8
ივნისიდღის ზოგადი ასტროლოგიური პროგნოზი
4 ივლისს ვატიკანში რომის პაპი ფრანცისკე რუსეთის პრეზიდენტს ვლადიმერ პუტინს შეხვდება. ამის შესახებ ვატიკანის პრესსპიკერმა ალესანდრო ჯიზოტიმ განაცხადა. ინფორმაცია კრემლშიც დაადასტურეს, თუმცა რუსეთის პრეზიდენტის ადმინისტრაცია ვიზიტის სხვა დეტალებს არ აკონკრეტებს.
პუტინის რომის პაპთან ვიზიტს სირიის მოსახლეობა გამოეხმაურა. სირიელები პაპს პუტინთან გზავნილს აბარებენ, რათა სირიის ომში რუსეთის მონაწილეობის შესახებ რეალობა უთხრან, "იმ კოშმარზე, რომელშიც ახლა მილიონობით სირიელი იმყოფება..."
"ქალების, ბავშვების, ექიმების, უბრალოდ, იდლიბის პროვინციის ადგილობრივი მოსახლეობისა და ომის დროს გამოქცეული ლტოლვილების ფოტოებს პლაკატებით ხელში novayagazeta.ru ავრცელებს. "#tellPutin პაპა ფრანცისკ, ჩვენს საავადმყოფოებს ბომბავენ!", "ჩვენი სახლები დანგრეულია და წასასვლელი არსად გვაქვს!", "ნუ ხოცავენ ჩვენს შვილებს" - წერია პლაკატებზე.
გამოცემის ცნობით, იდლიბის პროვინცია ერთადერთი ადგილია, რომელიც ბაშარ ასადის კონტროლის ქვეშ არ არის. ოთხი ასეთი ზონა, რუსეთის, თურქეთის და ირანის ინიციატივით, სირიის ხელისუფლებას დაუქვემდებარეს. პროვინციას დღემდე ამბოხებულები აფარებენ თავს.
როგორც novayagazeta.ru წერს, იქ ყველა სამხედრო ოპერაცია მასობრივი საჰაერო თავდასხმებით იწყებოდა და არაერთხელ საერთაშორისო კონვენციით აკრძალული მასობრივი განადგურების იარაღი გამოიყენეს - საუბარია ქიმიურ და ე.წ. კასეტურ იარაღზე.
იანვრიდან რუსი სამხედროები მუდმივად საუბრობენ იმაზე, რომ "ისლამური სახელმწიფოსა" და "ჯაბჰატ ან ნუსრას" მმართველობა დასრულდა, თუმცა ამის კვალდაკვალ სირიაში საერთაშორისო ტერორიზმთან ბრძოლის აუცილებლობაზე საუბარს განაგრძობენ.
რუსი სამხედროების ანგარიშით, იდლიბში ტერორისტების რაოდენობა სწრაფად იზრდებოდა, თავიდან ისინი 20 000-მდე იყვნენ, შემდეგ 50 000-მდე გაიზარდა, ბოლო მონაცემებით კი - მათი რაოდენობა 70 000 -მდეა.
აპრილის ბოლოს, სირიის შეიარაღებულმა ძალებმა რუსების მხარდაჭერით იდლიბში სამხედრო ოპერაცია დაიწყეს, თუმცა რუსეთის წარმომადგენლები, დიპლომატები იქნებოდნენ თუ სამხედროები, არ პასუხობდნენ კითხვაზე, რამდენად სწორად მიმდინარეობდა ოპერაცია სამხედრო პროვინციაში, სადაც ათი ათასობით მშვიდობიანი მოქალაქე იყო დარჩენილი.
"ორგანიზაცია "სირიის ობსერვატორია ადამიანის უფლებებისთვის" ინფორმაციით, მხოლოდ ორი თვის განმავლობაში 536 ადამიანი დაიხოცა, მათ შორის 134 ბავშვი და 105 ქალი იყო. ამასთან, "სირიის ამერიკული სამედიცინო საზოგადოების" ცნობით, რომელიც ჰოსპიტალებში მონიტორინგს ახორციელებს, 1131 დაჭრილი დაფიქსირდა, მათ შორის 207 ბავშვია, 134 - ქალი," - წერს novayagazeta.ru, რომლის თქმითაც, რუსულ-სირიული ავიარიეშიები თითქმის ყოველდღიურად ხდება.
სწორედ ეს მოსახლეობა მიმართავს რომის პაპს და ცდილობენ ხმა მიაწვდინონ მას, რომ რუსეთის პოლიტიკას, რომელიც ასადის მხარდაჭერისთვის ყველაფერს აკეთებს, აღმოსავლეთ ღუტასა და ალეპოში 1500-დან 1600-მდე მშვიდობიანი ადამიანი შეეწირა.
"პუტინის განცხადებით, მან არაერთხელ ისაუბრა სირიიდან რუსი სამხედროების გამოყვანაზე, თუმცა ისინი იქ მაინც რჩებიან და დაბომბვასაც განაგრძობენ " - წერს გამოცემა.
რომის პაპს სირიელები სოციალური ქსელითაც მიმართავენ:
"მე როჯერი მქვია, სირიელი ვარ, ალეპოდან და ქრისტიანი ვარ... წლების განმავლობაში იქ სხვა რელიგიური აღმსარებლობის ადამიანებთან ერთად ვიცხოვრე... მე ჟურნალისტი ვარ და ჩემი თვალით ვუყურებ, როგორ იბომბება იდლიბის მშვიდობიანი მოსახლეობა. იდლიბის პროვინციაში დაახლოებით 3 მილიონი მშვიდობიანი მოსახლეობა ცხოვრობს, მათ შორის, ბავშვები და ყველა დაბომბვაზე, ისინი თავშესაფარს ეძებენ, რათა გადარჩნენ.. ბევრი ვერ გადარჩა. რუსეთი მთავარ როლს თამაშობს სირიაში მიმდინარე სამხედრო მოქმედებებში და მას შეუძლია, შეწყვიტოს ეს. როგორც უბრალოდ ადამიანი და ქრისტიანი, იქნებ სთხოვოთ მას, შეწყვიტოს მშვიდობიან მოსახლეობაზე იერიშის მიტანა, ნუ ცდილობს იქაურობა კონფლიქტის ცენტრად აქციოს, იქ ჩვენს შვილებს ხოცავენ..." - წერს ერთ-ერთი სირიელი.
