირ შემთხვევაში, დღესაც კი არ ხდება, ამის თქმის საფუძველს კი, სულ მცირე, უკანასკნელ პერიოდში Facebook-თან დაკავშირებული სკანდალები გვაძლევს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ხელოვნური ინტელექტი - მინუსები და პლუსები
კვირის კითხვადი სტატიები
მნიშვნელოვანი ინფორმაცია
მკითხველის რჩევით
