მნიშვნელოვანი ინფორმაცია
7
ივნისიდღის ზოგადი ასტროლოგიური პროგნოზი
შაბათი, მთვარის მეთორმეტე დღე დაიწყება 18:20-ზე, მთვარე მორიელში იქნება 06:22-დან –რეკომენდებულია მოლაპარაკებების წარმოება. დახმარების თხოვნა. გამოიჩინეთ ნებისყოფა, გამძლეობა, სიმტკიცე და პატიოსნება სამსახურში. გამოავლინეთ საკამათო საკითხების გადაჭრის, კონფლიქტების მოგვარების და კომპრომისებზე წასვლის უნარი. არ არის რეკომენდებული გადაჭარბებული ზრუნვა. ახალი წამოწყებები. აჩქარების და აურზაურის გამოვლინება. საუკეთესო დღეა ოჯახის შესაქმნელად. დღეს მაქსიმალური სიყვარული და მზრუნველობა გამოიჩინეთ პარტნიორის მიმართ და ეცადეთ, არ გაანაწყენოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ვინ არის სპეცრაზმელი, რომელიც კადრში ოპერატორს უმიზნებს და რა აკავშირებდა მასთან ბაჩო ახალაიას
12:57 / 21-06-2019
"ფეისბუქში" ვრცელდება კადრები, რომელზეც ჩანს სპეცრაზმელი ცრემლსადენი გაზის იარაღით, რომელსაც ოპერატორს უმიზნებს. "რუსთავი 2"-ის ოპერატორის მიერ გადაღებულ კადრებში ნათლად ჩანს სპეცრაზმელის სახე, რადგან მას ნიღაბი არ უკეთია. სპეცრაზმელი სიცილით უმიზნებს იარაღს ოპერატორს და მას შემდეგ, რაც გვერდით მდგომი სამართალდამცველი იარაღს გააწევინებს, ჰაერში ისვრის.
არსებული ინფორმაციით, კადრებში ასახული მამაკაცი ზაზა ფანცქალაშვილია. ის შსს-ს მოქმედი თანამშრომელია და სამართალდამცავ უწყებაში დაახლოებით 2004 წლიდან მუშაობს. ის მონაწილეობდა 2008 წლის აგვისტოს ომში და მხარში დაიჭრა. ფანცქალაშვილი თელავის რაიონის მკვიდრია.
AMBEBI.GE-მ მის შესახებ საინტერესო ინფორმაცია მოიპოვა. ზაზა ფანცქალაშვილის სახელი ფიგურირებს ბაჩანა ახალაიას ერთ-ერთი ბრალდების საქმეში. კერძოდ, ე.წ. „რეინჯერების“ საქმეზე, რომელზეც ყოფილ შს მინისტრს ბრალი 2013 წლის 1 მარტს წარუდგინეს.
ბრალდების შესახებ დადგენილების თანახმად, 2012 წლის 18 აგვისტოს, ანუ მაშინ, როცა ახალაია შინაგან საქმეთა მინისტრი იყო, მან შეიტყო, რომ შს სამინისტროს განსაკუთრებულ დავალებათა დეპარტამენტის პირველი სამმართველოს თანამშრომლები: თეიმურაზ ფალავანდიშვილი, ზაზა ფანცქალაშვილი, მამუკა ჟვანია, დავით ბაგრატიშვილი, მიხეილ ედიშერაშვილი, სამველ ბაზოიანი და არსენ მკრტუმიანი თანაუგრძნობდნენ „ქართულ ოცნებას“ და მათი დამცირება გადაწყვიტა პოლიტიკური შეხედულებების გამო.
ბაჩანა ახალაიამ განიზრახა პოლიტიკური შეხედულებების გამო მათი დასჯა-წამება, დამამცირებელი და არაადამიანური მოპყრობა, რასაც სამსახურებრივი მდგომარეობის გამოყენებით გაუკეთა ორგანიზება. მან ბრძანება გასცა, სასწრაფოდ შეეკრიბათ პირველი სამმართველოს პირადი შემადგენლობა. ბაზაზე მისვლისას, მან დაამცირა ზაზა ფანცქალაშვილი - უწოდა მას მოღალატე, პინგვინი და პოლიტიკური შეხედულების გამო მიაყენა ღირსების შემლახავი სიტყვიერი შეურაცხყოფა.
ამ საქმეზე ბრალდებული ახალაია თბილისის საქალაქო სასამართლოს 2013 წლის 31 ოქტომბრის განაჩენით ე.წ. „რეინჯერების“ საქმეზე გამართლდა.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
კადრები კიევიდან - რუსებმა ქალაქს დრონებით და რაკეტებით დაარტყეს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
