მნიშვნელოვანი ინფორმაცია
1
ივნისიდღის ზოგადი ასტროლოგიური პროგნოზი
კვირა, მთვარის მეექვსე დღე დაიწყება 10:27-ზე, მთვარე ლომშია – მარტოობისა და თავმდაბლობის დღეა. ინტუიცია მძაფრდება. კარგია სუნთქვითი ვარჯიში და არომათერაპია. კარგია ზედა სასუნთქი გზებისა და ბრონქების გაწმენდა. რეკომენდებულია: მოაგვარეთ მატერიალური და ფულადი საკითხები. აკეთეთ საქმე. გამოავლინეთ თქვენი უნარები და ნიჭი. წარმატების მიღწევა ბევრ სფეროში შეიძლება. უმჯობესია თავი შეიკავოთ როგორც გრძელი, ასევე მოკლე მოგზაურობისგან. ეს დღე განკუთვნილია დასვენებისთვის.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
24 წლის ბიჭს, რომელზეც წერენ, რომ აქციის დაშლისას თვალი დაკარგა, ოპერაცია ახლა უტარდება
10:15 / 21-06-2019
"ფეისბუქში" ვრცელდება გუშინდელი აქციის ერთ-ერთი მონაწილის, ახალგაზრდა მამაკაცის ფოტო, რომელსაც თვალის არეში უმძიმესი დაზიანება აქვს მიღებული. ინტერნეტმომხმარებლები წერენ, რომ ეს ბიჭი აფხაზეთიდან დევნილი დემეტრე ნაყოფიაა, რომელმაც აქციის დარბევის დროს, სავარაუდოდ რეზინის ტყვიით მიყენებული ტრავმის შედეგად თვალი დაკარგა.
„ეს დემეტრეა, თეატრალური უნივერსიტეტის სტუდენტი, აფხაზეთიდან დევნილი... ამ დღეში მხოლოდ იმიტომ არის, რომ სამშობლოში ოკუპანტის გაპარპაშება გააპროტესტა, ეს დანაშაულად ჩაუთვალეს და ამ საბედისწერო დღის შემდეგ მხოლოდ ნახევარი სამყაროს დანახვას შეძლებს!“ - წერს მიმო გაბაიძე "ფეისბუქის" პირად გვერდზე.
თუმცა იმას, რომ ახალგაზრდამ თვალი დაკარგა, AMBEBI.GE-სთან საუბარში არ ადასტურებენ დემეტრე ნაყოფიას მეგობრები. ზუგდიდელ მსახიობს, რომელიც გუშინ პარლამენტის შენობის მიმდებარე აქციაზე დაშავდა, ამ წუთებში ოპერაცია უტარდება. მას რეზინის ტყვია მარცხენა თვალში აქვს მოხვედრილი.
დემეტრეს მეგობრების ინფორმაციით, ნაყოფია გუშინ აქციაზე - „სირცხვილია!“ იმყოფებოდა, როდესაც სამართალდამცავებმა მონაწილეების დაშლა რეზინის ტყვიებითა და ცრემლსადენი გაზით დაიწყეს.
"მე არ ვყოფილვარ მასთან ერთად, მაგრამ მეგობრებისგან ვიცი, რომ როდესაც აქციის მონაწილეების დაშლა დაიწყეს, დაბნეული დემეტრე პოლიციელებისკენ გაქცეულა, რა დროსაც მას ტყვია თვალში მოხვდა. მას ახლა ოპერაცია უტარდება და ველოდებით შედეგს", - ამბობს მისი მეგობარი AMBEBI.GE-სთან საუბარში.
სამწუხაროდ, გუშინდელი დარბევის შედეგად მიღებული დაზიანებებით, ორმა ადამიანმა დაკარგა თვალი. "ნიუ ჰოსპიტალსის“ დირექტორის, გიორგი კორძახიას ინფორმაციით, პარლამენტის წინ აქციის დროს დაშავებულ ორ ადამიანს თვალის ამოღება დასჭირდა. როგორც კორძახიამ განაცხადა, კლინიკაში გუშინ 24 ადამიანი შეიყვანეს.
მისივე თქმით, ოცდაოთხი ადამიანიდან ოთხს ოპერაცია ჩაუტარდა. "ორს აღენიშნება თვალის მძიმე დაზიანება, რომელიც დამთავრდა ენუკლიაციით“, - განაცხადა გიორგი კორძახიამ.
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გიორგი ბაჩიაშვილი - საქართველოს წარმომადგენლებმა, ივანიშვილის დავალებით, მიმართეს ბანდიტურ გზას და მოტაცებით ჩამომიყვანეს საქართველოში
კვირის კითხვადი სტატიები
მნიშვნელოვანი ინფორმაცია
მკითხველის რჩევით
