მნიშვნელოვანი ინფორმაცია
8
ივნისიდღის ზოგადი ასტროლოგიური პროგნოზი
კვირა, მთვარის მეცამეტე დღე დაიწყება 19:40-ზე, მთვარე მორიელშია – კარგია ჯგუფური მუშაობისთვის, ახალი ინფორმაციის მოსაპოვებლად, სწავლის დასაწყებად. საყოფაცხოვრებო ნივთების დაგროვების, შეძენისა და წარმოებისთვის. კარგია პურის გამოცხობა. არ არის რეკომენდებული სერიოზული საქმეების და ვალდებულებების შესრულება, განსაკუთრებით მარტო. ადრე დაწყებული პროექტების მიტოვება. სიზარმაცე. ხელსაყრელი დღეა მოგზაურობისთვის, მივლინების ან მომლოცველებისთვის. აგრეთვე ოჯახის შესაქმნელად.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"საქართველოს თითზე ჩამოსათვლელი ჰყავს ასეთი შვილი" - აქციის შემდეგ, ახალგაზრდა ისტორიკოსი ირაკლი ხვადაგიანი დააპატიმრეს
11:33 / 22-06-2019
შინაგან საქმეთა სამინისტროს ინფრომაციით, 20 ივნისის ღამეს რუსთაველის გამზირზე მიმდინარე აქციის დროს სხვადასხვა სამართალდარღვევისთვის 305 მოქალაქე დააკავეს.
დაკავებულებს შორისაა საბჭოთა წარსულის კვლევის ლაბორატორიის მკვლევარი, ისტორიკოსი ირაკლი ხვადაგიანი, რომელიც აქციის ღამეს რუსთაველის გამზირზე იმყოფებოდა და ძმასთან, ასევე ისტორიკოს დავით ხვადაგიანთან ერთად დააკავეს.
ირაკლი ხვაგადიანს სასამართლომ გუშინ 9-დღიანი პატიმრობა შეუფარდა. მას ხულიგნობასა და პოლიციისთვის წინააღმდეგობის გაწევას ედავებიან. დაპატიმრებულის თქმით, დაკავებისას ის სამართალდამცველებმა სცემეს, რისი კვალიც სახეზე ნათლად ეტყობა - თვალის არეში აქვს სისხლჩაქცევები და სავარაუდოდ, მიღებული აქვს ტვინის შერყევა.
რაც შეეხება პატიმრობაში მყოფის ძმას, დავით ხვადაგიანს, მისი ახლობლების ინფორმაციით, ის სასტიკად ნაცემია: მიყენებული აქვს მძიმე დაზიანებები, ცალ ყურში არ ესმის და ცალი ფეხით კოჭლობს, რაც სავარაუდოდ სპეცრაზმელის ფარით და და "დუბინკით" ცემის შედეგია. დავით ხვადაგიანის პროცესი ჯერჯერობით არ გამართულა და ის ამჟამად თავისუფალია.
ისტორიკოსი ირაკლი ხვადაგიანი AMBEBI-ს რესპონდენტი არაერთხელ ყოფილა, ახალგაზრდა ასაკის მიუხედავად - ის მხოლოდ 30 წლისაა, სამეცნიერო წრეებში ხვადაგიანის სახელი კარგად ცნობილია და საბჭოთა წარსულის ერთ-ერთ საუკეთესო მკვლევარად ითვლება.
ისტორიკოსი ძმების დაკავებას მათი კოლეგები, ჟურნალისტები და საზოგადოებისთვის ცნობილი სახეები სოციალურ ქსელში ეხმაურებიან:
საქართველოს პარლამენტის ეროვნული ბიბლიოთეკის საბიბლიოთეკო რესურსების დეპარტამენტის დირექტორი ლევან თაქთაქიშვილი წერს:
"საქართველოს თითზე ჩამოსათვლელი ყავს ისეთი შვილი, როგორიც ირაკლი ხვადაგიანია. მე მას ვიცნობ და ვამაყობ მასთან მეგობრობით. მე დარწმუნებული ვარ, რომ ის უდანაშაულოა, რა დღეში ვნახე ფოტოზე... გული დამეთუთქა. თავისუფლება ირაკლის! გთოვთ ყველას, დავუდგეთ ირაკლის გვერდით. მისი დაკავება შეცდომაა, სამართალდამცავი ორგანოებისათვის კი ანტიპიარია. რომელი, ოდნავ მაინც პროფესიონალი სამართალდამცველი დაინახავს მასში სამართალდამრღვევს?" - წერს თაქთაქიშვილი.
ოქსფორდის უნივერსიტეტის პოსტსადოქტორო მკვლევარი, პროფესორი ბექა კობახიძე:
ირაკლი ხვადაგიანს 9 დღე პატიმრობა მიუსაჯეს, დავით ხვადაგიანზე ჯერ არ ვიცით, მაგრამ იგივეს ვვარაუდობთ. ორივე მაგარი ნაცემები არიან. ზვიგენი რომ მთაშია, ხე რომ ზღვაში და მელიქიშვილზე მიმავალს ვეფხვის რომ მეშინოდა, ეს ყველაფერი ბევრად უფრო ლოგიკურია, ვიდრე ამ ხალხის ოდესმე ციხეში ჩაჯდომა. ეს ხალხი შიშველი ხელებით და მაღალი ხარისხით წერს, როგორც საბჭოთა წარსულის, ასევე დემოკრატიული რესპუბლიკის ისტორიას. მათ ამ სახელმწიფოსგან არაფერი მოუთხოვიათ და მიუღიათ. ახლა ციხეშიც აღმოჩდნენ და რისთვის?
9 დღე მათ არ მოკლავს, მაგრამ ერთი წუთი, სიმბოლური ერთი წუთიც რომ იყოს, ყური და გონება ვერ ღებულობს ხვადაგიანების ციხეში ყოფნას. ამ დროს, სახელმწიფო კვლევითი ინსტიტუტების, მუზეუმების, კათედრების მლიქვნელი ხელმძღვანელები გარინდულნი სხედან და კმაყოფილნი არიან ცხოვრებით, ზოგი თბილ ქვეყნებში მივლინებით დადის და მადამ პრეზიდენტის პოსტებს აზიარებს. ეს რომ ასეა, იმას ნიშნავს რომ სახელმწიფო უკუღმა დგას!" - წერს ბექა კობახიძე "ფეისბუქის" პირად გვერდზე.
ჟურნალისტური ეთიკის ქარტიის საბჭოს მდივანი, დავით კლდიაშვილი:
"ხშირად მიფიქრია, რომ მკითხონ ვინ არის შენს თაობაში გამორჩეული ადამიანიო, დაუფიქრებლად ვეტყოდი ირაკლი ხვადაგიანი!"
პოლიტიკური ისტორიკოსი, მთაწმინდის მაჟორიტარი დეპუტატობის ყოფილი კანდიდატი, გრიგოლ გეგელია:
"უწესიერესი, უკეთილშობილესი ადამიანი, ჭიანჭველას ფეხს რომ არ დაადგამს, კარგი მკვლევარი და ისტორიკოსი, ამ დღეში როგორ სახელმწიფოში შეიძლება იყოს?! მხოლოდ იქ სადაც ხეპრე, უვიცი ქუცნაშვილის და უსახური ნეობოლშევიკი კობახიძის გათავისუფლებას დღენახევარი დასჭირდა და თან რა ფასად! მხოლოდ იქ სადაც ეს ნამდვილი არარაობები, ეს უსახური, უსულო ბოლშევიკები ფასობენ და არა წესიერი ხალხი, ნიჭი, მორალი და მომავალი!"
ირაკლი ხვადაგიანის შესახებ გუშინ რუსთაველის გამზირზე გამართული მშვიდობიანი აქციის დროს ისაუბრა იუსტიციის უმაღლესი საბჭოს არამოსამართლე წევრმა ანა დოლიძემ:
"სასამართლო პროცესებიდან მოვდივარ, სადაც ქარხნული წესით გაასამართლეს ჩვენი, თქვენი მეგობრები. არავის უკითხავს მათთვის, რისთვის იყვნენ გუშინ აქ, არავითარი მტკიცებულებები არ მოუთხოვიათ, 15-15 წუთში პატიმრობაში გაუშვეს საბჭოთა წარსულის მკვლევარი, რაც ძალიან სიმბოლურია! საბჭოთა წარსულის მკვლევარი, უამრავი წიგნის ავტორი ირაკლი ხვადაგიანი. ის გაუშვა ციხეში სისტემამ, რომელიც არ დანგრეულა და რომელიც არ დაინგრა ირაკლი კობახიძის გადადგომით. სისტემა უნდა დაინგრეს! სისტემის დანგრევის ერთ-ერთი საფეხური იქნება, გავრილოვის აქ ჩამომყვანის ერთ-ერთი ხელშემწყობისა და ამაზე პასუხისმგებელი პირის, გიორგი გახარიას გადადგომა!" - განაცხადა ანა დოლიძემ რუსთაველის გამზირზე სიტყვით გამოსვლისას.
როგორც შს მინისტრის მოადგილემ ვლადიმერ ბორცვაძემ გუშინ ბრიფინგზე განაცხადა, აქციაზე დაკავებულთა მიმართ, შინაგან საქმეთა სამინისტრომ გამოძიება დაიწყო საქართველოს სისხლის სამართლის კოდექსის 225-ე მუხლით, რაც ჯგუფური ძალადობის ორგანიზებას, ხელმძღვანელობას ან მასში მონაწილეობას გულისხმობს.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
