"ბოდიშს ვუხდი მართლმადიდებელ დებს და ძმებს, რომ ღონისძიება ჩაიშალა" - დიანა ღურწკაია
რუსული ესტრადის მომღერალი დიანა ღურწკაია მიიჩნევს, რომ საქართველოს მოსახლეობის დიდი ნაწილი რუსების მიმართ კეთილგანწყობილია. ამის შესახებ სააგენტო ТАСС წერს.
„საქართველოდან დღეს დავბრუნდი, იქ მამა მოვინახულე. საქართველოს მოსახლეობის უმრავლესობასა და დემონსტრაციების მონაწილეებს შორის ძალიან დიდი სხვაობაა,“ - აღნიშნა ღურწკაიამ.
მისივე ქმით, ქართული საზოგადოების ერთ-ერთი უმნიშვნელოვანესი თვისება სტუმართმოყვარეობაა და „სტუმრის მიმართ უპატივცემლობა - სირცხვილი და თავისმოჭრაა“.
„ჩემთან ქუჩაში მოვიდა ადამიანი, რომელიც უნივერსიტეტის ლექტორი აღმოჩნდა. მან მითხრა, რომ თუ ხელისუფლებას არ ჰყოფნის მიხვედრის უნარი და ტაქტი, მას პირადად სურს ბოდიშის მოხდა. და მე, როგორც ქართველი, ვუერთდები მის სიტყვებს და ბოდიშს ვუხდი ყველა მართლმადიდებელ ძმას და დას, რომელთა ღონისძიებაც ჩაიშალა,“ - განაცხადა ღურწკაიამ.
ის მიიჩნევს, რომ სხვადასხვა ეროვნებისა და სარწმუნოების ადამიანები რუსეთში ყოველთვის დაცულად გრძნობდნენ თავს.