პოლიციელები აქციის მონაწილეებსა და ჟურნალისტებს წყალს ურიგებენ

პარლამენტთან მიმდინარე აქციაზე პოლიციელები აქციის მონაწილეებს, ჟურნალისტებსა და ოპერატორებს წყალს ურიგებენ. ადგილზე ვითარება ამ დრომდე დაძაბულია.

აქციის მონაწილეები კვლავ ცდილობენ საქართველოს პარლამენტში შეჭრას, თუმცა ამის უფლებას პოლიცია არ აძლევთ. ფიზიკური დაპირისპირებისას აქციის მონაწილეებმა პოლიციელებს აღჭურვილობები დაუმტვრიეს. ამის პარალელურად ერთ ერთი მოქალაქე პარლამენტის შენობის ფასადზე ავიდა და საქართველოს დროშა აიტანა, თუმცა ის პოლიციელებმა ჩამოიყვანეს.

ცოტა ხნის წინ პარლამენტში მივიდა შინაგან საქმეთა მინისტრი გიორგი გახარია.

"როგორც არ უნდა დამთავრდეს დღევანდელი ტრაგიკული შემთხვევა, თავდასხმას პოლიციასა და პარლამენტზე ექნება შესაბამისი შეფასება და ყველა დაისჯება კანონის სრული სიმკაცრით" - აღნიშნა მინისტრმა.