მნიშვნელოვანი ინფორმაცია
9
ივნისიდღის ზოგადი ასტროლოგიური პროგნოზი
ორშაბათი, მთვარის მეთოთხმეტე დღე დაიწყება 21:02-ზე, მთვარე მშვილდოსანში იქნება 18:53-დან, უკურსო მთვარის პერიოდი იქნება 16:06-დან 18:55-მდე – მიიღეთ აქტიური და გადამწყვეტი მოქმედება. დაიწყე მნიშვნელოვანი და სერიოზული საქმეები. მომავალ წარმატებაში ეჭვი არ შეგეპაროთ. ფრთხილად და კარგად დაფიქრდი თქვენს ნაბიჯებზე. კომუნიკაცია სხვადასხვა ადამიანებთან. გააძლიერეთ ოჯახური კავშირები და დაამყარეთ ურთიერთობა საყვარელ ადამიანებთან, განსაკუთრებით უფროს თაობასთან. თუ შესაძლებელია, გადადეთ ყველაფერი, დაისვენეთ და ისიამოვნეთ ცხოვრებით. ფიზიკური აქტივობა სასარგებლოა. გაუფრთხილდით მხედველობას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ანზორ მელია - "ვფიქრობდი, დეპუტატებში 10 კაცი მაინც არის ჩემი ყოფილი პაციენტი და მკურნალი ექიმის შვილს არ გაიმეტებდნენ ციხისთვის"
12:15 / 27-06-2019
"მე ყოველთვის ველოდებოდი რომ მოხდებოდა ნიკას დაჭერა, მაგრამ ასე უსინდისოდ, ასე არაკაცურად ამას არ მოველოდი" - ამის შესახებ ტელეკომპანია „პალიტრანიუსის“ გადაცემა „ნიუსრუმში“ ნიკა მელიას მამამ, კარდიოლოგმა ანზორ მელიამ განაცხადა.
მისივე თქმით, ჰქონდა მოლოდინი, რომ პარლამენტის დარბაზში იქნებოდა 10 ადამიანი მაინც, მისი პაციენტი ან პაციენტის ახლობელი და არ მისცემდა ხმას მისი შვილის ციხეში გაშვებას.
„რაც გახმოვანდა, რომ ჩემს შვილს იბარებენ პარლამენტში, რომ მოუხსნან იმუნიტეტი, მე უკვე მივხვდი, რომ ეს არის სპეციალური დავალება და მზად ვიყავი ამისთვის.
მაგრამ გულის სიღრმეში მაინც ვფიქრობდი, რომ იმ დარბაზში დეპუტატებში 10 კაცი მაინც არის ჩემი ყოფილი პაციენტი, ან პაციენტების შვილები, ან კეთილმოსურნეები და დარწმუნებული ვიყავი, რომ ნიკას, თავიანთი მკურნალი ექიმის შვილს არ გაიმეტებდნენ ციხისთვის.
ერთადერთი იყო რომან კაკულია და დარწმუნებული ვიყავი ბატონი რომანი არ გადადგამდა იმ ნაბიჯს, რომ ჩემი შვილი გაეწირა ციხისთვის. მეგონა ასევე, რომ კობა კობალაძე გვერდით დაუდგებოდა ჩემს შვილს, კიდევ ბევრი სხვა, თუმცა არ მინდა ახლა გვარების დასახელება“, - აღნიშნა ანზორ მელიამ.
მან აღნიშნა, რომ როგორც კი ხელისუფლება შეიცვალა და ნიკა მელია ოპოზიციაში აღმოჩნდა, მისი პაციენტების 80% გაქრნენ.
„რომელ პაციენტებზე ვამბობ იცით, რომლებიც ღამის ორ, ოთხ საათზე მირეკავდნენ, რომლებსაც უჩემოდ არ შეეძლოთ არსებობა. 2012 წელს პარლამენტის პირველი სხდომა რომ ვნახე, 10 კაცი მინიმუმ იქ იჯდა, ვინც დამეკარგა“, - განაცხადა ანზორ მელიამ.
ნიკა მელიას მამის თქმით, მისი შვილის დაპატიმრება რუსული დავალების შესრულებაა.
„როგორ შეიძლება გაწირო ადამიანი, რომელსაც საქართველოზე გული შესტკივა და არის სუფთა კაცი. ნიკა ძალიან პატიოსანი, ალალი, გულმართალი და მოუსყიდველია. მე ყოველთვის ველოდებოდი ამას, რომ მოხდებოდა ნიკას დაჭერა, მაგრამ ასე უსინდისოდ, ასე არაკაცურად, ამას არ მოველოდი“, - განაცხადა ანზორ მელიამ "ნიუსრუმში".
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
უკონტროლო ვითარება ლოს-ანჯელესის ქუჩებში - პოლიციასა და მომიტინგეებს შორის შეტაკებები გრძელდება
კვირის კითხვადი სტატიები
მნიშვნელოვანი ინფორმაცია
მკითხველის რჩევით
პაციენტის ახლობლები კი არა ბიძინამ ხალხს ცოლ-შვილი გადაურჩინა ნახევარმილიონიანი ოპერაციები დაუფინანსა და დღეს ყველაფერი დაავიწყდათ, უსამართლოდ აკრიტიკებენ და ზურგს უკან აგინებენ. შენ თუ ვინმესთვის გიმკურნალია გასამრჯელოც მსუყედ მოგითხოვია და აგიღია.