ვინ არის წვეულებების ორგანიზატორი, რომლის ნამუშევრებმა თბილისი აალაპარაკა - "ანუკის და კახის ქორწილის მზადება, ერთ-ერთი ყველაზე სასიამოვნო პროცესი იყო"

ცოტა ხნის წინ, მთელი თბილისი აალაპარაკა ქალაქის მერის კახი კალაძის და მისი დიზაინერი მეუღლის, ანუკი არეშიძის ქორწილმა. წყვილმა 11-წლიანი თანაცხოვრების შემდეგ ჯვარი დაიწერა და ორიგინალური წვეულება კახეთში მოაწყო. ქორწილი, რომლის დეკორაციაზეც ძალიან ბევრს საუბრობდნენ, დიზაინერ ანი პირველის ორგანიზებულია.

ქორწილების ვებ-კატალოგი Wedder.ge აღნიშნული წვეულების ორგანიზატორს ესაუბრა. როგორც ანი ამბობს, პროფესიით მარკეტოლოგია, თუმცა დღეს მისი მთავარი საქმიანობა სხვაა და საქმიანობიდან გამომდინარე, მისი ცხოვრება საკმაოდ ფერადი და მრავალფეროვანია: "მარკეტოლოგი ვარ და პროფესიით ბევრი წელი ვმუშაობდი სხვადასხვა კომპანიაში. ერთ დღეს კი, ჩემი პროფესია, ღონისძიებების ორგანიზატორობამ ჩაანაცვლა.

ანი პირველის ნამუშევრები

მხოლოდ ქორწინების ღონისძიებებზე არ ვმუშაობთ. უამრავი სხვადასხვა სპეციფიკის ღონისძიება გვაქვს გაკეთებული. ბევრი წლის წინ, ცოტა ხუმრობით და გართობის მიზნით ჩავერთეთ მე და ჩემი მეგობარი, დიზაინერი ჯაბა დიასამიძე.

16 წლის ვიყავით, როცა პარიზიდან ჩამოვიყვანეთ მეგობარი DJ და იმ დროისთვის საკმაოდ მასშტაბური და წარმატებული ღონისძიება გამოგვივიდა. შემდეგში ჯაბას ჩვენების ორგანიზებას ვაკეთებდით ერთობლივად.

სერიოზულად და პროფესიულად ამ საქმეში ჩავერთე, როდესაც ჩემა მეგობრებმა კახი ჟორდანიამ და ნანიკო კლდიაშვილმა (მაკა ასათიანის ვაჟი და რძალია) მათი ქორწილის ორგანიზებაში დახმარება მთხოვეს, რომელიც შატო მუხრანში გაიმართა. მას შემდეგ, 3 წელია სერიოზულად ვმუშაობ ამ სფეროში და ვფიქრობ, რომ ეს ზუსტად ის საქმეა, რისი კეთებაც მინდა.

არასდროს არის მოსაბეზრებელი, იმიტომ რომ ყოველი ახალი ღონისძიება, ახალი ისტორიაა და ეს საკმაოდ საინტერესოა.

- ბევრისთვის აღმოჩენა გახდით ანუკი არეშიძისა და კახა კალაძის ქორწილით, რომელიც იდეალურ ფერებში და ელემენტებში იყო გადაწყვეტილი. როგორი იყო ამ ქორწილის სამზადისი და რა ურთიერთობა გაკავშირებთ წყვილთან?

- ამ ქორწილის მზადება, ჩემთვის ერთ-ერთი ყველაზე სასიამოვნო პროცესი იყო, იმ თვალსაზრისითაც, რომ მათგან 100%-იანი ნდობა იყო ჩემს მიმართ, რაც ვფიქრობ ყველაზე ადეკვატური მიდგომაა დამკვეთის მხრიდან. ანუკისთან დიდი ხნის ურთიერთობა მაკავშირებს და მას ყოველთვის მოსწონდა ის, რასაც ვაკეთებდი. ალბათ ამიტომაც გადაწყვიტეს, ჩემთვის მოენდოთ მათთვის ყველაზე მნიშვნელოვანი დღის შექმნა.

მეგობრული ურთიერთობა მაქვს მათთან, აღფრთოვანებული ვარ მათი მიდგომებით, ყველა საკითხთან მიმართებით წაიკითხეთ ვრცლად და ნახეთ ფოტოები