ემზარ კვიციანს სურს, ნიკა მელიას თავდებში ჩაუდგეს - "რატომ არის საჭირო მისი პატიმრობაში ყოფნა, მაინტერესებს?!"
"პატრიოტთა ალიანსის" წევრს ემზარ კვიციანს სურს, რომ "ნაციონალური მოძრაობის" ერთ-ერთ ლიდერს ნიკა მელიას თავდებში ჩაუდგეს. ამის შესახებ კვიციანმა პარლამენტის პლენარული სხდომაზე განაცხადა, სადაც მელიას დაპატიმრებაზე თანხმობის მიცემის საკითხს უნდა უყარონ კენჭი.
"ნიკა მელიას მიმართ აღძრულია სისხლის სამართლის საქმე და ის არსად არ გაქცეულა. აგერ მოვიდა, ზის აქ და ამ ყველაფერს უყურებს. ყველა საფუძველი არსებობს, რომ ქვეყნიდან არ გაიქცევა და რატომ არის საჭირო მისი პატიმრობაში ყოფნა, მაინტერესებს?! თუ არის საშუალება, რომ დეპუტატები, ვისაც სურვილი ექნება, თავდებში დავუდგეთ ნიკანორ მელიას? თუ არის შესაძლებლობა, რომ დეპუტატებმა თავის თავზე აიღონ, რომ ის არ გაიქცევა... ან შიდა პატიმრობა იყოს გამოყენებული. მიუხედავად იმისა, რომ ჩვენ სხვადასხვა პოლიტიკური მიმართულებები გვაქვს, ის არის ჩვენი კოლეგა" - აღნიშნა კვიციანმა.
პარლამენტში ამ წუთებში პლენარული სხდომა მიმდინარეობს, სადაც პროკურატურისთვის ნიკა მელიას დაპატიმრებაზე თანხმობის მიცემის საკითხს კენჭი უნდა უყარონ.
"ძალადობას ადგილი არ ჰქონია... შემოიხია მაისური, არ გამოუვიდა პროვოკაცია და მას მაისურს საჩუქრად გადავცემ" - კალაძე ვარკეთილის ინციდენტზე
LIVE: "360 გრადუსი" - გია ხუხაშვილი, ირაკლი კიკნაველიძე, გურამ მაჭარაშვილი
