15
ივლისიდღის ზოგადი ასტროლოგიური პროგნოზი
რუსმა ბიზნესმენმა ვიქტორ ვეკსელბერგმა სააუქციონო სახლ Christie's-ის წინააღმდეგ სასამართლოში სარჩელი შეიტანა. ბიზნესმენი სააუქციონო სახლს ყალბი ნამუშევრებით ვაჭრობაში ადანაშაულებს. ამის შესახებ The Daily Telegraph-ი იტყობინება.
გამომცემლობის მონაცემებით, ვეკსელბერგმა სარჩელი ლონდონის უზენაეს სასამართლოში შეიტანა და განაცხადა, რომ ბორის კუსტოდიევის ტილო "ოდალისკა", რომელიც მან 2005 წელს 2,5 მლნ დოლარად შეიძინა, ყალბი აღმოჩნდა.
ვეკსელბერგის კუთვნილი კომპანია Aurora Fine Arts Investment (AFAI) სააუქციონო სახლისგან ფულის უკან დაბრუნებასა და კომპენსაციის გადახდას ითხოვს. კომპანიის მონაცემებით, ნახატი უცნობი მხატვრის დახატულია.
AFAI აცხადებს, რომ ჯერ კიდევ 2006 წელს Christie's-ს გარიგების გაუქმების თხოვნით მიმართა, მაგრამ სააუქციონო სახლმა განაცხადა, რომ დამოუკიდებლად უნდა გამოეძია ინციდენტი. შედეგად ვეკსელბერგის კომპანიამ 2009 წელს ნახატი სააუქციონო სახლს გაუგზავნა, თუმცა Christie's-ისგან პასუხი დღემდე არ მიუღია.
ვიქტორ ვეკსელბერგი, ჟურნალ Forbes-ის ვერსიით, რუსეთის უმდიდრესი ადმიანების სიაშია. ჟურნალმა ვექსელბერგის ქონება 2010 წელს 6,4 მლრდ დოლარად შეაფასა.
მომზადებულია lenta.ru-ს მიხედვით.
