"ინსტაგრამზე" ფოტოების მოწონების რაოდენობა აღარ გამოჩნდება

„ინსტაგრამი“ რამდენიმე ქვეყანაში მოწონებების რაოდენობას დამალავს, BBC-ს ინფორმაციით, მათ შორის ავსტრალიასა და იაპონიაში. გადაწყვეტილების მიზანია, მომხმარებლებს დაძაბულობა მოუხსნან, რადგან გაჩნდა ეჭვი, რომ სოციალური მედიის პლატფორმები მოწონებების რაოდენობებით ახალგაზრდების თვითშეფასებაზე უარყოფითად მოქმედებენ.

საცდელი კამპანია დღეიდან დაიწყო. მომხმარებლები ფოტოს ქვეშ რამდენიმე სახელთან ერთად „და სხვები“-ს დაინახავენ.

კომპანიის წარმომადგენლებმა BBC-სთან განაცხადეს, რომ მსგავსი საცდელი კამპანია მაისში ავსტრალიაში, ახალ ზელანდიაში, ირლანდიაში, იტალიასა და ბრაზილიაშიც ჩაატარეს. ისინი იმედოვნებენ, რომ „ლაიქებთან“ დაკავშირებული სტრესი მოიხსნება და ადამიანები ორიენტირებულები იქნებიან არა მოწონებების რაოდენობაზე, არამედ - საკუთარი ამბების მოყოლაზე.

სიახლის ტესტირება ბიზნესანგარიშებს არ შეეხება.