ბოლო თვეა ჰა­ე­რის ტემ­პე­რა­ტუ­რამ საგ­რძნობ­ლად მო­ი­მა­ტა, რაც არა­ერთ სფე­როს პრობ­ლე­მას უქ­მნის, მათ შო­რის, ტექ­ნი­კას. მა­გა­ლი­თად, მა­ცივ­რის ხე­ლოს­ნე­ბი ამ­ბო­ბენ, რომ ამ პე­რი­ოდ­ში, სხვა­დას­ხვა მი­ზე­ზით, უამ­რა­ვი კლი­ენ­ტი აკი­თხავთ, რომ მა­ცი­ვა­რი ისე რო­გორც ახლა, წე­ლი­წა­დის არც ერთ დროს არ უფუჭ­დე­ბათ. მა­ცი­ვა­რი მწყობ­რი­დან გა­მო­დის რო­გორც სახ­ლში, ოთა­ხის პი­რო­ბებ­ში, ასე­ვე მა­ღა­ზი­ებ­ში, გან­სა­კუთ­რე­ბით, სა­ნა­ყი­ნე მა­ცივ­რე­ბი, რომ­ლე­ბიც ქუ­ჩა­შია გა­მო­ტა­ნი­ლი...

პავ­ლე გვე­ლე­სი­ა­ნი, მა­ცივ­რის ხე­ლო­სა­ნი:

- სი­ცხე­ში ოთა­ხის ტემ­პე­რა­ტუ­რა +32 გრა­დუსს არ უნდა აღე­მა­ტე­ბო­დეს. რო­დე­საც +32 გრა­დუსს მი­უ­ახ­ლოვ­დე­ბა, ასეთ დროს, აუ­ცი­ლე­ბე­ლი რე­კო­მენ­და­ცი­აა, მა­ცი­ვა­რი გა­მო­ირ­თოს, რად­გა­ნაც ოთა­ხის პი­რო­ბებ­ში ხში­რად ფუჭ­დე­ბა. ძრა­ვა რო­გორც კი ხურ­დე­ბა, მწყობ­რი­დან გა­მო­დის. ამას­თან, მა­ცი­ვარს ოთა­ხის ტემ­პე­რა­ტუ­რა ხომ თა­ვის­თა­ვად ახუ­რებს, რა­საც ძრა­ვის გა­ცხე­ლე­ბა ემა­ტე­ბა. გაგ­რი­ლე­ბას ვერ ას­წრებს და ყვე­ლა­ფე­რი ფუჭ­დე­ბა.

დე­ტა­ლე­ბი სიმ­ხურ­ვა­ლის­გან ფარ­თოვ­დე­ბა, ცვე­თა მა­ტუ­ლობს, ფრე­ო­ნის წნე­ვა იზ­რდე­ბა და ძრა­ვა დიდი დატ­ვირ­თვით მუ­შა­ო­ბს. მა­ღა­ლი ტემ­პე­რა­ტუ­რა ფრე­ო­ნის წნე­ვა­ზე აი­სა­ხე­ბა, რა­ზეც ჩვე­ნი მა­ცივ­რის ძრა­ვე­ბი არ არის გათ­ვლი­ლი. თუმ­ცა, არ­სე­ბობს მა­ცივ­რე­ბი, ძლი­ე­რი ძრა­ვე­ბით, რომ­ლე­ბიც სამ­ხრეთ ქვეყ­ნე­ბის­თვი­საა გათ­ვლი­ლი და შე­იძ­ლე­ბა +37 გრა­დუს­ზეც გაძ­ლონ. ისი­ნი უფრო ძვი­რია და მეტი წარ­მა­დო­ბი­საა.

ასევე დაგაინტერესებთ

14:00 / 04-03-2019

რა საფრთხეს გვიქმნის ძველი ტელევიზორი, მაცივარი, და სხვა გამოუყენებელი ტექნიკა სახლში?

ჩვე­ნი მა­ცივ­რე­ბი ჩრდი­ლო­ე­თის ქვეყ­ნე­ბის­თვი­საა. აქ ძვი­რი სა­ქო­ნე­ლი არ შე­მო­აქვთ, ამას ყუ­რა­დღე­ბას არა­ვინ აქ­ცევს, რად­გან ეს სტან­დარ­ტე­ბი სა­ქარ­თვე­ლო­ში არ მუ­შა­ობს. არა­და, ბოლო დროს ჩვენს ქვე­ყა­ნა­ში ზა­ფხუ­ლო­ბით სე­რი­ო­ზუ­ლი სი­ცხე­ე­ბი და­ი­წყო, რაც გლო­ბა­ლურ დათ­ბო­ბას უკავ­შირ­დე­ბა და მგო­ნი, სა­ქარ­თვე­ლო ნელ-ნელა უდაბ­ნოს ჰა­ვის ქვე­ყა­ნა ხდე­ბა...

- კონ­დი­ცი­ო­ნე­რით გაგ­რი­ლე­ბულ ოთახ­ში არ­სე­ბუ­ლი მა­ცი­ვა­რი საფრ­თხის­გან და­ცუ­ლია?

- იქ, სა­დაც ოთა­ხის გაგ­რი­ლე­ბას კონ­დი­ცი­ო­ნე­რით ახერ­ხე­ბენ, მა­ცი­ვა­რი არ ფუჭ­დე­ბა, ამ სი­ცხე­ში ეგ თუ უშ­ვე­ლის და და­ეხ­მა­რე­ბა იმა­ში, რომ ჰა­ე­რის ტემ­პე­რა­ტუ­რა დაბ­ლა დას­წი­ოს.

- ე.წ. "ვინ­ტი­ლა­ტო­რი" ტემ­პე­რა­ტუ­რას ვერ და­ა­რე­გუ­ლი­რებს?

- შვე­ლის, მაგ­რამ ის მა­ინც იმა­ვე ოთა­ხის ტემ­პე­რა­ტუ­რას უბე­რავს, მაგ­რამ "ვინ­ტი­ლა­ტო­რი" გარ­კვე­ულ გავ­ლე­ნას მა­ინც ახ­დენს - ოთა­ხი გრილ­დე­ბა. სულ არა­ფერს ჯო­ბია, მაგ­რამ უკე­თე­სია, კონ­დი­ცი­ო­ნე­რი ჩა­ირ­თოს. ამა­ზე ელექ­ტო­რო­ე­ნერ­გი­ის და­ზოგ­ვა არ შე­იძ­ლე­ბა, წი­ნა­აღ­მდეგ შემ­თხვე­ვა­ში, დიდ ზა­რალ­ში აღ­მოჩ­ნდე­ბი­ან.

- ხში­რად ნა­ყი­ნის მა­ცივ­რე­ბი მა­ღა­ზი­ებს გა­რეთ აქვთ გა­მო­ტა­ნი­ლი. ვი­საც იმის სა­შუ­ა­ლე­ბა არ აქვს, მა­ცი­ვა­რი მა­ღა­ზი­ა­ში შე­ი­ტა­ნოს, უად­გი­ლო­ბის გამო იძუ­ლე­ბუ­ლია, გა­რეთ და­ტო­ვოს, +41 გრა­დუს­ში რო­გორ უნდა მო­იქ­ცეს?

- ასე­თი მა­ცივ­რე­ბის­თვის +41 გრა­დუ­სი უფრო სა­სურ­ვე­ლი ტემ­პე­რა­ტუ­რაა, ვიდ­რე სახ­ლში +32 გრა­დუ­სი, რად­გა­ნაც გა­რეთ ნი­ა­ვი მა­ინც ხვდე­ბა და ცო­ტა­თი აგ­რი­ლებს. ფაქ­ტია, რომ ისი­ნი მზის გულ­ზე არ უნდა იდ­გეს, მზის სხი­ვე­ბი არ უნდა ხვდე­ბო­დეს. ისე­თი მო­წყო­ბი­ლო­ბა, რო­გო­რიც კონ­დენ­სა­ტო­რია, სა­ი­და­ნაც ფრე­ო­ნის კონ­დენ­სა­ცია ხდე­ბა, რომ არ და­ზი­ან­დეს, ამის­თვის ყვე­ლა­ფე­რი უნდა გა­ა­კე­თონ. ამი­ტომ, გაგ­რი­ლე­ბა აუ­ცი­ლე­ბე­ლია. სა­ერ­თოდ, ფრე­ო­ნი თა­ვი­დან 85 გრა­დუს­ზე მაღ­ლა უნდა გა­ცხელ­დეს, მერე აუ­ცი­ლებ­ლად 53 გრა­დუ­სამ­დე გაგ­რილ­დეს, რომ ისევ თხე­ვა­დად გარ­და­იქ­მნას. თუ ამას გარე ტემ­პე­რა­ტუ­რის გამო ვერ ახერ­ხებს, გა­მო­დის, შიგ­ნით ცხე­ლი ჰა­ე­რის ნა­კა­დი შე­დის, რის გა­მოც ფრე­ო­ნი "დარ­ბის", ეს კი იმას ნიშ­ნავს, რომ მა­ცი­ვა­რი კი არ აცი­ვებს, პი­რი­ქით, თა­ვის თავს აცხე­ლებს. აქე­დან გა­მომ­დი­ნა­რე, აგ­რე­გა­ტი უნდა გა­ი­თი­შოს.

არის კი­დევ ერთი მო­მენ­ტი - ხალ­ხს ჰგო­ნია, გა­უ­საძ­ლი­სი სი­ცხის დროს, მა­ცი­ვარს სპე­ცი­ა­ლუ­რი ნიშ­ნუ­ლე­ბი მაქ­სი­მა­ლურ­ზე ას­წი­ონ, მა­გა­ლი­თად, 5-6-7-ზე. მეტი რი­ცხვე­ბი არ აქვს, თო­რემ უფრო მეტ­ზეც ას­წევ­დნენ. ეს რი­ცხვე­ბი მა­ცი­ვარს სიჩ­ქა­რეს არ მა­ტებს. პი­რი­ქით, ასეთ დროს და­ბალ რი­ცხვებ­ზე უნდა და­ვა­ყე­ნოთ, რომ ძრა­ვამ მი­ნი­მა­ლურ ზღვარს მა­ინც მი­აღ­წი­ოს. მოკ­ლედ, ციფ­რე­ბი ტემ­პე­რა­ტუ­რას არ ნიშ­ნავს, ის მისი პო­ზი­ცი­აა. პირ­ვე­ლი პო­ზი­ცია, უფრო ცივს ნიშ­ნავს, ვიდ­რე მა­ღა­ლი ნიშ­ნუ­ლე­ბი. მთა­ვა­რია, ერთ სა­ათ­ში ძრა­ვამ ერთხელ მა­ინც მო­ა­ხერ­ხოს გა­თიშ­ვა, რომ გაგ­რილ­დეს. შიდა დე­ტა­ლე­ბი არ უნდა გა­და­ხურ­დეს. თუ არა­და, ასეთ დროს ბევ­რი ცუდი რამ ხდე­ბა. თერ­მოს­ტა­ტიც არ გა­ი­თი­შე­ბა და ძრა­ვა გა­ჩერ­დე­ბა.

- რა რე­კო­მენ­და­ცია შე­გიძ­ლი­ათ იმ მა­ცივ­რე­ბის­თვის გას­ცეთ, ვი­საც ქუ­ჩა­ში უდ­გათ ისი­ნი. რო­გორ უნდა მო­იქ­ცნენ?

- თუ სა­შუ­ა­ლე­ბა არ აქვთ, მა­ღა­ზი­ა­ში შე­ი­ტა­ნონ, გა­რეთ ჩრდი­ლი მო­უ­წყონ, სპე­ცი­ა­ლუ­რი ქოლ­გე­ბის ქვეშ მო­აქ­ცი­ონ. ისე, მა­ღა­ზი­ებ­ში როცა მჭიდ­როდ დგას მა­ცივ­რე­ბი, თა­ვი­სი სიმ­ხურ­ვა­ლით ერთი მე­ო­რეს უფრო ახ­შობს. ქუ­ჩა­ში ასე მჭიდ­როდ რომ და­ა­წყონ, ერ­თმა­ნეთს ხელს არ შე­უშ­ლი­ან - რო­დე­საც კონ­დენ­სა­ტო­რი ცხელ­დე­ბა, ტემ­პე­რა­ტუ­რა მაღ­ლა ადის და ეს შვე­ლის, შე­ნო­ბა­ში სი­ცხე ზე­ვით ვერ "გარ­ბის", ის არ­სე­ბულ სივ­რცეს ავ­სებს და მა­ცი­ვა­რი იხ­რჩო­ბა.

ზა­ფხულ­ში სე­რი­ო­ზუ­ლი პრობ­ლე­მე­ბი რომ არ შე­გიქ­მნათ, სპე­ცი­ა­ლის­ტის რჩე­ვე­ბი უნდა გა­ით­ვა­ლის­წი­ნოთ ასე­ვე კონ­დინ­ცი­ო­ნე­რებ­თან და­კავ­ში­რე­ბი­თაც. არ­სე­ბობს დე­ტა­ლე­ბი, რო­მე­ლიც კონ­დინ­ცი­ო­რის შე­ძე­ნი­სას უნდა იცო­დეთ, რათა იგი ჩვენს სა­ცხოვ­რე­ბელ ფარ­თზე სწო­რად და კომ­ფორ­ტუ­ლად იყოს მორ­გე­ბუ­ლი. რა კრი­ტე­რი­უ­მე­ბი უნდა გა­ვით­ვა­ლის­წი­ნოთ, რომ კონ­დი­ცი­ო­ნე­რი კარ­გა­დაც აგ­რი­ლებ­დეს სახ­ლს და ეკო­ნო­მუ­რიც იყოს, ამ და სხვა კი­თხვებ­ზე კონ­დი­ცი­ო­ნე­რე­ბის სპე­ცი­ა­ლის­ტი პა­ა­ტა გუ­ლი­საშ­ვი­ლი გვი­პა­სუ­ხებს.

- სა­ქარ­თვე­ლო­ში სა­ცხოვ­რე­ბელ ბი­ნებ­სა და ოფი­სებ­ში ძი­რი­თა­დად ე.წ. სპლი­ტის ტი­პის კონ­დი­ცი­ო­ნე­რებს აყე­ნე­ბენ. "სპლიტს" ყვე­ლა­ზე ხში­რად ყი­დუ­ლო­ბენ, მას ჰა­ე­რი გა­რე­დან არ შე­მო­აქვს, ის აგ­რი­ლებს და ფილტრავს ოთახ­ში არ­სე­ბულ ჰა­ერს. კონ­დი­ცი­ო­ნე­რე­ბი არის ჩვე­უ­ლებ­რი­ვი და ინ­ვენ­ტო­რუ­ლი. ჩვე­უ­ლებ­რივ კონ­დენ­ცი­ო­ნერს ზამ­თარ­ში მი­ნუს სამ გრა­დუს­ზე ზე­მოთ უჭირს მუ­შა­ო­ბა, გან­სა­კუთ­რე­ბით ნეს­ტი­ან ამინ­დში. ხოლო ინ­ვენ­ტო­რუ­ლი მუ­შა­ობს მი­ნუს 15 გრა­დუ­სამ­დე, დენს კი გა­ცი­ლე­ბით ნაკ­ლებს მო­იხ­მარს, თუმ­ცა ჩვე­უ­ლებ­რივ­ზე ძვი­რი ღირს. არის ე.წ. მონო ტი­პის კონ­დი­ცი­ო­ნე­რე­ბი, რომ­ლებ­საც ჰა­ე­რი გა­რე­დან შე­მო­აქვთ და ისი­ნი პირ­და­პირ ფან­ჯა­რა­ზე ყენ­დე­ბა, მას მონ­ტა­ჟის თა­ვი­სე­ბუ­რე­ბე­ბის გამო იშ­ვი­ა­თად ყი­დუ­ლო­ბენ. და­ნარ­ჩე­ნი ტი­პის კონ­დი­ცი­ო­ნე­რებს ამონ­ტა­ჟე­ბენ დიდ ოფი­სებ­ში, სა­ვაჭ­რო ცენ­ტრებ­სა და და­წე­სე­ბუ­ლე­ბებ­ში.

- რო­მე­ლი რა ფარ­თო­ბი­ვის­თვის არის გათ­ვლი­ლი?

- "სპლი­ტის" სის­ტე­მის კონ­დი­ცი­ო­ნე­რე­ბი გათ­ვლი­ლია ოთა­ხის სხვა­დას­ხვა ფარ­თობ­ზე, უფრო სწო­რად, მო­ცუ­ლო­ბა­ზე. "სპლი­ტე­ბი" არის შვი­დი­ა­ნი, ცხრი­ა­ნი, თორ­მე­ტი­ა­ნი, თვრა­მე­ტი­ა­ნი, ოც­და­ო­თხი­ა­ნი, ოც­და­თექ­ვსმე­ტი­ა­ნი. მა­გა­ლი­თად, შვი­დი­ა­ნი მონ­ტაჟ­დე­ბა 21 კვად­რა­ტუ­ლი მეტ­რის მო­ცუ­ლო­ბის ოთახ­ში, ცხრი­ა­ნი - 27 კვად­რა­ტუ­ლი მეტ­რის, თორ­მე­ტი­ა­ნი - 36 კვად­რა­ტუ­ლი მეტ­რის, თვრა­მე­ტი­ა­ნი - 54 კვად­რა­ტუ­ლი მეტ­რის, ოც­და­ო­თხი­ა­ნი - 72 კვად­რა­ტუ­ლი მეტ­რის და ოც­და­თექ­ვსმე­ტი­ა­ნი - 108 კვად­რა­ტუ­ლი მეტ­რის ოთახ­ში.

- რო­გორ და რის მი­ხედ­ვით უნდა შე­არ­ჩი­ოს მყიდ­ველ­მა კონ­დი­ცი­ო­ნე­რი? რა აუ­ცი­ლე­ბე­ლი კრი­ტე­რი­უ­მე­ბია გა­სათ­ვა­ლის­წი­ნე­ბე­ლი, რომ ხა­რის­ხი­ა­ნი კონ­დი­ცი­ო­ნე­რი შე­ი­ძი­ნოს?

- სა­ერ­თოდ, უმ­ჯო­ბე­სია მი­მარ­თოთ სპე­ცი­ლა­ისტს. მნიშ­ვნე­ლო­ბა აქვს ოთა­ხის ფარ­თობს, ჭე­რის სი­მაღ­ლეს, რო­მელ მხა­რეს მონ­ტაჟ­დე­ბა გარე აგ­რე­გა­ტი, ანუ მზი­ა­ნია თუ არა ოთა­ხი. თუ ადა­მი­ანს კონ­დი­ცი­ო­ნე­რი მხო­ლოდ გა­საგ­რი­ლებ­ლად სჭირ­დე­ბა, შე­უძ­ლია შე­ი­ძი­ნოს ჩვე­უ­ლებ­რი­ვი, ხოლო თუ მას ზამ­თარ­ში გა­სათ­ბო­ბა­დაც გა­მო­ი­ყე­ნებს, ვურ­ჩევ შე­ი­ძი­ნონ ინ­ვენ­ტო­რუ­ლი.

- კონ­დი­ცი­ო­ნე­რის შე­ძე­ნი­სას ერთ-ერთი მნიშ­ვნე­ლო­ვა­ნი ფაქ­ტო­რი ეკო­ნო­მი­უ­რო­ბაა. რო­გორ უნდა შე­ვარ­ჩი­ოთ ეკო­ნო­მი­უ­რი კონ­დინ­ცი­ო­ნე­რი?

- ზოგს მი­აჩ­ნია, რომ თუ შე­ი­ძენს მცი­რე ზო­მის კონ­დი­ცი­ო­ნერს, ამით ეკო­ნო­მი­ას გა­ა­კე­თებს. ეს შეც­დო­მაა. ზო­მებ­ზე უკვე ვი­სა­უბ­რეთ. ყვე­ლა­ზე ეკო­ნო­მი­უ­რი კი ინ­ვენ­ტო­რუ­ლი კონ­დი­ცი­ო­ნე­რია.

- ფილტრებ­ზე, მუ­შა­ო­ბის რე­ჟი­მებ­ზე რას გვე­ტყვით?

- ყვე­ლა ადა­მი­ანს შე­უძ­ლია ფილტრე­ბი თა­ვად გაწ­მინ­დოს. რო­დე­საც კონ­დი­ცი­ო­ნერს ვა­მონ­ტა­ჟებ, ყო­ველ­თვის ვას­წავ­ლი ამას მომ­ხმა­რე­ბელს. ოთახ­ში, რო­მელ­შიც კონ­დი­ცი­ო­ნე­რი აყე­ნია, სი­გა­რე­ტის მო­წე­ვა არ შე­იძ­ლე­ბა. სა­ერ­თოდ, ფილტრე­ბი ორ თვე­ში ერთხელ უნდა გა­იწ­მინ­დოს. რაც შე­ე­ხე­ბა ტემ­პე­რა­ტუ­რულ რე­ჟიმს, სა­სურ­ვე­ლია და­ვა­ყე­ნოთ 20-დან 24 გრა­დუ­სამ­დე ტემ­პე­რა­ტუ­რა. უბ­რა­ლოდ, ზამ­თრის და ზა­ფხუ­ლის რე­ჟიმ­ზე სე­ზო­ნის მი­ხედ­ვით უნდა გა­და­ვიყ­ვა­ნოთ. ისიც უკე­თე­სია, თუ სულ ჩარ­თუ­ლი იქ­ნე­ბა, ხში­რი ჩარ­თვა-გა­მორ­თვი­სას ეფექ­ტი იკარ­გე­ბა.

იმ შემ­თხვე­ვა­ში თუ ის გა­მუდ­მე­ბით მუ­შა­ობს, სა­სურ­ვე­ლია ფილტრი თვე­ში ერთხელ მა­ინც გა­ვა­სუფ­თა­ოთ. ინ­ტერ­ნეტ­ში უამ­რა­ვი ვი­დე­ო­გაკ­ვე­თი­ლია, რომ­ლი­და­ნაც შე­იძ­ლე­ბა გა­ი­გოთ კონ­დი­ცი­ო­ნე­რის გა­სუფ­თა­ვე­ბის ძი­რი­თა­დი ხერ­ხე­ბი, მაგ­რამ მას პრო­ფე­სი­ო­ნა­ლუ­რი შე­მოწ­მე­ბა წე­ლი­წად­ში ერთხელ, ეფექ­ტუ­რო­ბის ამაღ­ლე­ბის მიზ­ნით მა­ინც ესა­ჭი­რო­ე­ბა.

გარ­და ამი­სა, მზე თქვე­ნი კონ­დი­ცი­ო­ნე­რის მტე­რია. ეცა­დეთ დღის გან­მავ­ლო­ბა­ში ოთახ­ში ყო­ველ­თვის ჩა­მო­ფა­რე­ბუ­ლი იყოს ფარ­დე­ბი, რათა მზის სხი­ვებ­მა ვერ შე­მო­აღ­წი­ოს.

- რო­გორ ხდე­ბა კონ­დინ­ცი­ო­ნე­რის სწო­რად მონ­ტა­ჟი? სად უფრო კარ­გია მისი და­მონ­ტა­ჟე­ბა?

- ამას ასე გა­დაჭ­რით ვერ ვი­ტყვით. მონ­ტა­ჟის ად­გი­ლი სპე­ცი­ა­ლის­ტთან ერ­თად უნდა შე­არ­ჩი­ოთ. ხე­ლო­სა­ნი ისეთ ად­გი­ლას ვერ და­ა­მონ­ტა­ჟებს კონ­დი­ცი­ო­ნერს, სა­დაც ეს მის­თვის სა­ხი­ფა­თო იქ­ნე­ბა, ანუ ზო­გან შე­იძ­ლე­ბა ვერც მის­წვდეთ.

- რო­გორ უნდა მო­ვუ­ა­როთ კონ­დონ­ცი­ო­ნერს, რომ დიდ­ხანს გაძ­ლოს?

- პე­რი­ო­დუ­ლად უნდა გავ­წმინ­დოთ ფილტრე­ბი და რაც მთა­ვა­რია, ტემ­პე­რა­ტუ­რა სწო­რად შე­ვარ­ჩი­ოთ, ხში­რად არ ჩავ­რთოთ და არ გა­მოვ­რთოთ კონ­დი­ცი­ო­ნე­რი.

ავ­ტო­რე­ბი:

ლალი ფა­ცია

მერი ბლი­ა­ძე