მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ერთი ტრაგედიაა, როცა ოჯახის წევრი დაგეღუპება, მეორე ტრაგედია - მას რომ ვერ დაიტირებ..." - აფხაზურმა მხარემ ენგურის ხიდი ჩაკეტა
15:01 / 28-06-2019
თბილისში მიმდინარე საპროტესტო აქციებთან დაკავშირებით, 27 ივნისს, ოკუპირებული აფხაზეთის ე.წ. ხელისუფლებამ ენგურის ხიდი ცალმხრივად ჩაკეტა.
აფხაზეთის “უშიშროების სამინისტროს” განცხადებით, ეს გადაწყვეტილება თბილისში დაწყებული აქციების კვალდაკვალ მიიღო, რომელიც "პროვოკაციული ხასიათისაა და აფხაზეთის სახელმწიფოებრიობასაც შეეხება”.
ამასთან, აფხაზეთის ე.წ. ლიდერმა რაულ ხაჯიმბამ მოუწოდა ქართულ მხარეს, აქციების დროს “აფხაზეთის ოკუპაცია არ ახსენონ, რადგან საქართველოში მიმდინარე პროცესები მათთან კავშირში არ არის...”
ენგურის ხიდზე მოძრაობის შეზღუდვამ უკვე გამოიწვია პრობლემები ორივე მხარეს: გალის მოსახლეობა აცხადებს, რომ ისინი იზოლაციაში არიან, რადგან ნაწილს სამსახური ზუგდიდში აქვთ.
"არ გვაქვს ინფორმაცია როდის აღდგება მიმოსვლა... ეს კი ჩვენთვის ნიშნავს სრულ იზოლაციას, რადგან ხალხს იქით მხარეს სამსახურები აქვს, ზოგიც ვაჭრობს და ამით ირჩენს თავს.
ჩემს პატარა შვილიშვილს ოპერაცია გაუკეთეს ხელზე, მოიტეხა, აქ დაადეს თაბაშირი. მყარი არ ყოფილა, ჩირქიც იყო დაგროვილი და ხელახლა მოუწიათ ძვლის დამტვრევა... მოკლედ, ახლა პროფილაქტიკურ შემოწმებაზე უნდა მიეყვანათ, მაგრამ უკან გამოგვაბრუნეს რუსმა მესაზღვრეებმა - არ შეიძლებაო. ჩვენთან ერთად აფხაზი ოჯახიც იყო რიგში, მათაც ბავშვი მოჰყავდათ. იმათაც ინერვიულეს - გამოკვლევებზე მიგვყავდა ბავშვიო... თქვენს მთავრობას მოჰკითხეთო, რუსმა სამხედრომ უთხრა" - წუხს AMBEBI.GE-სთან საუბარში ერთ-ერთი გალელი.
“გალის რაიონის სოფელ ზემო ბარღებში, გამზრდელი ბიძა გარდამეცვალა... დედაჩემის ძმა, რომელიც ჩემთვის ძალიან ძვირფასია. ძალიან ახალგაზრდა იყო, მეგობრები ვიყავით... იქ გახდა ცუდად და ერთმა აფხაზმა კაცმა პირველადი დახმარება გაუწია - სასწრაფოდ სოხუმის საავადმყოფოში მიიყვანა, მერე კი იქედან რეანომობილით საზღვრამდე წამოიყვანა... იბრძოლა სიცოცხლისთვის, მაგრამ მაინც ვერ გადარჩა.
ერთი ტრაგედიაა, ოჯახის წევრი რომ გიკვდება და მეორე ეს პროცესი - ხიდი, რომელიც ნებისმიერ დროს შეიძლება პრობლემად იქცეს და რომლის გამოღმაც, ასევე ნებისმიერ დროს შეიძლება ნახევარი სანათესაო დარჩეს ისე, რომ მიცვალებულის დატირებაც ვერ შეძლოს, ისე, როგორც ახლა ჩვენ დაგვემართა...
დედა და დეიდა, აქეთ მხარეს დარჩნენ - დედაჩემი ამაოდ ელოდა ზუგდიდში ე.წ. აფხაზურ მოსაწვევს, ამასობაში ხიდი ჩაკეტეს. თბილისში მაინც ძმის დაუტირებლად მოუწია დაბრუნება. საკუთარი ძმის დატირებას ვერ შეძლებენ... არ ვიცი, ამაზე დიდი პრობლემა რა შეიძლება იყოს..." - ამბობს ჩვენთან საუბარში “კვირის პალიტრის” ბლოგერი დუდანა ზაქარაია.
ხიდი დაკეტვის ფაქტს აფხაზური მოსახლეობა სოციალურ ქსელებშიც გამოეხმაურა. ერთი ნაწილის თქმით, სწორი გადაწყვეტილებაა, რადგან ერთხელ და სამუდამოდ, აფხაზეთში მიხვდნენ, რომ “საქართველოდან შემოტანილი კონტრაბანდით კი არ უნდა იარსებონ, თავად შექმნან დოვლათი...”
“სწორად მოქცეულან, ახლა აფხაზეთში ტურიზმის სეზონია და პროვოკაციებისგან არ ვართ დაზღვეული” - წერს სოციალური ქსელის მომხმარებელი “ნინა ვერინა”.
“უკეთესი იქნება თუ 15-მეტრიან ხიდს ააშენებენ და გარშემო დანაღმავენ” - ირონიულ კომენტარს აკეთებს abkhaz-auto.ru-ს სტატიის კომენტარებში მკითხველი ნიკიტა ბურდანოვი.
ტურისტული სეზონის კვალდაკვალ ადგილობრივი მოსახლეობა იმაზე შფოთავს, რომ ბანკომატებში ფული არ არის.
მათივე თქმით, Сухум-банк-ის, Гарант-банк-ისა და Амра-банк-ის ბანკომატებში ბოლო რამდენიმე დღეა ფულს ვერ იღებენ.
“უკვე შეჩვეული ვართ, რომ შაბათ-კვირას არც ერთი ბანკომატი არ მუშაობს, მაგრამ სოხუმში 7 ბანკომატია და ფული არც ერთში არ იყო... გვითხრან მაინც რა ხდება..." - წერს ერთ-ერთი აფხაზი სოციალურ ქსელში.
“სამაგიეროდ, ენგურის ხიდი ჩაკეტეს, რომ “მშვიდ” და “სტაბილურ” აფხაზეთში პროვოკაცია არ მოხდეს... პლუს უფულო აფხაზეთში ბარათელია ფულის მუზეუმს აშენებს..." - წერს “ჯონი სიგარი”.
ფოტო: დუდანა ზაქარაია
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
