ექიმი - რუსთაველზე დაშავებული 20 პაციენტია შემოყვანილი, რამდენიმე შემთხვევა შესაძლოა, თვალის დაკარგვით დასრულდეს
რუსთაველის გამზირზე განვითარებული მოვლენების შედეგად დაშავებული 20 პაციენტი "ნიუ ჰოსპიტალსშია" მოთავსებული. როგორც "ინტერპრესნიუსს" კლინიკის მთავარმა ექიმმა, გიორგი კორძახიამ განუცხადა, მათთან შეყვანილი პაციენტებიდან 6-ს თვალის დაზიანებები აქვს მიღებული. მათგან 3-ს ოპერაცია ჩაუტარდება, მეოთხეს მდგომარეობაზე კი თათბირობენ. კორძახიას თქმითვე, შესაძლოა, რამდენიმე პაციენტისთვის თვალის შენარჩუნება ვერ მოხერხდეს.
"ამ ეტაპისთვის კლინიკაში შემოსული არის 20 პაციენტი, რომლებიც აღნიშნავენ, რომ იყვნენ რუსთაველის გამზირიდან და თავისუფლების მოედნის მიმდებარე ტერიტორიიდან. მდგომარეობა საშუალო სიმძიმისაა. ძირითადად, პაციენტებში აღინიშნება თვალის დაზიანებები. რამდენიმე პაციენტს თვალის ოპერაცია გაუკეთდება და მერე გვეცოდინება, თუ რა მოცულობის ტრავმაა. შესაძლოა, რამდენიმე შემთხვევა თვალის დაკარგვით დასრულდეს.
არის, ასევე ბლაგვი ტრავმები, მოტეხილობები. რამდენიმე ჭრილობიდან ამოღებულია ე.წ. რეზინის ტყვიები. 6 პაციენტი თვალის ტრავმითაა შემოსული, აქედან 3 არის საყურადღებო. ოპერაცია დასჭირდა 3 მათგანს. ოპერაციები პარალელურ რეჟიმში მიმდინარეობს, მეოთხე პაციენტის შემთხვევაზე დაკვირვება მიმდინარეობს", - განაცხადა კორძახიამ.
"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი
"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება
