მნიშვნელოვანი ინფორმაცია
25
მაისიდღის ზოგადი ასტროლოგიური პროგნოზი
კვირა, მთვარის ოცდამერვე დღე დაიწყება 03:43-ზე, მთვარე კუროშია – დღეს დაწყებული საქმეები წარმატებულად სრულდება. კარგი დღეა ფინანსური საკითხის მოსაგვარებლად; საყიდლებისთვის. შემოქმედებითი საქმიანობა წარმატებას მოგიტანთ. მოერიდეთ ურთიერთობის გარჩევას გარშემო მყოფებთან. კარგი დღეა სამსახურის, საქმიანობის შესაცვლელად. სასიამოვნო ემოციებს შეგძენთ ხანმოკლე მგზავრობა, ხანგრძლივი მოგზაურობა სხვა დღისთვის გადადეთ. კარგი დღეა ფიზიკური ვარჯიშებისთვის, საოჯახო საქმეების შესასრულებლად. მოერიდეთ ჭარბი საკვების მიღებას. აგრეთვე, არასასურველია სმა და მოწევა. მოერიდეთ ხის მოჭრას, ყვავილების მოწყვეტას. ყურადღება მიაქციეთ არტერიულ წნევას. გაუფრთხილდით თავს, არ გადაღალოთ ტვინი. კარგი დღეა ბუნებაში სასეირნოდ, მიწაზე სამუშაოდ. რაციონიდან გამორიცხეთ პროდუქტები, რომლებიც სახამებელსა და ნახშირწყლებს შეიცავს.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
ცეცხლზე ნავთი, ანუ რა მოჰყვება გიორგი გახარიას პარლამენტში მისვლას
14:48 / 25-06-2019
შს მინისტრმა გიორგი გახარიამ პარლამენტს მიმართა, 20-21 ივნისის მოვლენებზე სასაუბროდ საკანონმდებლო ორგანოში გამოსვლის უფლება მიეცეს. სავარაუდოდ, ეს არ არის მხოლოდ გახარიას გადაწყვეტილება. ბიძინა ივანიშვილმა მას მისცა შანსი, პარლამენტის ტრიბუნიდან შეეცადოს, საზოგადოებრივი აზრის სათავისოდ შემობრუნებას. თუმცა, ამის ალბათობა ნაკლებია.
ირაკლი კობახიძის მაგალითი ყველას გვახსოვს - პარლამენტის თავმჯდომარე 20 ივნისს, პარლამენტთან განვითარებულ მოვლენებამდე 10 წუთით ადრე რომ გადამდგარიყო, ამ უბედურებას ავცილდებოდით. იგივე ხომ არ ხდება გახარიას შემთხვევაში? ანუ მისი თანამდებობიდან წასვლის დროში გაწელვა, ხომ არ გამოიწვევს საპროტესტო მუხტის ახალი ძალით გაღვივებას?!
პარლამენტის წინ საპროტესტო აქციები არ შეჩერებულა და ამ ფონზე გახარია აპირებს საკანონმდებლო ორგანოში შესვლას. აქცია, სავარაუდოდ, იმ დროს დაინიშნება, როდესაც პარლამენტში გახარიას მოსმენა გაიმართება. დიდია იმის ალბათობა, რომ აქციის მონაწილეები შეეცადონ, არ შეუშვან პარლამენტში შს მინისტრი, ანუ კიდევ ერთი დაძაბულობის კერა შეიქმნება პარლამენტთან, არაპროგნოზირებადი შედეგით. მეორე მხრივ, ოპოზიცია („ნაცმოძრაობა“, „ევროპული საქართველო“) შეეცდება, არ შეუშვას გახარია სხდომათა დარბაზში.
არ არის ეს ცეცხლზე ნავთი?! გახარია რომ მაგალითად, დღეს გადადგეს, ასე თუ ისე „ოცნება“ სახეს შეინარჩუნებს, მაგრამ თუ შს მინისტრი გადადგება მას შემდეგ, რაც მისი მოსმენა ახალი დაძაბულობის შექმნას განაპირობებს (და იძულებული გახდება გადადგეს), ეს უკვე არ იქნება ღირსეული საქციელი.
ასე რომ, ჩვენი აზრით, გახარიას პარლამენტში მისვლის დაანონსება გაუთვლელი და წამგებიანი პოლიტიკური ნაბიჯია და „კობახიძე 2“-ია. იმედია, ამას ხვდებიან „ოცნებაში“ და გახარიას „გაპრავებაზე“ კი არა, ახალი შს მინისტრის კანდიდატურაზე მსჯელობენ...
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
ჩრდილოეთ კორეის ახალმა სამხედრო ხომალდმა კატასტროფა განიცადა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
