20 წელი იქ­ნე­ბა, რაც ვფიქ­რობ, რომ თბი­ლისს იქით სა­ქარ­თვე­ლო არ არ­სე­ბობს. სა­ქარ­თვე­ლო თბი­ლის­თან არის გა­ი­გი­ვე­ბუ­ლი და პი­რი­ქით, თბი­ლი­სი - სა­ქარ­თვე­ლოს­თან. რე­გი­ო­ნე­ბი მა­შინ ახ­სენ­დე­ბათ ხე­ლი­სუფ­ლე­ბა­სა და ოპო­ზი­ცი­ას, როცა არ­ჩევ­ნე­ბი მო­ად­გე­ბა კარს. პან­კი­სის ხე­ო­ბა კი თუ ლავ­როვ­მა ან პუ­ტინ­მა არ გაგ­ვახ­სე­ნა, აღარ გვახ­სოვს, ისე ვიქ­ცე­ვით, თით­ქოს უზარ­მა­ზა­რი ტე­რი­ტო­რი­ის მფლო­ბე­ლე­ბი ვართ და პან­კი­სი არც გვჭირ­დე­ბა.

არა­და ქვეყ­ნის სიძ­ლი­ე­რე რე­გი­ო­ნე­ბი­დან იწყე­ბა. ნურც ის დაგ­ვა­ვი­წყდე­ბა, რომ ყვე­ლა­ზე დიდ­მა ქარ­თველ­მა მე­ფემ სა­ქარ­თვე­ლოს გა­ერ­თი­ა­ნე­ბა რე­გი­ო­ნე­ბი­დან და­ი­წყო და თბი­ლი­სით და­ამ­თავ­რა.

პან­კი­სის ხე­ო­ბა­ში ისე შე­ვე­დით, ვერც შე­ვამ­ჩნიე, უკვე პან­კის­ში რომ ვი­ყა­ვით. აღარც ბლოკპოს­ტე­ბი, აღარც სამ­ხედ­რო­ე­ბი და ქვი­შით სავ­სე ტომ­რე­ბი. დუ­ი­სის ცენ­ტრში ახა­ლა­შე­ნე­ბუ­ლი მე­ჩე­თი მო­ჩანს, მე­უბ­ნე­ბი­ან, ვა­ჰა­ბი­ტუ­რი­აო.

სო­ფელ ჯო­ყო­ლოს ცენ­ტრში ხალ­ხმრავ­ლო­ბაა. ქის­ტე­ბის გან­მა­ნათ­ლე­ბე­ლი ალ­ბუ­თაშ­ვი­ლის იუ­ბი­ლეა ჯო­ყო­ლოს სა­შუ­ა­ლო სკო­ლა­ში, მის პა­ტივ­სა­ცე­მად დო­ღიც იმარ­თე­ბა. თით­ქმის ყვე­ლა სიმ­ღე­რას 10 წლის წინ ჩეჩ­ნე­თი­დან გად­მოხ­ვე­წი­ლი მუსა ას­რუ­ლებს, ერთი ქარ­თუ­ლიც გა­მო­უ­რია: "მე რა მამ­ღე­რებს, უძი­რო ზეცა"... - უკ­რავს ჩე­ჩე­ნი მუსა აჰ­მედ ზა­კა­ე­ვის ნა­ჩუ­ქარ გი­ტა­რა­ზე. მი­ნის­ტრის მო­ად­გი­ლე რე­ინ­ტეგ­რა­ცი­ის სა­კი­თხებ­ში ელე­ნე თევ­დო­რა­ძე მად­ლო­ბას უხ­დის ქის­ტებს იუ­ბი­ლეს­თვის და ერთხელ კი­დევ შე­ახ­სე­ნებს, რომ პან­კი­სი სა­ქარ­თვე­ლოა!

ქის­ტებ­თან სა­უ­ბარს მო­კი­თხვით ვი­წყებ. თავი შორს უჭი­რავთ და კი­თხვა­ზე, რო­გორ ხართ, რო­გორ ცხოვ­რობთ-მეთ­ქი, უც­ნა­უ­რად მპა­სუ­ხო­ბენ, რა გვაქვს სა­ჩხუ­ბა­რი? მშვი­დო­ბაა, პრობ­ლე­მე­ბი არა გვაქვს, კონ­ფლიქ­ტე­ბიც არა გვაქვს, კარ­გად არის ყვე­ლა­ფე­რიო. ვა­ტყობ, აზრი არა აქვს სა­უბ­რის გაგ­რძე­ლე­ბას. მოგ­ვი­ა­ნე­ბით, ქეიფ-ქე­იფ­ში ცოტა რომ გავ­ში­ნა­ურ­დით, ერთ პა­ტივ­ცე­მულ ქისტს შე­ვა­პა­რე, რა ამ­ბა­ვია პან­კის­ში, მი­თხრეს, რე­ლი­გი­ურ ნი­ა­დაგ­ზე უთან­ხმო­ე­ბა გქო­ნი­ათ-მეთ­ქი.

თავს ნუ ჰყოფთ ყულფ­ში, ნუ მოჰ­კი­დებთ ამ საქ­მეს ხელ­სო, გა­მაფრ­თხი­ლა, მაგ­რამ ვერ და­მა­ლა გუ­ლის­ტკი­ვი­ლი. აქ ისე­თი ამ­ბე­ბი ტრი­ა­ლებს, თქვენ ვერ მო­ე­რე­ვით, არ გიყ­ვართ ქარ­თვე­ლებს თქვე­ნი ქვე­ყა­ნა და ეს არის თქვე­ნი უბე­დუ­რე­ბის მი­ზე­ზიო. ქარ­თვე­ლი კაცი ისე­თია, ფუ­ლის გუ­ლის­თვის დე­და­საც გა­ყი­დი­სო. გავ­ბრაზ­დი, მაგ­რამ სულ ტყუ­ი­ლად.

- აბა, გა­ხე­დეთ, რა ხდე­ბა სა­ქარ­თვე­ლო­ში, - გა­აგ­რძე­ლა ასა­კო­ვან­მა ქის­ტმა, - ქვე­მო ქარ­თლში, აჭა­რა­სა და თუნ­დაც აქ, პან­კის­ში. მე­ჩე­თებ­მა წა­ი­ღო მთე­ლი სა­ქარ­თვე­ლო, რო­გორ ფიქ­რობთ, რა­ტომ? სხვი­სა რა გი­თხრათ და პან­კი­სის ხე­ო­ბა­ში უცხო­ე­თი­დან შე­მო­სულ ფულს ვა­ჰა­ბი­ტე­ბი ქარ­თველ ჩი­ნოვ­ნი­კებს უყო­ფენ.

ვიცი - სამი წილი ქარ­თვე­ლი ჩი­ნოვ­ნი­კე­ბი­სა არი, ერთი კიდე - ვა­ჰა­ბი­ტე­ბი­სა. ვა­ჰა­ბიზ­მი მო­დუ­რი გახ­და პან­კი­სის ხე­ო­ბა­ში, ფული მა­გათ აქვთ და ძა­ლა­უფ­ლე­ბა, კარ­გი მან­ქა­ნე­ბით ეგე­ნი და­დი­ან და მეტი რა უნდა გა­მო­უც­დელ ახალ­გაზ­რდას? მე შენ გე­ტყვი, რამე ალ­ტერ­ნა­ტი­ვა აქვს, რომ ვა­ჰა­ბი­ტებს არ მი­ე­კედ­ლოს? ხან 100 დო­ლარს მის­ცე­მენ, ხან 200-ს და დამ­თავ­რე­ბუ­ლია საქ­მე. 90% პან­კი­სე­ლე­ბი­სა დიდ გა­ჭირ­ვე­ბა­ში ცხოვ­რობს, წელ­ში გა­მარ­თვის ერ­თა­დერ­თი გზა აქ ვა­ჰა­ბიზ­მია. არ­ჩე­ვა­ნიც კი არა აქვთ აქა­ურ ახალ­გაზ­რდებს.

ჩვენ კიდე არა­ფე­რი გაგ­ვაჩ­ნია, ჩვენს სი­ტყვას ხომ ფასი და­ე­კარ­გა. ადრე უფ­რო­სის პა­ტი­ვის­ცე­მა მა­ინც იცოდ­ნენ, ახლა ვა­ჰა­ბი­ტებ­მა პირ­ვე­ლი, რაც ას­წავ­ლეს ახალ­გაზ­რდებს, ის არის, რომ უფ­რო­სი კა­ცის პა­ტი­ვის­ცე­მა სა­ჭი­რო არ არის. ფული ჩვენ არა გვაქვს და სა­ხელ­მწი­ფოს მხარ­და­ჭე­რა. აგე, ყო­ველ კვი­რას ცემა-ტყე­პა აქვთ ტრა­დი­ცი­ულ ის­ლა­მის­ტებ­სა და ვა­ჰა­ბი­ტებს, მე­ზო­ბელ სო­ფელ­ში ტრა­დი­ცი­უ­ლი ის­ლა­მის მიმ­დევ­რე­ბის სა­ლო­ცა­ვიც და­ან­გრი­ეს, სად არის სა­ქარ­თვე­ლოს ხე­ლი­სუფ­ლე­ბა, რას ფიქ­რობს?! მერე გვი­ან იქ­ნე­ბა. ეჰ, არ გიყ­ვართ ქარ­თვე­ლებს სა­კუ­თა­რი ქვე­ყა­ნა, არა...

გუ­ნე­ბა წა­მიხ­და, აღარც იუ­ბი­ლე მახ­სოვ­და, აღარც სტუმ­რე­ბის პა­ტივ­სა­ცე­მად მომ­ზა­დე­ბუ­ლი პან­კი­სუ­რი ხინ­კა­ლი. და­ღო­ნე­ბულ­მა დავ­ტო­ვე სუფ­რა და მე­ზო­ბელ სო­ფელ­ში დან­გრე­უ­ლი სა­ლო­ცა­ვის სა­ნა­ხა­ვად გა­ვე­მარ­თე. ჩემი მეგ­ზუ­რი ქის­ტი სი­ტყვა­ძუნ­წი აღ­მოჩ­ნდა. მი­თხრა, ყვე­ლა­ფე­რი ისე­ვე არ ით­ქმე­ბა, რო­გორც არ იჭ­მე­ბაო! რა უშავს, კარ­გი ხე­ლი­სუფ­ლე­ბა გვყავს, აგე, გზებს გვი­გე­ბენ, ცოტა შუქ­ზე გვაქვს პრობ­ლე­მა, ძველ და­ვა­ლი­ა­ნე­ბას არ აწე­რენ მო­სახ­ლე­ო­ბას და ვნერ­ვი­უ­ლობ­თო.

დან­გრე­ულ სა­ლო­ცავს მი­ვა­დე­ქით. თურ­მე აქ ადრე სკო­ლა ყო­ფი­ლა და ქის­ტე­ბი სა­ლო­ცა­ვად იყე­ნებ­დნენ. ახლა მე­ჩე­თის მშე­ნებ­ლო­ბაა გა­ჩა­ღე­ბუ­ლი. ვა­ჰა­ბი­ტუ­რი­აო, მიხ­სნის მეგ­ზუ­რი. რო­გორ, ტრა­დი­ცი­უ­ლი ის­ლა­მის მიმ­დევ­რებს სა­ლო­ცა­ვი და­უნ­გრი­ეს და ვა­ჰა­ბი­ტუ­რი აა­შე­ნეს-მეთ­ქი? მშე­ნე­ბა­რე მე­ჩე­თის უკან, დან­გრე­ვის პი­რას მი­სუ­ლი შე­ნო­ბა დგას.

ტრა­დი­ცი­უ­ლი ის­ლა­მის მიმ­დევ­რებს ესღა შე­მორ­ჩათ, მე­უბ­ნე­ბა მეგ­ზუ­რი. კონ­ფლიქ­ტის მერე გა­და­წყდა, ვა­ჰა­ბი­ტებ­სა და ტრა­დი­ცი­ო­ნა­ლის­ტებს ცალ-ცალ­კე აე­შე­ნე­ბი­ნათ სა­ლო­ცა­ვიო. ვა­ჰა­ბი­ტე­ბი გა­მა­ლე­ბით აშე­ნე­ბენ, ტრა­დი­ცი­ო­ნა­ლის­ტებს კი ფული არა აქვთ და დგას და­ფეხ­ვი­ლი სა­ლო­ცა­ვად წო­დე­ბუ­ლი ორო­თა­ხი­ა­ნი ქოხი. ეზო­ში აშ­კა­რად ვა­ჰა­ბი­ტი და­რა­ჯი ზის და მო­ბი­ლუ­რით არა­ბულ სიმ­ღე­რას თუ ლოც­ვას უს­მენს.

მა­მუ­კა არე­ში­ძე: - უპირ­ვე­ლე­სად იმის ცოდ­ნაა სა­ჭი­რო, რას ნიშ­ნავს ტრა­დი­ცი­უ­ლი ის­ლა­მი. ტრა­დი­ცი­ულ ის­ლამს კავ­კა­სი­ა­ში სა­უ­კუ­ნე­ე­ბის გან­მავ­ლო­ბა­ში ჩა­მო­ყა­ლი­ბე­ბულ ის­ლამს უწო­დე­ბენ, რო­მელ­თა­ნაც მჭიდ­როდ არის შე­სის­ხლხორ­ცე­ბუ­ლი კავ­კა­სი­უ­რი ადათ-წე­სე­ბი. სა­უ­კუ­ნე­ე­ბის გან­მავ­ლო­ბა­ში კავ­კა­სი­ა­ში რე­ლი­გი­ი­სა და ადათ-წე­სე­ბის უნი­კა­ლუ­რი მო­ზა­ი­კა შე­იქ­მნა და ნე­ბის­მი­ე­რი უხე­ში ჩა­რე­ვა არა მხო­ლოდ და­პი­რის­პი­რე­ბა­სა და არე­უ­ლო­ბას, არა­მედ ტრა­დი­ცი­ე­ბის ნგრე­ვა­საც იწ­ვევს.

ეს ხდე­ბა ახლა პან­კი­სის ხე­ო­ბა­ში - მი­ნი­რე­ლი­გი­უ­რი და­პი­რის­პი­რე­ბაა, მაგ­რამ კაც­მა არ იცის, რით დამ­თავ­რდე­ბა ეს და­პი­რის­პი­რე­ბა. ტრა­დი­ცი­უ­ლი ის­ლა­მის მიმ­დევ­რე­ბი ძი­რი­თა­დად ასა­კო­ვა­ნი ხალ­ხია, რო­მელ­თაც ფი­ნან­სუ­რი ან სხვა სა­შუ­ა­ლე­ბა არა აქვთ, რომ მომძლავ­რე­ბულ ვა­ჰა­ბი­ტურ წარ­მო­ნაქ­მნს წი­ნა­აღ­მდე­გო­ბა გა­უ­წი­ონ. ვა­ჰა­ბიზ­მი მი­ზან­მი­მარ­თუ­ლად მკვიდ­რდე­ბა პან­კი­სის ხე­ო­ბა­ში 1995 წლი­დან. სწო­რედ მა­შინ გა­მოჩ­ნდა ხე­ო­ბა­ში პირ­ვე­ლი არა­ბი მოლა და ხე­ლი­სუფ­ლე­ბის წაყ­რუ­ე­ბით დღეს ეს მოძ­რა­ო­ბა საკ­მა­ოდ ძლი­ერ რე­ლი­გი­ურ თე­მად ჩა­მო­ყა­ლიბ­და.

ვა­ჰა­ბი­ტე­ბი უცხო­ე­თი­დან შე­მო­სუ­ლი ფუ­ლით საზ­რდო­ო­ბენ და ად­გი­ლობ­რი­ვი ხე­ლი­სუფ­ლე­ბის მფარ­ვე­ლო­ბი­თაც სარ­გებ­ლო­ბენ. რო­გორც ჩანს, ად­გი­ლობ­რივ ხე­ლი­სუფ­ლე­ბა­ში ვი­ღა­ცამ გა­და­წყვი­ტა, რომ ხე­ო­ბის გა­სა­კონ­ტრო­ლებ­ლად რო­მე­ლი­ღაც ძა­ლას უნდა და­ეყ­რდნოს და მა­ინ­ცდა­მა­ინც ვა­ჰა­ბი­ტე­ბი შე­არ­ჩია. მათ შე­მო­სავ­ლე­ბი აქვთ არა მხო­ლოდ სა­ზღვარ­გა­რე­თი­დან, ად­გი­ლობ­რი­ვი ხე­ტყის ბიზ­ნე­სი­და­ნაც. პან­კის­ში არა მარ­ტო შიდა და­პი­რის­პი­რე­ბაა, ამა­სო­ბა­ში სა­ქარ­თვე­ლოს მო­ქა­ლა­ქე­ებ­საც ვკარ­გავთ.

პან­კი­სე­ლი ქის­ტე­ბი იყ­ვნენ ერთ-ერთი ყვე­ლა­ზე ინ­ტეგ­რი­რე­ბუ­ლე­ბი ქარ­თველ სა­ზო­გა­დო­ე­ბას­თან ქარ­თვე­ლი ებ­რა­ე­ლე­ბის შემ­დეგ. დღეს კი ახალ­გაზ­რდა მა­მა­კა­ცე­ბის დიდ­მა ნა­წილ­მა, რომ­ლე­ბიც ვა­ჰა­ბი­ტო­ბა­ზე დე­ბენ თავს, ქარ­თუ­ლიც აღარ იცი­ან ხე­ი­რი­ა­ნად. ისი­ნი მე-9-10 კლა­სე­ბი­დან უცხო­ეთ­ში მი­დი­ან, სწავ­ლას არა­ბულ ენა­ზე აგ­რძე­ლე­ბენ და გა­ნათ­ლე­ბა­მი­ღე­ბუ­ლე­ბი უკან ბრუნ­დე­ბი­ან არა მო­სახ­ლე­ო­ბის რე­ლი­გი­უ­რად გა­სა­ნათ­ლებ­ლად, არა­მედ კონ­კრე­ტუ­ლი რე­ლი­გი­ურ-პო­ლი­ტი­კუ­რი და­ვა­ლე­ბე­ბით.

- კერ­ძოდ?

- არ­სე­ბობს ფსევ­დო­მუს­ლი­მა­ნუ­რი იდე­ე­ბი, რომ­ლე­ბიც მსოფ­ლიო ხა­ლი­ფა­ტის, კავ­კა­სი­უ­რი ხა­ლი­ფა­ტის, დიდი ტუ­რა­ნის იდე­ებს მო­ი­ცავს. ისე­თი შთა­ბეჭ­დი­ლე­ბა მრჩე­ბა, რომ ორ­თო­დოქსმა ის­ლა­მის­ტებ­მა გა­ი­ნა­წი­ლეს სა­ქარ­თვე­ლოს ტე­რი­ტო­რია. პან­კი­სი არა­ბებ­მა ჩა­ი­ბა­რეს, ქვე­მო ქარ­თლი - ირა­ნე­ლებ­მა, აჭა­რა - თურ­ქებ­მა. ამას ყვე­ლა­ფერს ან ვერ ხე­დავს სა­ქარ­თვე­ლოს ხე­ლი­სუფ­ლე­ბა, ან სპე­ცი­ა­ლუ­რად უყ­რუ­ებს. იმის ნიშ­ნე­ბი, რომ ეს და­პი­რის­პი­რე­ბა შე­იძ­ლე­ბა პან­კი­სის ხე­ო­ბის ფარ­გლებს გას­ცდეს, უკვე არის.

როცა ტრა­დი­ცი­ულ­მა ის­ლა­მის­ტებ­მა, უხუ­ცეს­თა საბ­ჭომ მხარ­და­ჭე­რა ვერ მო­ი­პო­ვეს თა­ვი­ანთ რე­გი­ონ­ში, იძუ­ლე­ბუ­ლი გახ­დნენ დახ­მა­რე­ბის­თვის ჩეჩ­ნე­თის ხე­ლი­სუფ­ლე­ბის­თვის მი­ე­მარ­თათ. რა ფორ­მით, არ ვიცი, მაგ­რამ კონ­ტაქ­ტი რომ შედ­გა, ვიცი. იქი­დან შე­მო­ნათ­ვა­ლიც ცნო­ბი­ლია, კა­დი­როვს შე­მო­უთ­ვლია, თუ ად­გი­ლობ­რი­ვი ხე­ლი­სუფ­ლე­ბა ვერ გპატ­რო­ნობთ, ჩვენ მოგ­ხე­დავ­თო!

ნუ დაგ­ვა­ვი­წყდე­ბა, რომ კა­დი­რო­ვი რუ­სე­თის ხე­ლი­სუფ­ლე­ბის ყმაა. რა­ტომ უნდა მივ­ცეთ და­მა­ტე­ბი­თი კო­ზი­რი ჩვენს მო­წი­ნა­აღ­მდე­გეს, როცა პან­კი­სის ხე­ო­ბა­ზე ისე­დაც აბო­დებს.

თა­ნაც კარ­გად ვი­ცით, რა მე­თო­დე­ბით ებ­რძვის რუ­სე­თის ხე­ლი­სუფ­ლე­ბა ვა­ჰა­ბი­ტებს, მით უმე­ტეს მა­შინ, როცა აქა­უ­რი ვა­ჰა­ბი­ტე­ბიც კავ­კა­სი­უ­რი იმა­მა­ტის შექ­მნის იდე­ას უჭე­რენ მხარს. ბუ­ნებ­რი­ვია, ეს ორ­მა­გი საფრ­თხეა ქვეყ­ნი­სათ­ვის, ცალ­კე რუ­სულ აგ­რე­სი­ას ვგუ­ლის­ხმობ და ცალ­კე - რე­ლი­გი­ურ რა­დი­კა­ლიზმს...

მეც ასე მი­თხრეს. ჰუ­მა­ნი­ტა­რუ­ლი დახ­მა­რე­ბი­სა თუ სხვა პროგ­რა­მე­ბის სა­ხით პან­კი­სის ხე­ო­ბა­ში შე­სულ ფულს ად­გი­ლობ­რი­ვი ხე­ლი­სუფ­ლე­ბის ჩი­ნოვ­ნი­კე­ბი ინა­წი­ლე­ბენ, მე­ტიც, ყვე­ლა­ფერს აკე­თე­ბენ, რომ ეს არ გახ­მა­ურ­დეს.

ყვე­ლა ღო­ნეს ხმა­რო­ბენ, რომ სა­ქარ­თვე­ლოს ხე­ლი­სუფ­ლე­ბას და­უ­მა­ლონ ხე­ო­ბა­ში არ­სე­ბუ­ლი ვი­თა­რე­ბა. სა­ქარ­თვე­ლოს ხე­ლი­სუფ­ლე­ბამ არ იცო­და, რა ხდე­ბო­და ხე­ო­ბა­ში, ბევ­რმა ცოტა ხნის წინ გა­ი­გო, ბევ­რიც ახლა, სტა­ტი­ის გა­მოქ­ვეყ­ნე­ბის შემ­დეგ გა­ი­გებს. ამას წი­ნათ ჩემ­თან პატ­რი­ო­ტი მუს­ლი­მა­ნე­ბი მო­ვიდ­ნენ, ვი­საც არ ეზა­რე­ბა, ახლო აღ­მო­სავ­ლე­თი­დან იქ­ნე­ბა თუ წინა აზი­ი­დან, სა­ქარ­თვე­ლო­ში ჩა­მო­დის და აგი­ტა­ცი­ას იწყებ­სო.

სა­ქარ­თვე­ლო­ში ქუ­ვე­ი­თუ­რი ორ­გა­ნი­ზა­ცი­აც გა­მოჩ­ნდა, რო­მე­ლიც საკ­მა­ოდ ნა­ყო­ფი­ე­რად მუ­შა­ობს აფხა­ზეთ­ში. ის, რაც 2000-იანი წლე­ბის და­სა­წყის­ში აღიკ­ვე­თა, თა­ვი­დან იწყე­ბა. ასე­თი ტი­პის ორ­გა­ნი­ზა­ცი­ე­ბი კი მა­შინ იწყე­ბენ საქ­მი­ა­ნო­ბას, როცა გრძნო­ბენ, რომ ხე­ლი­სუფ­ლე­ბის კონ­ტრო­ლი შე­სუს­ტდა. ის, რომ კვი­რა­ში ერთხელ პან­კის­ში მუშ­ტი-კრი­ვია ტრა­დი­ცი­უ­ლი ის­ლა­მის მიმ­დევ­რებ­სა და ვა­ჰა­ბი­ტებს შო­რის, ეს ხომ კარ­გად იცის ად­გი­ლობ­რივ­მა ხე­ლი­სუფ­ლე­ბამ?

ისიც ხომ ფაქ­ტია, რომ ვა­ჰა­ბი­ტებ­მა სა­ლო­ცა­ვი სახ­ლი (მარ­თა­ლია, მე­ჩე­თი არა, მაგ­რამ ჯამე ხომ იყო?) და­უნ­გრი­ეს ტრა­დი­ცი­ულ ის­ლა­მის­ტებს. ისიც ხომ ფაქ­ტია, ვიდ­რე ად­გი­ლობ­რი­ვი ხე­ლი­სუფ­ლე­ბა თვალს ხუ­ჭავ­და, ვა­ჰა­ბი­ტე­ბი საქ­მეს აკე­თებ­დნენ? ან­გა­რე­ბის გარ­და, უცო­დი­ნა­რო­ბა და არაპრო­ფე­სი­ო­ნა­ლიზ­მიც არ უნდა დაგ­ვა­ვი­წყდეს. ჩვენს ხე­ლი­სუფ­ლე­ბა­ში არ მუ­შა­ობს ხალ­ხი, რო­მელ­მაც იცის, რა არის ის­ლა­მი, რა როლს თა­მა­შობს ის კავ­კა­სი­ა­ში, რა ტრა­დი­ცი­ებ­თან არის და­კავ­ში­რე­ბუ­ლი და რა ხდე­ბა ჩვე­ნი ქვეყ­ნის გარ­შე­მო ის­ლა­მურ სამ­ყა­რო­ში.

P.S. გულ­ნატ­კე­ნი დავ­ბრუნ­დი პან­კი­სის ხე­ო­ბი­დან. რა­ტომ­ღაც ჩე­ჩე­ნი მუ­სას "მე რა მამ­ღე­რებს" ამეკ­ვი­ა­ტა და ჩემ­და უნე­ბუ­რად შა­კი­რას, ტოტო კუ­ტუ­ნი­ო­სა და "ბო­ნი­ე­მის" კონ­ცერ­ტე­ბი გა­მახ­სენ­და. მარ­თლაც, რა გვამ­ღე­რებს?! რა ვიცი, აბა, რა გი­თხრათ!

ჰე­რაკ­ლი­ტე ეფე­სო­ე­ლი

ყო­ველკ­ვი­რე­უ­ლი გა­ზე­თი "კვი­რის პა­ლიტ­რა"

(გა­მო­დის ორ­შა­ბა­თო­ბით)

გა­ა­კე­თეთ კო­მენ­ტა­რი "კვი­რის პა­ლიტ­რის" სა­იტ­ზე