მნიშვნელოვანი ინფორმაცია
30
მაისიდღის ზოგადი ასტროლოგიური პროგნოზი
30 მაისი, პარასკევი, მთვარის მეოთხე დღე დაიწყება 07:23-ზე, მთვარე ლომში გადაბრძანდება 23:58-ზე – ნუ აჰყვებით პროვოკაციებს, მოერიდეთ კამათსა და კონფლიქტს. კარგია ახალი ინფორმაციის შეგროვება და დამუშავება. წარმოების გაზრდა. არ არის შესაფერისი დღე მოგზაურობის დასაწყებად ან მივლინებაში წასასვლელად. დღის ენერგიამ შეიძლება გამოიწვიოს გაურკვევლობა, ადამიანებში იმატებს კომპრომისზე წასვლის უუნარობა. ასევე, არ არის მიზანშეწონილი რომანტიკული პაემანი. კარგია ოთახების მოლამაზება. ინტერიერის განახლება. აგრეთვე სადილის მომზადება და ცხობა. საუკეთესოა თმის შეჭრა და შეღებვა. გაიკეთეთ თმისა და სახის ნიღაბი. მოუფრთხილდით გულს, სისხლის მიმოქცევის სისტემას, არტერიებს, ზურგს, დიაფრაგმას.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ვერდის ფესტივალს საქართველოში თბილისის ოპერა და „ბლექ სი არენა“ უმასპინძლებენ!..
14:53 / 05-07-2019
5 ივლისს, თბილისის ოპერისა და ბალეტის სახელმწიფო თეატრის სარკეებიან დარბაზში, გაიმართა პრესკონფერენცია ვერდის ფესტივალის საქართველოში ჩატარებასთან დაკავშირებით.
პრესკონფერენციას დაესწრნენ თბილისის ოპერისა და ბალეტის სახელმწიფო თეატრის სამხატვრო ხელმძღვანელი და დირექტორის მოვალეობის შემსრულებელი ბადრი მაისურაძე, ოპერის მომღერალი, თბილისის ოპერისა და ბალეტის სახელმწიფო თეატრის სამხატვრო ხელმძღვანელის მოადგილე გიორგი ანდღულაძე და “ბლექ სი არენას” დირექტორი ტატო ხარჩილავა.
უდიდესი იტალიელი კომპოზიტორის - ჯუზეპე ვერდის სახელობის ფესტივალი, რომელიც ქალაქ პარმასა და ბუსეტოში ყოველწლიურად ტარდება, მილიონობით მელომანს იზიდავს მსოფლიოს სხვადასხვა ქვეყნიდან. წელს კი პირველად ვერდის ფესტივალი სცდება იტალიის საზღვრებს და ჩატარდება საქართველოში. ეს უპრეცედენტო მოვლენაა.
2018 წლის 23 აგვისტოს, ვერდის ფესტივალსა და თბილისის ოპერისა და ბალეტის სახელმწიფო თეატრს შორის 3-წლიანი ურთიერთ თანამშრომლობის მემორანდუმი გაფორმდა. მემორანდუმის თანახმად, თეატრს ვერდის ფესტივალის ჩატარების ექსკლუზიური უფლება მიენიჭა. ინიციატივას, რომელიც ორ ქვეყანას შორის მჭიდრო კულტურულ ურთიერთ თანამშრომლობას ითვალისწინებს, მხარს უჭერს იტალიის სენატი და მთავრობა. ფესტივალი ტარდება Check in Georgia-ს ფარგლებში.
16 აგვისტოს - "ბალ-მასკარადის" პრემიერა გაიმართება თბილისის ოპერის თეატრში. ეს არის ტეატრო რეჯიო დი პარმას დადგმა.
23 აგვისტოს - არენა დი ვერონას "აიდა" ბლექ სი არენას სცენაზე შესრულდება. გარდა იმისა რომ არენა დი ვერონას სპექტაკლი პირველად ჩამოდის საქართველოში, ბლექ სი არენაზეპირველად დაიდგმება საოპერო სპექტაკლი.
25 აგვისტოს კი ბლექ სი არენაზე მსოფლიო საოპერო ვარსკვლავები გალაკონცერტს გამართავენ.
როგორც პრესკონფერენციაზე „ბლექ სი არენას“ დირექტორმა, ტატო ხარჩილავამ აღნიშნა: „ბლექ სი არენასთვის“ ეს არის უდიდესი გამოწვევა და პასუხისმგებლობა. პირველად, მრავალწლიანი არსებობის ისტორიაში, ვერდის პრესტიჟული ფესტივალი ტოვებს იტალიას და გადმოინაცვლებს საქართველოში. ჩვენთვის უდიდესი პატივია, რომ სამიდან ორი ღონისძიება სწორედ ჩვენს არენაზე გაიმართება. მზად ვართ იმ ტექნიკური სამუშაოებისთვის, რომლებიც წინ უძღვის ამ შესანიშნავ სანახაობას, ჯერ „აიდას“, შემდეგ კი მსოფლიო საოპერო ვარსკვლავების გალაკონცერტების სახით“.
მედიასთან შეხვედრისას ბადრი მაისურაძემ აღნიშნა, რომ საქართველოსთვის ამ უმნიშვნელოვანესი მოვლენისთვის განსაკუთრებული მზადება მიმდინარეობს: „მაღალფარდოვან სიტყვებს ვერ ავცდებით, რადგან ეს განსაკუთრებული დღეა. ვერდის ფესტივალის საქართველოში ჩატარების შესახებ ვაკეთებთ განცხადებას. არ მოვერიდები სიტყვა უპრეცედენტოს გამოყენებას, რადგან ეს მართლაც ასეა. ვერდის საერთაშორისო ფესტივალის ჩატარების უფლება თბილისის ოპერისა და ბალეტის თეატრს გადმოეცა“.
გიორგი ანდღულაძის თქმით, ჯერ თბილისის ოპერის, შემდეგ კი „ბლექ სია რენას“ სცენას იტალიიდან და არა მხოლოდ, უამრავი მსოფლიო დონის შესმრულებელი დაიკავებს და საქართველოში ჩამოვლენ არა მხოლოდ ოპერის მომღერლები, არამედ რეჟისორები, ტექნიკური ჯგუფი და ა.შ.
ფესტივალის პარტნიორია ევროპის უდიდესი კერძო მედიაკომპანია Mediaset S.p.A (მფლობელი იტალიის ყოფილი პრემიერ-მინისტრი სილვიო ბერლუსკონი), რომელიც ევროპის თხუთმეტ ქვეყანაში მაუწყებლობს. მრავალი პრიზის მფლობელი გადამღები ჯგუფი საქართველოში ჩამოვა სრული ტექნიკური აღჭურვილობით და უზრუნველყობს ფესტივალისა დაქვეყნის გაშუქებას უმაღლესი სტანდარტების შესაბამისად. Mediaset-ი გააშუქებს არა მხოლოდ ფესტივალს, არამედ საქართველოს კულტურულ მემკვიდრეობას, როგორც ისტორიულ ძეგლებს, ასევე არამატერიალური მემკვიდრეობის შედევრებს, რათა მაქსიმალურად წარმოჩინდეს ჩვენი ქვეყნის უნიკალური ტურისტული პოტენციალი.
პროექტი, რომლის მიზანია საქართველოს კულტურის რეგიონულ ცენტრად ჩამოყალიბება, ხელს შეუწყობს საქართველოს, როგორც ტურისტული მიმართულების პოპულარიზაციას მსოფლიოში, კლასიკური მუსიკის მოყვარულებს და არა მხოლოდ მათ, მისცემს შესაძლებლობას, იხილონ მსოფლიოს წამყვანი თეატრების მაღალი ხარისხის პროდუქცია.
აღსანიშნავია, რომ ბილეთები, რომლებიც tkt.ge-სა და biletebi.ge-ზე გაიყიდება, უპრეცედენტოდ დაბალი ფასისაა და იწყება 20 ლარიდან.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
