26
მაისიდღის ზოგადი ასტროლოგიური პროგნოზი
საქართველოს პარლამენტის შენობასთან გამართულ აქციაზე დაშავებული ზუგდიდელi მსახიობის დემეტრე ნაყოფიას ოპერაცია დასრულდა. ამის შესახებ AMBEBI.GE-ს მისმა მეგობარმა ნიკა ლაშხიამ უთხრა. მისი თქმით, ექიმები რამდენიმე საათის განმავლობაში ჯერ თვალის შენარჩუნებაზე, შემდგომ კი მხედველობის აღდგენაზე მუშაობდნენ. ლაშხიას ინფორმაციით, მიუხედავად რთული ოპერაციისა, ის წარმატებით დასრულდა.
"ექიმებიც კი არ ელოდნენ ამ შედეგს. თავდაპირველად თვალის ამოღებაზეც კი იყო საუბარი, თუმცა როგორც გვითხრეს ყველაფერი კარგად დასრულდა", - გვითხრა ნიკა ლაშხიამ.
24 წლის დემეტრე ნაყოფიამ პარლამენტთან განვითარებული მოვლენების დროს უმძიმესი დაზიანება მიიღო. მას აქციის დარბევის დროს თვალის არეში რეზინის ტყვია მოხვვდა. ნაყოფია თეატრალური უნივერსიტეტის სტუდენტია.
სამწუხაროდ, გუშინდელი დარბევის შედეგად მიღებული დაზიანებებით, ორმა ადამიანმა დაკარგა თვალი. "ნიუ ჰოსპიტალსის“ დირექტორის, გიორგი კორძახიას ინფორმაციით, პარლამენტის წინ აქციის დროს დაშავებულ ორ ადამიანს თვალის ამოღება დასჭირდა. როგორც კორძახიამ განაცხადა, კლინიკაში გუშინ 24 ადამიანი შეიყვანეს.
შეგახსენებთ, რომ რუსთაველის გამზირზე, მოქალაქეები რუსი დეპუტატის საქართველოში ჩამოსვლას და სერგეი გავრილოვის მიერ, პარლამენტის თავმჯდომარის სავარძლის დაკავებას აპროტესტებდნენ. პარლამენტის წინ სიტუაცია 20 ივნისს, დაახლოებით 22:00 საათზე დაიძაბა, მას შემდეგ, რაც დემონსტრანტები პარლამენტის შენობის შესასვლელისკენ დაიძრნენ.
სიტუაციის დაძაბვის შემდეგ პარლამენტში მივიდნენ პრემიერ-მინისტრი, შინაგან საქმეთა მინისტრი და „ქართული ოცნების“ ლიდერები. აქციის მონაწილეების დასაშლელად გამოყვანილ იქნა სპეცრაზმი. მათ აქციის მონაწილეების მისამართით ცრემლსადენი გაზი, რეზინის ტყვიები და წყლის ჭავლი გამოიყენეს.
